પતિએ મોબાઈલ છીનવ્યો તો પત્નિએ હંમેશા માટે પતિને કરી દીધો જીવનથી અનફોલો !

હાલના સમયમાં લગભગ દરેક વ્યક્તિમાં સોશિયલ મીડિયા(Social Media)નો ક્રેઝ જોવા મળે છે. આપણે પોતાની દરેક મહત્વની પળને ફોટા , વિડીયો કે શબ્દોમાં વ્યક્ત કરી મિત્રવર્તુળમાં શેર કરતા હોઈએ છીએ. ભરૂચ(Bharuch)માં સોશિયલ મીડિયા ઉપર પોસ્ટ મૂકવું જેવી નજીવી બાબતે દંપતી વચ્ચેની તકરારમાં મહિલાએ જીવ ગુમાવ્યો છે.પતિએ પત્નીને સોશિયલ મીડિયા ઉપર ફોટા વિડિયો અપલોડ કરવા બાબતે ઠપકો આપતા નારાજ પત્નીએ રસોડામાં ગળે ફાંસો ખાઈ જીવન ટુંકાવ્યું હોવાનો બનાવ સામે આવતા મામલો પોલીસ ચોપડે ચઢ્યો છે. ઘટના સંદર્ભે પોલીસે અકસ્માત મોતનો ગુનો દાખલ કરી મહિલાના મૃતદેહનું પોસ્ટમોટર્મ કરાવ્યું છે.

માધુરીસીંગ સોશિયલ મીડિયામાં ખુબ એક્ટિવ હોવાનું તેના પતિને પસંદ ન હતું. મહિલાના પતિ ભગવાનસીંગના પગ દુ:ખાતા હતા તેથી માધુરી તેના પતિના પગ દબાવી રહી છી. પતિની સેવા કરતા મહિલાએ સોશિયલ મીડિયા એપ ખોલી હતી અને પતિની સેવા કરતો શોર્ટ વિડીયો બનાવી અપલોડ કરવા લાગી હતી. પતિએ માધુરીને આમ કરતી અટકાવી હતી. પત્ની વિડિયો મુકવા માટે જીદ કરતા પતિએ તેને ગુસ્સામાં વિડીયો ઉતારતી પત્નીનો હાથ પકડી તેની પાસેથી પતિએ મોબાઇલ ઝૂંટવી લીધો હતો. આ ઘટના બાદ પત્ની રીસાઇને રસોડામાં જતી રહી હતી. ઘણો સમય વીતી જવા છતાં મહિલા રસોડામાંથી બહાર નહીં આવતા પતિ તપાસ કરતા દુપટ્ટાથી ગળે ટૂંપો દેવાથી મૃત્યુ પામેલી મહિલાનો મૃતદેહ મળી આવ્યો હતો.

Web Stories View more

IPL વચ્ચે ક્રિકેટર મલિંગાએ પત્ની સાથે શેર કર્યો રોમેન્ટિક વીડિયો, જુઓ

પ્રેમાનંદ મહારાજ વૃંદાવન કેમ છોડતા નથી? જણાવ્યું મોટું રહસ્ય

ગરમીમાં હાઈ બીપીના દર્દીઓએ ભૂલથી પણ ના ખાવી જોઈએ આ વસ્તુઓ, જાણો અહીં

કથાકાર જયા કિશોરી ગુસ્સે થાય ત્યારે શું કરે છે? જાતે ખોલ્યા રાઝ

એક નાની ઈલાયચીનું સેવન કરવાથી થશે અઢળક ફાયદા

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

બનવની જાણ પોલીસને કરવામાં આવતા એ ડિવિઝન પોલીસે મૃતકનું પોસ્ટમોર્ટમ કરાવ્યું હતું હાલ તો પ્રાથમિક અનુમાન ગળે ફાંસો ખાઈ જીવન ટુંકાવ્યું હોવાનું લાગતાં પોલીસે અકસ્માત મોતનો ગુનો દાખલ કર્યો છે. મામલે FSL ની પણ મદદ લેવાઈ છે. રિપોર્ટ બાદ આગળની જરૂરી કાર્યવાહી કરવામાં આવશે.

મૃતદેહનું પેનલ પોસ્ટમોટર્મ કરાયું

ઘટનાનું કારણ સીધું ગળે ઉતરી રહ્યું નથી. 20 વર્ષીય યુવતીએ દુપટ્ટા વડે ગળેફાંસો ખાધો હોવાની ઘટના સામે આવી છે જે ઘટનામાં હત્યાની આશંકાઓ પણ ઉભી થતા સિવિલ હોસ્પિટલના તબીબોએ પેનલ પીએમ કર્યું છે.

શોર્ટ વિડીયો બનાવવાની ઘેલછામાં મોત મળ્યું?

અનેક લોકોને ફેમસ થવા સોશિયલ મીડિયામાં વિડીયો અપલોડ કરવાનું ખુબ પસંદ હોય છે. સોશિયલ મીડિયા માટે વિડીયો બનાવવા માં ઘણીવાર લોકો જોખમ ઉઠાવી જીવ ગુમાવી દેતા હોય છે. રેલવે સ્ટેશન , નર્મદા અને પહાડો જેવી જોખમી જગ્યાઓ ઉપર સોશિયલ મીડિયા ઉપર વિડીયો બનાવવાના પ્રયાસમાં અકસ્માત પણ થતા હોય છે. હાલ પતિ-પત્ની વચ્ચે પણ ઝઘડાનું કારણ શોર્ટ વિડીયો જ હોવાનું સામે આવી રહ્યું છે. બનાવની ફરિયાદ ભરૂચ એ ડિવિઝન પોલીસ મથકે નોંધવામાં આવી છે.