અનોખી રાખડી : સાધના સ્કૂલના વિદ્યાર્થીઓએ કોરોના વોરિયર્સની થીમ પર 200 ફૂટ લાંબી રાખડી બનાવી
આ વર્ષે વિદ્યાર્થીઓએ કોરોના વોરિયર્સની થીમ પર રાખડી બનાવવાનો વિચાર આવ્યો.અને કોરોનાકાળમાં કોરોના વોરિયર્સ દ્વારા કરવામાં આવેલી કામગીરીને બિરદાવવા માટે આ રાખડી તૈયાર કરવામાં આવી છે.
કોરોના કાળમાં કોરોના વોરિયર્સ(Corona Warriors) ની કામગીરી સરાહનીય રહી. જેમાં કોરોના વોરિયર્સ પોતાના જીવને જોખમમાં મૂકીને લોકોના જીવ બચાવ્યા છે.ત્યારે રાખડી(Rakhi) ના માધ્યમથી કોરોના વોરિયર્સની કામગીરીને બિરદાવવામાં આવી છે. શહેરની સાધના સ્કૂલ(Sadhna School) ના વિદ્યાર્થીઓએ કોરોના વોરિયર્સની કામગીરીને બિરદાવવા માટે 200 ફૂટ લાંબી અનોખી રાખડી બનાવી છે.
વિદ્યાર્થીઓએ કોરોના વોરિયર્સની થીમ પર આ રાખડી બનાવી છે.જેમાં કોરોના કાળમાં પોતાના જીવની પરવા કર્યા વિના લોકોના જીવ બચાવનાર ડોક્ટરો, સફાઈ કર્મીઓ, પોલીસ કર્મીઓ, નર્સિંગ સ્ટાફ, એમ્બ્યુલન્સ, સેવાભાવી સંસ્થાઓ સહિતના કોરોના વોરિયર્સને આ રાખડી અર્પણ કરવામાં આવશે.
શાળાના 22 વિદ્યાર્થીઓ દ્વારા 4 દિવસની મહેનત બાદ આ રાખડી બનાવી છે.થર્મોકોલ, રીબીન, કોરોના વોરિયર્સની કામગીરીના ફોટાઓ અને બ્રોચ વગેરે મટીરીયલનો ઉપયોગ કરીને આ રાખડી બનાવી છે.દર વર્ષે શાળાના વિદ્યાર્થીઓ દ્વારા અલગ અલગ થીમ પર રાખડી બનવવામાં આવે છે.ગત વર્ષે કોરોનાને કારણે વિદ્યાર્થીઓ રાખડી બનાવી શક્યા નહોતા.
ત્યારે આ વર્ષે વિદ્યાર્થીઓએ કોરોના વોરિયર્સની થીમ પર રાખડી બનાવવાનો વિચાર આવ્યો.અને કોરોનાકાળમાં કોરોના વોરિયર્સ દ્વારા કરવામાં આવેલી કામગીરીને બિરદાવવા માટે આ રાખડી તૈયાર કરવામાં આવી છે.
શાળાની વિદ્યાર્થીની બંસરી પટેલે જણાવ્યું હતું કે અમે ગત વર્ષે કોરોનાને કારણે રાખડી બનાવી શક્યા નહોતા.ત્યારે આ વર્ષે કોરોના વોરિયર્સ કરેલી કામગીરી અંગે કંઈક કરવાનો વિચાર આવ્યો અને કોરોના વોરિયર્સની કામગીરીને સન્માનવા માટે આ થીમ પર રાખડી બનાવી.22 વિદ્યાર્થીઓએ ચાર દિવસ સુધી મહેનત કરી અને આ રાખડી બનાવવા માટે 10 હજાર રૂપિયાનો ખર્ચ થયો છે.
સ્કૂલના વિદ્યાર્થીઓ દ્વારા છેલ્લા 15 વર્ષથી અલગ અલગ થીમ પર રાખડી બનાવવામાં આવે છે.જેમાં અગાઉના વર્ષોમાં શાળાના વિદ્યાર્થીઓ દ્વારા ત્રાસવાદ સામે ગુજરાતને રક્ષણ, બેટી બચાવો, ગ્લોબલ વોર્મિંગ, સ્વર્ણિમ ગુજરાત, વાંચે ગુજરાત, સ્વચ્છ ભારત અભિયાન, શહીદો અમર રહો, ગુજરાતની અસ્મિતા, ધ માર્ટીયલ ઓફ પુલવામાં એટેક અને પરમવીરચક્રની થીમ પર રાખડીઓ બનાવી છે.
આ પણ વાંચો : Rakshabandhan: આ રક્ષાબંધન પર સર્જાયો શુભ સંયોગ ! જાણો, ભાઈને રાખડી બાંધવાના શ્રેષ્ઠ મુહૂર્ત
આ પણ વાંચો : Afghanistan War: તાલિબાનીઓ સામે લડત આપી રહ્યા છે સ્થાનિક લોકો, કબજામાંથી છોડાવ્યા આ 3 જિલ્લા