વડોદરામાં બરોડા ડેરીની ચૂંટણીમાં ભાજપ સમર્થિત પેનલની જીત, વિજય સરઘસમાં નિયમો નેવે મુકાયા
વડોદરામાં બરોડા ડેરીની યોજાયેલી ચૂંટણીમાં ભાજપ સમર્થિત પેનલનો વિજય થયો. જે બાદ વિજય સરઘસ કાઢવામાં આવતા નેતાઓએ નિયમો નેવે મૂકી દીધા. અનેક લોકોએ માસ્ક નહોતા પહેર્યા. જ્યારે સોશિયલ ડિસ્ટન્સનો સરેઆમ ભંગ થયો. દ્રશ્યોમાં તમે જોઈ શકો છો કે વિજયના ઉન્માદમાં ભાન ભૂલેલા નેતાઓ અને આગેવાનો કેટલી હદે નિયમો તોડવામાં મસ્ત છે. ડેરીના ચેરમેન દિનેશ પટેલે […]
વડોદરામાં બરોડા ડેરીની યોજાયેલી ચૂંટણીમાં ભાજપ સમર્થિત પેનલનો વિજય થયો. જે બાદ વિજય સરઘસ કાઢવામાં આવતા નેતાઓએ નિયમો નેવે મૂકી દીધા. અનેક લોકોએ માસ્ક નહોતા પહેર્યા. જ્યારે સોશિયલ ડિસ્ટન્સનો સરેઆમ ભંગ થયો. દ્રશ્યોમાં તમે જોઈ શકો છો કે વિજયના ઉન્માદમાં ભાન ભૂલેલા નેતાઓ અને આગેવાનો કેટલી હદે નિયમો તોડવામાં મસ્ત છે. ડેરીના ચેરમેન દિનેશ પટેલે નિયમો તોડીને લાજવાને બદલે ગાજવાનું ચાલું રાખ્યું. તેમને નિયમો તોડવા અંગે પૂછવામાં આવતા તેમણે કહ્યું કે પાદરામાં આજ પછી કોઈને કોરોના નહીં થાય. દિનેશ પટેલના આ નિવેદન પરથી જ સમજી શકાય છે કે તેઓ કેટલા બેજવાબદાર છે. તેમને પોતાના આરોગ્યની તો ચિંતા નથી જ. પણ લોકોના આરોગ્યની પણ કોઈ ચિંતા નથી.