Amreli જિલ્લાના લાઠી પંથકમાં વરસાદ, ગ્રામીણ વિસ્તારમાં વરસાદથી ખેડૂતોમાં ખુશીની લહેર

અમરેલી જિલ્લાના ગ્રામીણ વિસ્તારના વરસાદ પડતાં ખેડૂતોમાં ખુશી જોવા મળી રહી છે. જ્યારે આ વરસાદના પગલે ખેડૂતોના પાકને ફાયદો થશે.

ગુજરાત(Gujarat) માં બીજા રાઉન્ડમાં સૌરાષ્ટ્રના અનેક જિલ્લાઓમાં પણ પડી રહેલા વરસાદ અંતર્ગત અમરેલી(Amreli) જીલ્લાના લાઠી પંથકમાં પણ વરસાદ(Rain)નોંધાયો છે. જેમાં વરસાદને પગલે રોડ પર પાણી વહેતા થયા છે. તેમજ ભારે વરસાદના પગલે નીચાણવાળા વિસ્તારોમાં પાણી ભરાયા છે.

તેમજ જિલ્લાના ગ્રામીણ વિસ્તારના વરસાદ પડતાં ખેડૂતોમાં ખુશી જોવા મળી રહી છે. જ્યારે આ વરસાદના પગલે ખેડૂતોના પાકને ફાયદો થશે.

રવિવારે અમરેલી જિલ્લાના રાજુલા શહેર અને ગ્રામ્ય વિસ્તારમાં પણ સારો એવો વરસાદ પડ્યો હતો. જેમાં રાજુલાના દીપડ્યા, ધારેશ્વર, જૂની માંડરડીમાં વરસાદ થયો છે. જેમાં ડુંગરગામમાં 2 ઇંચ વરસાદ ખાબકતા સ્થાનિક નદીમાં પુર આવ્યું હતું. તેમજ
ડુંગરગામ વચ્ચેથી પસાર થતી નદીમાં ઘોડાપુરના દ્રશ્યો સર્જાયા હતા. આ વરસાદના પગલે ખેડૂતોને રાહત મળી છે.

આ ઉપરાંત હવામાન ખાતાની આગાહી મુજબ આવતીકાલથી રાજ્યમાં વરસાદનું જોર વધશે. જેમાં બંગાળની ખાડીમાં સર્જાયેલા લૉ-પ્રેસરથી ગુજરાતમાં સારો વરસાદ પડી શકે છે. હવામાન ખાતાના જણાવ્યા અનુસાર આગામી 8 અને 9 તારીખે રાજ્યમાં સાર્વત્રિક વરસાદની આગાહી છે.

જેમાં 8 અને 9 તારીખે દક્ષિણ ગુજરાત અને સૌરાષ્ટ્રમાં અતિભારે વરસાદ પડી શકે છે. આ ઉપરાંત અમદાવાદ, ગાંધીનગર, વડોદરામાં ભારે વરસાદની આગાહી છે. તેમજ ઉત્તર ગુજરાતમાં પણ સારો વરસાદ પડવાની શક્યતા છે. જયારે બનાસકાંઠા, સાબરકાંઠા, મહેસાણા, પાટણ, અરવલ્લીમાં મધ્યમ વરસાદની સંભાવના છે .

આ પણ વાંચો : મણિનગર સ્વામિનારાયણ મંદિરે સદગુરુદિન અને સોમવતી અમાસે ડ્રેગન ફ્રૂટનો ભોગ ધરાવાયો

આ  પણ વાંચો : BHARUCH : MLA છોટુ વસાવાએ CMને લખ્યો પત્ર, જંગલની જમીન પર શક્તિશાળી લોકો દ્વારા અતિક્રમણનો આક્ષેપ કર્યો

 

Click on your DTH Provider to Add TV9 Gujarati