Anand : ગાયના પેટમાંથી નીકળ્યા આઇસ્ક્રીમ કપ અને ચમચીઓ, પેટમાંથી કાઢ્યુ 77 કિલો પ્લાસ્ટિક

Anand : ગાયના પેટમાંથી નીકળ્યા આઇસ્ક્રીમ કપ અને ચમચીઓ, પેટમાંથી કાઢ્યુ 77 કિલો પ્લાસ્ટિક
પ્લાસ્ટિક આરોગતી ગાયની પ્રતિકાત્મક તસવીર

જે પ્લાસ્ટિકનો કચરો કાઢવામાં આવ્યો છે તે મોટાભાગનો કચરો એવો છે કે જે લોકો ભોજન લીધા પછી રસ્તા પર ફેંકી દે છે

TV9 GUJARATI

| Edited By: Rahul Vegda

Dec 02, 2021 | 12:40 PM

Anand: પ્લાસ્ટીકનો વધતો જતો ઉપયોગ મૂંગા પશુઓ માટે વધુને વધુ નુકસાનકારક સાબિત થઈ રહ્યું છે. રખડતી ગાયો ખુલ્લામાં ફેંકવામાં આવતા પ્લાસ્ટિક (Plastic) ના કચરાને ખાવાનું પહેલા પસંદ કરે છે. તાજેતરમાં, એક બીમાર ગાય (Cow) તેના પેટમાં 77 કિલો પ્લાસ્ટિકનો કચરો હોવાની જાણકારી મળી હતી. ગુજરાત (Gujarat) ના આણંદ (Anand) જિલ્લામાં પશુચિકિત્સકોએ ગાયના પેટમાંથી કચરો દૂર કર્યો હતો જેમાં આઈસ્ક્રીમના કપ, ચમચી અને પ્લાસ્ટિકના કપનો સમાવેશ થાય છે.

એક મીડિયાના અહેવાલમાં જણાવાયું હતું. પશુચિકિત્સકોની ટીમ દ્વારા આણંદની વેટરનરી હોસ્પિટલમાં અઢી કલાક સુધી સર્જરી કરવામાં આવી હતી. રિપોર્ટ અનુસાર, એક સેવા સંસ્થા બીમાર ગાયને હોસ્પિટલમાં લાવી હતી. સર્જરી ટીમનો એક ભાગ રહેલા ડૉ. પિનેશ પરીખને ટાંકીને મીડિયા રિપોર્ટમાં જણાવ્યું છે કે ગાયના પેટમાંથી જે પ્લાસ્ટિકનો કચરો કાઢવામાં આવ્યો છે તે મોટાભાગનો કચરો એવો છે કે જે લોકો ભોજન લીધા પછી રસ્તા પર ફેંકી દે છે. જો કે, લોકો એ હકીકત પર કોઈ વિચાર કરતા નથી કે રખડતી ગાયો, ખોરાકની શોધમાં, અકસ્માતે પ્લાસ્ટિકને આરોગી લે છે.

લોકોની આવી બેદરકારીને કારણે પશુઓ પ્લાસ્ટિક ખાવાથી બીમાર પડે છે. એકલા આણંદની આ પશુ ચિકિત્સાલયમાં દર અઠવાડિયે 3-4 કેસો બીમાર ગાયો આવે છે જેઓ રસ્તાની બાજુના કચરામાંથી પ્લાસ્ટિક ખાતી હોય છે.

કામધેનુ યુનિવર્સિટી સાથે સંલગ્ન વેટરનરી કોલેજના વેટરનરી અને રેડિયોલોજી વિભાગના વડા ડૉ. પરીખને ટાંકીને મીડિયા રિપોર્ટમાં જણાવ્યું છે કે, “દર વખતે, કચરો 10 કિલોથી 55-60 કિલો સુધી હોય છે. અમે એવા કિસ્સાઓ પણ જોયા છે કે જ્યાં ગાયોએ આકસ્મિક રીતે પ્લાસ્ટિકના દોરડા ખાઈ લીધા હોય જેને લોકો સામાન્ય રીતે ફેંકી દે છે અથવા રસ્તા પર ફેંકી દે છે,”

પ્લાસ્ટિકનો કચરો રખડતાં ઢોરોને કેવી રીતે અસર કરે છે તે સમજાવતાં ડૉ. પરીખે જણાવ્યું હતું કે, ગાય પ્લાસ્ટિકનું સેવન કર્યા પછી અપચોની સમસ્યા પેદા કરે છે. પ્લાસ્ટિકને પચાવી શકાતું ન હોવાથી, ગાયોની પાચન શક્તિ આખરે ઓછી થઈ જાય છે, જેના કારણે તેઓ બીમાર પડે છે.

આ પણ વાંચો: IND vs NZ: મુંબઇ ટેસ્ટમાં સૌની નજર અશ્વિન પર રહેશે ટકી, રિચર્ડ હેડલીને આ મામલે મુકી શકે છે પાછળ

આ પણ વાંચો: હવે WhatsApp ની મદદથી પણ ખોલી શકો છો Demat Account, IPO માટે પણ કરી શકાશે એપ્લાય

Follow us on

Related Stories

Most Read Stories

Click on your DTH Provider to Add TV9 Gujarati