પ્રાઈવેટ વિમાન કરી ગેરકાયદેસર રીતે 66 લોકો ગુજરાતથી વિદેશ પહોંચ્યા, હેમ ખેમ પરત ફર્યા, જાણો સમગ્ર ઘટના

ગુજરાતના ક્રિમિનલ ઇન્વેસ્ટિગેશન ડિપાર્ટમેન્ટ (CID) એ રાજ્યના તમામ 66 મુસાફરોના નિવેદનો નોંધ્યા છે જેઓ નિકારાગુઆ જતી ફ્લાઇટમાં સવાર હતા, જેને ફ્રાન્સમાં માનવ તસ્કરીની શંકાના આધારે ચાર દિવસ માટે રોકી દેવામાં આવી હતી અને બાદમાં તેમને મુક્ત કરવામાં આવ્યા હતા.

સત્તાવાર સૂત્રએ જણાવ્યું કે આ મામલે ટૂંક સમયમાં એફઆઈઆર નોંધવામાં આવશે. તપાસ વિશે બોલતા, પોલીસ અધિક્ષક (સીઆઈડી-ક્રાઈમ અને રેલવે) સંજય ખરાતે જણાવ્યું હતું કે આ કેસમાં સંડોવાયેલા હોવાની શંકાસ્પદ 15 ઈમિગ્રેશન એજન્ટોની વિગતો એકત્રિત કરવામાં આવી છે.

શું છે સમગ્ર મામલો?

હકીકતમાં, રોમાનિયન ચાર્ટર કંપની ‘લેજેન્ડ એરલાઇન્સ’ દ્વારા સંચાલિત એક ફ્લાઇટ 21 ડિસેમ્બરે પેરિસ નજીક વેત્રીમાં ઉતરી હતી, ત્યારબાદ ફ્રેન્ચ અધિકારીઓએ માનવ તસ્કરીના પાસાની તપાસ માટે હસ્તક્ષેપ કર્યો હતો. આ પછી, પ્લેન 26 ડિસેમ્બરે 276 મુસાફરો સાથે મુંબઈમાં લેન્ડ થયું હતું. ફ્રાન્સમાં લેન્ડ થયેલી ફ્લાઇટમાં 303 ભારતીયો સવાર હતા, તેમ છતાં તેમાંથી 27 લોકોએ યુરોપિયન દેશમાં આશ્રય માંગ્યો હતો અને ત્યાં જ રોકાયા હતા.

ગુજરાત અને દેશના કેટલાક એજન્ટોના નામ સામે આવ્યા છે

પોલીસ અધિક્ષક ખરાતે મીડિયાને જણાવ્યું હતું કે, “ગુજરાતના 66 લોકો વિમાનમાં સવાર હતા. CID (ક્રાઇમ) એ તેમના નિવેદનો નોંધ્યા છે. તેઓ હવે રાજ્યમાં તેમના વતન ગામો પરત ફર્યા છે.” આ 66 લોકોમાંથી મોટાભાગના કેટલાક સગીર સહિત મહેસાણા, અમદાવાદ, ગાંધીનગર અને આણંદ જિલ્લાના રહેવાસી છે. ખરાતે કહ્યું, “CID આ કેસમાં ઈમિગ્રેશન એજન્ટની ભૂમિકાની તપાસ કરી રહી છે. અમે જે કડીઓ અને માહિતી એકઠી કરી છે તેના આધારે અમે ટૂંક સમયમાં FIR દાખલ કરીશું.

અમને ગુજરાત અને દેશના અન્ય ભાગોમાંથી કેટલાક એજન્ટોના નામ અને અન્ય વિગતો મળી છે. “યુ.એસ.માં ગેરકાયદેસર પ્રવેશના હેતુથી તેઓએ લોકોને દુબઈ અને આગળ નિકારાગુઆ કેવી રીતે મોકલ્યા તે નક્કી કરવા માટે તપાસ ચાલી રહી છે.”

પોલીસ સુપરિન્ટેન્ડેન્ટે જણાવ્યું હતું કે એજન્ટોએ જે દસ્તાવેજોનો ઉપયોગ કર્યો હતો, તેઓએ એકત્ર કરેલા નાણાં અને વિઝાનો પ્રકાર આ તમામ તપાસનો ભાગ છે. તેમણે કહ્યું કે આવા 15 એજન્ટોની ઓળખ કરવામાં આવી છે અને તેમની પૂછપરછ કરવામાં આવી રહી છે.

ગેરકાયદે પ્રવેશ માટે 60-80 લાખ રૂપિયા આપવામાં આવ્યા હતા

તમને જણાવી દઈએ કે ગુજરાત સીઆઈડીએ અગાઉ કહ્યું હતું કે દુબઈ થઈને નિકારાગુઆ પહોંચ્યા બાદ મુસાફરોએ ગેરકાયદેસર રીતે યુએસમાં પ્રવેશવા માટે 60-80 લાખ રૂપિયા ચૂકવ્યા હતા. CIDના જણાવ્યા અનુસાર, આમાંથી મોટાભાગના મુસાફરોએ ધોરણ 8 અને 12માં અભ્યાસ કર્યો છે. યુએસ કસ્ટમ્સ એન્ડ બોર્ડર પેટ્રોલ (CBP) ડેટા અનુસાર, નાણાકીય વર્ષ 2023 માં ઓછામાં ઓછા 96,917 ભારતીયોએ ગેરકાયદેસર રીતે યુએસમાં પ્રવેશવાનો પ્રયાસ કર્યો હતો.