અમદાવાદમાં મોડી રાતે 3 લોકોએ જાહેરમાં ફિલ્મી ઢબે કર્યું ફાયરિંગ, સમગ્ર ઘટના થઈ CCTVમાં કેદ, જુઓ ફાયરિંગનો આ VIDEO
અમદાવાદમાં કાયદો અને વ્યવસ્થા સામે અનેક સવાલો ઉભા કરતી ઘટના ગત મોડી રાતે બની છે. પોલીસના સબ સલામતના દાવા વચ્ચે ગુનેગારો બેફામ બન્યા છે. કોમ્બિંગ નાઈટ હોવા છતાં જાહેરમાં ફિલ્મી ઢબે ફાયરિંગથી અમદાવાદ પોલીસની કામગીરી પર અનેક સવાલો ઉભા થયા છે. ગત મોડી રાતે શહેરના વૈભવી વિસ્તાર એવા જોધપુરમાં ફાયરિંગની ઘટના બની હતી. આ પણ […]
અમદાવાદમાં કાયદો અને વ્યવસ્થા સામે અનેક સવાલો ઉભા કરતી ઘટના ગત મોડી રાતે બની છે. પોલીસના સબ સલામતના દાવા વચ્ચે ગુનેગારો બેફામ બન્યા છે. કોમ્બિંગ નાઈટ હોવા છતાં જાહેરમાં ફિલ્મી ઢબે ફાયરિંગથી અમદાવાદ પોલીસની કામગીરી પર અનેક સવાલો ઉભા થયા છે. ગત મોડી રાતે શહેરના વૈભવી વિસ્તાર એવા જોધપુરમાં ફાયરિંગની ઘટના બની હતી.
આ પણ વાંચો: આજનું રાશિફળ: આ રાશીના જાતકો માટે આજે નાણાકીય લાભ અને ભાગ્યવૃદ્ઘિના યોગ છે
કેબલની ઓફિસ ધરાવતા મહેશ ઠાકોર પર આકાશ પરમાર નામના વ્યક્તિએ ફાયરિંગ કર્યું હતું. ફિલ્મી ઢબે કારમાંથી ઉતરીને આરોપી આકાશ પરમારે અને તેમના બે સાગરીતોએ બે રાઉન્ડ ફાયરિંગ કર્યું હતું. અને ત્યારબાદ તેઓ નાસી છૂટ્યા હતા. જો કે મિસ ફાયર થતા સદનસીબે ફાયરિંગમાં કોઈ જાનહાનિ નથી થઈ.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
આ ઘટનાની સાક્ષી પુરતા CCTV ફુટેજ પણ સામે આવ્યા છે. જેમાં ગુનેગારો કેટલા છાંકટા બન્યા છે તે સ્પષ્ટ દેખાય છે. તો બીજી તરફ સેટેલાઈટ જેવા પોશ વિસ્તારમાં આ પ્રકારની ઘટના બનતા લોકોમાં ભયનો માહોલ ફેલાયો છે.
જાહેરમાં ફાયરિંગ કરનારો આરોપી આકાશ પરમાર આ જ વિસ્તારનો કુખ્યાત બુટલેગર છે. જેના પર અત્યાર સુધી ચારથી વધુ ગુનાઓ નોંધાયેલા છે. અંગત અદાવતના કારણે આરોપી આકાશ પરમાર અને મહેશ ઠાકોર વચ્ચે પહેલા પણ બબાલ થઈ હતી. પાંચેક મહિના પહેલા મહેશ ઠાકોર અને તેના સાગરીતો સાથે આકાશ પરમારને કોઇ બબાલ થઇ હતી. જેનો બદલો લેવા આ ફાયરીંગ થયું હોય તેવી પણ શક્યતા છે.
[yop_poll id=”1″]
ફાયરિંગની આ ઘટનાના CCTV ફૂટેજ સામે આવ્યા છે. જ્યારે ફાયરિંગ થયું તે સમયે મહેશ ઠાકોરની સાથે કામ કરતા લોકો ઓફિસની બહાર બેઠા હતા. ઘટનાની જાણ થતા જ પોલીસના ઉચ્ચ અધિકારીઓ સહિતનો કાફલો ઘટનાસ્થળે પહોંચી ગયો હતો. હાલ પોલીસે CCTV ફૂટેજના આધારે વધુ તપાસ હાથ ધરી છે.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો