Banaskantha : અનુસુચિત જાતિના બહિષ્કાર મુદ્દે સરપંચ સહિત 14 સામે ફરિયાદ

Banaskantha ના નળાસર ગામે અનુસૂચિત જાતિના પરિવારોના બહિષ્કાર મુદ્દે Tv9ના અહેવાલ બાદ તંત્ર એક્શનમાં આવ્યું છે.પાલનપુર તાલુકા પોલીસે 14 આરોપીઓ સામે ફરિયાદ નોંધી છે. અનુસૂચિત જાતિના લોકોનો બહિષ્કાર કરવામાં મહત્વનો ભાગ ભજવનાર સરપંચ પતિ સહિત 14 લોકો સામે ફરિયાદ નોંધાઈ છે. પાલનપુરના નળાસર ગામે અનુસૂચિત જાતિના લોકોનો ગ્રામજનોએ બહિષ્કાર કર્યો છે. અનુસૂચિત જાતિના લોકો સાથે ભેદભાવપૂર્ણ વ્યવહાર કરવામાં આવી રહ્યો છે. કરિયાણાની દુકાન હોય કે ફ્લોર ફેક્ટરી દરેક પ્રકારે અનુસૂચિત જાતિના લોકો સાથે વ્યવહાર બંધ કરી દેવાયો છે. અનુસૂચિત જાતિના લોકોનું કહેવું છે કે ગામમાં તેમની સાથે ભેદભાવપૂર્ણ વ્યવહાર કરવામાં આવી રહ્યો છે. જેના કારણે તેઓ ખૂબ મુશ્કેલી અનુભવી રહ્યા છે. બાળકોને પાલનપુર શિક્ષણ માટે જવા વાહનચાલકો પણ તેમનો બહિષ્કાર કરી રહ્યા છે.

પોતાની સાથે થઈ રહેલા અત્યાચાર મામલે સમાજના આગેવાનો જિલ્લા મથકે પહોંચ્યા હતા. તેમણે જિલ્લા કલેકટર તેમજ જિલ્લા પોલીસ વડા સુધી રજૂઆતો કરી હતી. જે અંગે Tv9એ પણ ગઈકાલે અહેવાલ રજૂ કર્યો હતો. જે બાદ તંત્ર એક્શનમાં આવ્યું હતું.પોલીસે તાત્કાલિક ધોરણે અનુસૂચિત જાતિના લોકોનો બહિષ્કાર કરવામાં મહત્વનો ભાગ ભજવનાર સરપંચ પતિ સહિત 14 લોકો સામે ફરિયાદ નોંધીને કાયદેસરની કાર્યવાહી હાથ ધરી છે.

Tv9ના અહેવાલ બાદ બનાસકાંઠા જીલ્લા વહીવટીતંત્ર અનુસૂચિત જાતિ પર થયેલા અત્યાચાર મામલે એલર્ટ બની કાયદેસરની કાર્યવાહી કરી. પાલનપુર તાલુકાના નળાસર ગામે અનુસૂચિત જાતિના લોકોનો ગામ દ્વારા કરેલા બહિષ્કાર માં જે આગેવાનોની મુખ્ય ભૂમિકા હતી તેમની સામે એટ્રોસિટી તેમજ નાગરિક અધિકાર અધિનિયમ 1955 મુજબ ફરિયાદ નોંધી કાયદેસરની કાર્યવાહી હાથધરી છે.

પાલનપુર તાલુકાના નળાસર ગામે અનુસૂચિત જાતિના લોકોનો ગામ દ્વારા બહિષ્કાર કરવામાં આવ્યું ગામના અનુસૂચિત જાતિના લોકોના સાથે ભેદભાવપૂર્ણ વ્યવહાર કરવામાં આવ્યો. ગામની કરીયાણા ની દૂકાન થી લઇ વાળંદ સુધી તેમની સેવા આપવાનો ઇનકાર કર્યો છે. ગામના અનુસૂચિત જાતિના લોકોનું કહેવું છે કે ગામમાં તેમની સાથે ભેદભાવપૂર્ણ વ્યવહાર કરવામાં આવી રહ્યો છે. જેના કારણે તેઓ ખૂબ મુશ્કેલી અનુભવી રહ્યા છે. બાળકોને પાલનપુર શિક્ષણ માટે જવા વાહનચાલકો પણ તેમનો બહિષ્કાર કરી રહ્યા છે. જેના કારણે અપરંપાર મુશ્કેલી વચ્ચે તેઓ જીવન વ્યતીત કરવા મજબૂર બન્યા છે.