પડતર માંગણીઓ પૂરી ન થવાથી નારાજ ગૌશાળા સંચાલકો પશુધનને લઇને રસ્તા પર ઉતર્યા
ગૌશાળાના સંચાલકોએ ગૌશાળાની ગાયોને રસ્તા પર છોડી વિરોધ નોંધાવ્યો છે. લાખણીની ગેળા અને કુડાની ગૌશાળાની ગાયોને રસ્તા પર લઇ સરકારી કચેરી તરફ સંચાલકો નીકળ્યા હતા સંચાલકોનો આક્ષેપ છે કે સરકાર છ મહિના પહેલા સહાય આપવાની જાહેર કરી હતી, પરંતુ હજી સુધી સહાય મળી નથી.
ગુજરાતમાં (Gujarat) પાંજરાપોળ અને ગૌશાળાના સંચાલકો તેમના પડતર પ્રશ્નો નહી ઉકેલાતા નારાજ છે. નારાજ થયેલા પાંજરાપોળ અને ગૌ શાળાના સંચાલકોએ તેમના ત્યા આશરો લઈ રહેલા પશુઓને જાહેર રસ્તા ઉપર છોડી મૂક્યા હતા. ઉતર ગુજરાતના (North Gujarat) ગૌશાળાઓ પાંજરાપોળના સંચાલકોએ આક્ષેપ કર્યો છે કે, તેમને પશુ (Cattle) નિભાવ માટે મળવાપાત્ર 500 કરોડની સહાય હજુ સુધી આપવામાં આવી નથી. જેના કારણે ગૌશાળા અને પાંજરાપોળનું સંચાલન કરવું આર્થિક રીતે ખુબ જ મુશ્કેલ બન્યું છે. જો તેમની પડતર માંગણી નહી સંતોષાય તો, પશુઓને સરકારી કચેરી તેમજ રાસ્તા ઉપર જાહેરમાં છોડી દેવાની ચીમકી આપવામાં આવી હતી.
રાજ્ય સરકારે ગૌશાળાઓ પાંજરાપોળોને 500 કરોડની સહાય ન ચૂકવતા બનાસકાંઠાના સંચાલકોમાં ભારે નારાજગી જોવા મળી રહી છે. ગૌશાળા પાંજરાપોળને સહાય ચૂકવવાની માગ સાથે સંચાલકોએ સરકાર સામે રોષ વ્યક્ત કર્યો છે અને ડીસા હાઇવ પર ચક્કાજામ કર્યો છે
ગૌશાળાના સંચાલકોએ ગૌશાળાની ગાયોને રસ્તા પર છોડી વિરોધ નોંધાવ્યો છે. લાખણીની ગેળા અને કુડાની ગૌશાળાની ગાયોને રસ્તા પર લઇ સરકારી કચેરી તરફ સંચાલકો નીકળ્યા હતા સંચાલકોનો આક્ષેપ છે કે સરકાર છ મહિના પહેલા સહાય આપવાની જાહેર કરી હતી, પરંતુ હજી સુધી સહાય મળી નથી. એટલું જ નહીં આ અંગે વારંવાર રજૂઆત કરવા છતાં કોઇ નિવેડો લવાયો નથી. આખરે કંટાળીને ગાયોને સરકારની કચેરીમાં છોડવાનો નિર્ણય લીધો છે.
તો બીજી તરફ ગૌશાળા સંચાલકોની ચીમકીને પગલે જિલ્લા પોલીસ એલર્ટ બની છે અને ડીસા સહિત અનેક ગૌશાળા-પાંજરાપોળ બહાર પોલીસે બેરીકેટ ગોઠવી દીધા છે. સંચાલકો પશુઓ સાથે સરકારી કચેરી સુધી ન પહોંચે તે માટે પોલીસે તૈયારી કરી લીધી છે અને સંચાલકોને સરકારી કચેરી સુધી પશુ લઇને જતા અટકાવશે.
પાટણમાં પણ પાંજરાપોળને મરાયા તાળા
ઉત્તર ગુજરાતના પાટણમાં પશુ સહાય ન મળતા પાંજરાપોળના સંચાલકો આજે પશુઓને સરકારી કચેરીઓમાં છોડી મૂકવા સુધીનો રોષ વ્યક્ત કર્યો હતો. પાટણમાં સંચાલકોએ પાંજરાપોળોને તાળા મારી દીધા છે સાંતલપુર, વારાહી અને રાધનપુરમાં પાંજરાપોળના સંચાલકોમાં ભારે રોષ વ્યાપેલો છે અને તેમણે હજારો પશુઓને રસ્તા પર છોડીને વિરોધ દર્શાવ્યો છે.
Latest News Updates
