ખેડા અને આણંદ જિલ્લા પર કોણ રાખી રહ્યું છે આકાશી નજર ? લોકોમાં છવાયો ચિંતાનો માહોલ

ખેડા (Kheda) અને આણંદ (Anand) જિલ્લામાં આકાશી આફતો વારંવાર સામે આવી રહી છે. થોડા દિવસ પહેલા આણંદ અને ખેડા જિલ્લામાં આકાશમાંથી ધાતુના ગોળા જેવો પદાર્થ પડ્યો હતો. જે પછી તે સેટલાઇટની કોઇ વસ્તુ હોવાનું માનવામાં આવી રહ્યુ હતુ. જો કે હજુ પણ આ પદાર્થ શું છે તે અંગેની તપાસ કરવામાં આવી રહી છે. ત્યાં વધુ એક આકાશી આફત આ બંને જિલ્લામાં ફરી રહી હોય તેવુ લોકોને લાગી રહ્યુ છે. કારણકે આ બંને જિલ્લાના કેટલાક વિસ્તારોમાં લોકોએ આકાશમાં ડ્રોન (Drones) ઉડતા જોયા છે. જેને લઇને લોકોમાં હવે ચિંતાનો માહોલ છે.

ગ્રામ્ય વિસ્તારમાં રાત્રે જોવા મળે છે ડ્રોન

ખેડા અને આણંદ જિલ્લાના કેટલાક ગામોમાં થોડા દિવસ પહેલા આકાશમાંથી ધાતુના ગોળા જેવા પદાર્થ પડ્યા હતા. હવે અહીં આકાશમાં ડ્રોન ઉડતા દેખાઇ રહ્યાં છે. સોમવારે રાત્રે શંકાસ્પદ કેમેરાવાળા ડ્રોન દેખાતા લોકોમાં કુતૂહલ સાથે ચિંતાનો માહોલ છવાયો છે. આણંદ અને ખેડા જિલ્લાના ગ્રામ્ય વિસ્તારમાં રાત પડતાની સાથે જ આકાશમાં ડ્રોન જોવા મળી રહ્યાં છે.

ડ્રોન દેખાતા લોકોમાં ચિંતાનો માહોલ

દેગામ, ઝારોલ, અને સલાણી ઈટાવા જેવા વિસ્તારમાં રાતના સમયે આકશમાં ડ્રોન ઉડતા જોવા મળ્યા છે. અલગ અલગ વિસ્તારમાં આકાશમાં ડ્રોન કેમેરા દેખાતા લોકોમાં ચિંતા વ્યાપી છે અને ગામના લોકો મોડી રાત સુધી જાગીને ડ્રોન પર નજર રાખી રહ્યાં છે. થોડા સમય પહેલાં મહેમદાવાદમાં ડ્રોન જોવા મળ્યા હતા. દેગામમાં પણ રાત્રે આકાશમાં ચક્કર લગાવતા ડ્રોન જોવા મળ્યા હતા.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

1 શેર પર ટાટા કંપની ઈતિહાસનું સૌથી મોટું ડિવિડન્ડ આપશે

ગ્રામજનોનું માનીએ તો 4 જૂનના રોજ રાત્રે 10 વાગ્યાની આસપાસ ત્રણ ડ્રોન જોવા મળ્યા હતા. જે પછી ગામના લોકોએ મોડી રાત સુધી જાગીને ડ્રોન પર નજર રાખી હતી. જો કે આ ડ્રોન શેના છે અને કોઇ સંસ્થા કે પ્રક્ટીસ કરનાર વ્યક્તિ દ્વારા ઉડાડવામાં આવી  રહ્યા છે કે કેમ તે તપાસનો વિષય બન્યો છે.

પોલીસ સમગ્ર મામલે કરી રહી છે તપાસ

સમગ્ર મામલે એસપી રાજેશ ગઢિયાએ TV9 સાથે ફોન ઉપર વાતચીત કરી હતી અને જણાવ્યુ હતુ કે છેલ્લા ઘણા દિવસથી તેમને અલગ અલગ વિસ્તારમાંથી લોકોના ડ્રોન દેખાયા હોય તેવા ફોન આવે છે. પોલીસ પણ તાત્કાલિક ત્યાં પહોંચે છે. જો કે પોલીસને ત્યાં નરી આંખે આ ડ્રોન જોવા મળ્યા નથી. જો કે લોકોએ જે ફોટો લીધા હોય તે પોલીસને મળ્યા છે. એસપી ગઢિયાએ એમ પણ જણાવ્યુ કે લોકલ પોલીસ દ્વારા તપાસ કરવામાં આવી રહી છે કે ત્યાં કોઇ ફાર્મ હાઉસ હોય અને કોઇ પ્રેક્ટિસ કરી રહ્યુ છે કે કેમ. કારણકે ડ્રોન મંજુરી વિના કોઇ ઉડાડી શકે નહીં. એસપી ગઢિયાએ કહ્યુ કે સમગ્ર મામલે તપાસ કરવામાં આવી રહી છે.