IND vs PAK, T20 World Cup 2021 : મૂવી માટે નહિ મેચ જોવા હાઉસફૂલ થયા અમદાવાદના મલ્ટીપ્લેક્ષ, આટલી મોંધી વેચાઈ ટિકિટ
IND vs PAK, T20 World Cup 2021: અમદાવાદ શહેરમાં મોટાભાગના મલ્ટીપ્લેક્ષ મેચ જોવા માટે હાઉસફૂલ થયા છે.સામાન્ય રીતે કોરોના બાદ લોકો થિયેટરમાં જવાનું ટાળતા હતા. પરંતુ ભારત પાકિસ્તાન મેચે આ તમામ બાબતોને બાજુએ મૂકી દીધી છે.
IND vs PAK, T20 World Cup 2021: ભારત અને પાકિસ્તાનની મેચ હોય ત્યારે લોકો ભાવનાત્મક રીતે મેચ સાથે જોડાય છે. તેમાં પણ અમદાવાદ શહેરમાં ભારત પાકિસ્તાન મેચ દરમ્યાન માહોલ કઇ અલગ જ જોવા મળે છે. જેમાં લોકો એકત્ર થઇને એક જગ્યાએ અથવા તો સોસાયટીમાં ભેગા થઈને મેચ જોતાં હોય છે.
જો કે આ વખતે લાંબા સમય બાદ ભારત અને પાકિસ્તાન વચ્ચે ક્રિકેટ મેચ રમાઈ રહી છે. તેવા સમયે અમદાવાદમાં આ ઇવેન્ટ વધુ રોમાંચક બનાવવા માટે થિયેટર પર જોડાયા છે. તેમજ થિયેટરમાં મેચ બતાવવાની જાહેરાત થતાંની સાથે જ મેચના એક દિવસ પૂર્વે તમામ થિયેટર હાઉસફૂલ થઈ ગયા છે.
જેમાં અમદાવાદ શહેરમાં મોટાભાગના મલ્ટીપ્લેક્ષ મેચ જોવા માટે હાઉસફૂલ થયા છે. સામાન્ય રીતે કોરોના બાદ લોકો થિયેટરમાં જવાનું ટાળતા હતા. પરંતુ ભારત પાકિસ્તાન મેચે આ તમામ બાબતોને બાજુએ મૂકી દીધી છે. તેમજ મોટાભાગના થિયેટરો હાઉસફૂલ થયા છે.અમદાવાદમાં આવેલ થિયેટરમાં મેચ બતાવવામાં આવશે.ઇન્ડિયા-પાકિસ્તાનની મેચ બતાવવામાં આવશે. જેમાં સાંજે 7 વાગે મેચ શરૂ કરવામાં આવશે.
દર્શકોને આખી મેચ થિયેટરમાં બતાવવામાં આવશે. જેમાં લધુત્તમ ટિકિટના ભાવ 299 અને મહત્તમ ટિકિટના ભાવ 649 રૂપિયા રાખવામાં આવ્યા છે.આ મેચ બતાવવા માટે જાહેરાત કરવામાં આવી હતી. જેના લીધે જે તે સિનેમાગૃહના મોટાભાગના સ્ક્રીન ફૂલ થયા છે.
અમદાવાદમાં મોટાભાગની સ્ક્રીન ફુલ થઈ ચૂકી છે. જેમાં ઓનલાઇન બુકિંગ જ વધારે થયું છે અને ઓનલાઇન ટિકિટ દેખાય તો જ બુક કરવી. તેમજ 7 વાગ્યાથી મેચ શરૂ થશે અને મેચના અંતિમ બોલ સુધી મેચ બતાવવામાં આવશે અને સરકારના નિયમોનું પાલન પણ કરવામાં આવશે.
આ પણ વાંચો ; ગુજરાતમાં કોંગ્રેસના નવસર્જનની પ્રક્રિયા તેજ, પ્રમુખ પદ માટે આ નામોની છે ચર્ચા
આ પણ વાંચો : અમદાવાદની સાબરમતી નદીને સ્વચ્છ કરવા આ સંસ્થા આગળ આવી