Anand : ઘરમાં આવી હુમલો કરવા મુદ્દે યુવતીએ ભરતસિંહ સોલંકીના પત્ની વિરુદ્ધ પોલીસમાં અરજી કરી
આણંદમાં ( Anand) યુવતીએ રેશમા પટેલ પર ઘરમાં આવી હુમલો કરવાની ફરિયાદ કરી છે. તેમજ યુવતીએ અરજી સાથે વાઇરલ થયેલા વીડિયો પણ પોલીસને પુરાવારૂપે આપ્યા છે. આ સમગ્ર ઘટનાની વિગત મુજબ કોંગ્રેસ નેતા ભરતસિંહ સોલંકીને અન્ય યુવતી સાથે સંબંધ હોવાનો તેમની પત્નીએ આરોપ લગાવ્યો છે
ગુજરાતના આણંદમાં(Anand) કોંગ્રેસ નેતા ભરતસિંહ સોલંકીના(Bharatsinh Solanki) પત્ની રેશમા પટેલ(Reshma Patel) વિરુદ્ધ યુવતીએ પોલીસમાં અરજી આપી છે. જેમાં યુવતીએ રેશમા પટેલ પર ઘરમાં આવી હુમલો કરવાની ફરિયાદ કરી છે. તેમજ યુવતીએ અરજી સાથે વાઇરલ થયેલા વીડિયો પણ પોલીસને પુરાવારૂપે આપ્યા છે. આ સમગ્ર ઘટનાની વિગત મુજબ કોંગ્રેસ નેતા ભરતસિંહ સોલંકીને અન્ય યુવતી સાથે સંબંધ હોવાનો તેમની પત્નીએ આરોપ લગાવ્યો છે..બે દિવસ પહેલા ભરતસિંહ સોલંકીનો રેશ્મા પટેલે વીડિયો પણ વાયરલ કર્યો હતો.. વાયરલ વીડિયો અંગે ભરતસિંહે ખુલાસો પણ કર્યો છે..ત્યારે ભરતસિંહ પર આરોપ લગાવનાર તેમની પત્નીને મળવા માટે કેટલાક મીડિયા કર્મીઓ આણંદના બોરસદ સ્થિત ભરતસિંહના બંગલે પહોંચ્યાં હતા.
પરંતુ બેવર્લી હિલ્સમાં રેશ્મા પટેલને મળવા પહોંચેલા મીડિયા કર્મી સાથે ગેરવર્તન થયું હતું. બેવર્લી હિલ્સના સેક્રેટરી બિપિન પટેલે મીડિયા કર્મીઓ સાથે અસભ્ય વર્તન કર્યું હતું..અને ભરતસિંહ સોલંકીના પત્ની રેશ્મા પટેલને મળવાથી રોક્યા હતા..એટલું જ નહીં બેવર્લી હિલ્સમાં મીડિયા કર્મીઓ પ્રવેશતા સોસાયટીના રહીશોએ હોબાળો મચાવ્યો હતો.
જો કે, ગુજરાતની ચૂંટણી આવતા જ કોંગ્રેસ નેતા ભરતસિંહ સોલંકીના વિવાદોમાં સપડાયા છે. આ વચ્ચે ભરતસિંહ સોલંકીએ પ્રેસ કોન્ફરન્સ કરીને મોટી જાહેરાત કરી છે. ભરતસિંહ સોલંકીએ સક્રિય રાજનીતિમાંથી થોડો સમય બ્રેક લેવાની જાહેરાત કરી છે. તેમણે જણાવ્યુ છે કે હું બે-ચાર કે છ મહિના સુધી રાજકારણથી દુર રહીશ અને ત્યારબાદ આગળનો નિર્ણય લઇશ.જો કે ભરતસિંહે આ જાહેરાત સાથે એમ પણ જણાવ્યુ કે સામાજીક કામો જેમ કે ક્ષત્રિય, ઠાકોર, ઓબીસી, આદિવાસી, દલિત, લધુમતિ કોમ તેમના પ્રચાર પ્રસારમાં આજે જે સમય આપ્યો છે. તેના કરતા વધુ સમય આપીશ.