ભરુચમાં મુખ્યપ્રધાન ભુપેન્દ્ર પટેલની મોટી જાહેરાત, જંબુસરમાં બલ્ક ડ્રગ પાર્ક બનાવવા રુ. 450 કરોડની સહાય આપશે સરકાર

TV9 GUJARATI

TV9 GUJARATI | Edited By: Tanvi Soni

Updated on: Oct 10, 2022 | 1:50 PM

ગુજરાતમાં (Gujarat) દવાનું ઉત્પાદન કરતા ઉદ્યોગોને એક જ સ્થળેથી મળશે જરૂરી તમામ સુવિધા. ભરૂચના (Bharuch) જંબુસરમાં ઔદ્યોગિક પાર્ક બનશે. મુખ્યપ્રધાન ભૂપેન્દ્ર પટેલે જંબુસરમાં બલ્ક ડ્રગ પાર્ક બનાવવાની જાહેરાત કરી છે. મુખ્યપ્રધાને કહ્યું કે બલ્ક ડ્રગ પાર્ક માટે રાજ્ય સરકાર 450 કરોડનો સહયોગ આપશે.

ભરુચમાં મુખ્યપ્રધાન ભુપેન્દ્ર પટેલની મોટી જાહેરાત, જંબુસરમાં બલ્ક ડ્રગ પાર્ક બનાવવા રુ. 450 કરોડની સહાય આપશે સરકાર
મુખ્યમંત્રી ભૂપેન્દ્ર પટેલ

વડાપ્રધાન નરેન્દ્ર મોદી (Prime Minister Narendra Modi) હાલ ગુજરાતના પ્રવાસે છે. વડાપ્રધાને ભરૂચમાં (Bharuch) 8200 કરોડના વિકાસકાર્યોનું ભૂમિપૂજન તથા ખાતમુહૂર્ત કર્યુ. તો આમોદમાં વડાપ્રધાનના સંબોધન પહેલા મુખ્યપ્રધાન ભુપેન્દ્ર પટેલે સભામાં સંબોધન કર્યુ હતું. જેમાં મુખ્યપ્રધાને જંબુસરમાં બલ્ક ડ્રગ પાર્ક (Bulk Drug Park) બનાવવાની જાહેરાત કરી છે. જેના માટે કેન્દ્ર સરકારે આપેલા નાણાં સિવાય રાજ્ય સરકાર દ્વારા 450 કરોડનો સહયોગ આપવાની પણ મુખ્યપ્રધાને જાહેરાત કરી છે.

હવે ગુજરાતમાં દવાનું ઉત્પાદન કરતા ઉદ્યોગોને એક જ સ્થળેથી મળશે જરૂરી તમામ સુવિધા. ભરૂચના જંબુસરમાં ઔદ્યોગિક પાર્ક બનશે. મુખ્યપ્રધાન ભૂપેન્દ્ર પટેલે જંબુસરમાં બલ્ક ડ્રગ પાર્ક બનાવવાની જાહેરાત કરી છે. મુખ્યપ્રધાને કહ્યું કે બલ્ક ડ્રગ પાર્ક માટે રાજ્ય સરકાર 450 કરોડનો સહયોગ આપશે. કુલ 2 હજાર 506 કરોડના ખર્ચે બલ્ક ડ્રગ પાર્ક બનાવવામાં આવશે. 2 હજાર એકરથી વધુ વિસ્તારમાં બ્લક ડ્રગ પાર્ક પથરાયેલો હશે. આ પાર્ક બન્યાં બાદ દવા ઉત્પાદન કરતા ઉદ્યોગકારોને એક જ સ્થળેથી તમામ સુવિધા મળી રહેશે..એટલું જ નહીં ઉદ્યોગકારોને ખૂબ જ ઓછા ભાવે જમીન અને શરૂઆતમાં મૂડીરોકાણ કરવામાં રાહત અપાશે. મહત્વનું છે કે બલ્ક ડ્રગ પાર્ક માટે કેન્દ્ર સરકાર અગાઉથી જ 1000 કરોડ સહાયની જાહેરાત કરી ચૂકી છે.

વડાપ્રધાન મોદીની નીતિના કારણે ગુજરાતનો વિકાસ થયો – CM ભૂપેન્દ્ર પટેલ

ભરૂચના કાર્યક્રમમાં સંબોધન કરતા મુખ્યપ્રધાન ભૂપેન્દ્ર પટેલે કહ્યું કે, આજે ગુજરાતને જે સિદ્ધિ મળી છે, તેનો પાયો PM મોદીએ નાખ્યો હતો. વડાપ્રધાન બન્યા બાદ મોદીએ મેક ઈન ઈન્ડિયા નો મંત્ર આપ્યો. નરેન્દ્ર મોદીની નીતિના કારણે ગુજરાતનો વિકાસ થયો. વધુમાં ઉમેર્યું કે, આત્મનિર્ભર યોજનાથી MSME સહિત ઉદ્યોગોને ફાયદો થશે. આ વિવિધ વિકાસ પ્રોજેક્ટથી આદિવાસી વિસ્તારમાં આર્થિક અને સામાજીક પરિવર્તન આવશે. તો વધુમાં તેમણે જણાવ્યું કે, વડાપ્રધાનના માર્ગદર્શન હેઠળ ગુજરાતનો સર્વાંગી વિકાસ થઈ રહ્યો છે અને આજનો દિવસ ગુજરાતની વિકાસગાથામાં સુવર્ણ અક્ષરે લખાશે.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati