Ahmedabad : વૈભવી બંગલામાં વિદેશી દારૂ છુપાવીને વેચાણ કરતા 2 સગાભાઇ ઝડપાયા,13 લાખથી વધુનો મુદ્દામાલ જપ્ત

Ahmedabad : અમદાવાદમાં વિદેશી દારૂને લઈને બુટલેગરનો નવો કીમીયો સામે આવ્યો છે. વૈભવી બંગલોમાં વિદેશી દારૂ છુપાવીને વેચાણ કરતા બુટલેગરો ઝડપાયા છે.

Ahmedabad : વૈભવી બંગલામાં વિદેશી દારૂ છુપાવીને વેચાણ કરતા 2 સગાભાઇ ઝડપાયા,13 લાખથી વધુનો મુદ્દામાલ જપ્ત
વિદેશી દારૂ છુપાવીને વેચાણ કરતા 2 સગાભાઇઓ ઝડપાયા
Follow Us:
Mihir Soni
| Edited By: | Updated on: Jun 23, 2021 | 3:23 PM

Ahmedabad : અમદાવાદમાં વિદેશી દારૂને (Foreign Liquor) લઈને બુટલેગરનો નવો કીમીયો સામે આવ્યો છે. વૈભવી બંગલોમાં વિદેશી દારૂ છુપાવીને વેચાણ કરતા બુટલેગરો ઝડપાયા છે. સોલા અને વસ્ત્રાપુરમાં વિદેશી દારૂનો જથ્થા સાથે બુટલેગરોની ધરપકડ કરીને પોલીસે તપાસ શરૂ કરી છે.

શહેરના પોશ ગણાતા સોલા વિસ્તારમાં બુટલેગરે પોતાના વૈભવી બંગલાના રસોડામાં ભોંયરૂ બનાવીને વિદેશી બ્રાન્ડનો મોંધો દારૂનો જથ્થો છુપાવ્યો હતો. સોલા પોલીસને દારૂની હેરાફેરીની બાતમી મળતા સોલા સિવિલ હોસ્પીટલની સામે આવેલા હરીવિલામાં બંગ્લોઝના સી-38 નંબરના બંગલોમા પોલીસે રેડ કરી હતી. ત્યારે બંગલોના માલીક વિનોદભાઈ પટેલ ઉર્ફે વોરા વિદેશી દારૂનું વેચાણ કરતા હોવાનું ખુલ્યું હતું.

પોલીસે તપાસ કરતા પાર્કિગમાં પાર્ક કરેલી કારમાં પાછળની ડેકીમાં વિદેશી દારૂનો જથ્થો મળ્યો હતો. એટલુ જ નહિ પોલીસે બુટલેગરના ઘરમાં તપાસ કરતા રસોડામાં ફ્રીઝ ખસેડી જોતા નીચે ભોંયરું મળી આવ્યું હતું. ભોંયરામાં આવવા જવા માટે લોખંડની સીડી પણ મૂકી હતી. જ્યાં જુદી-જુદી વિદેશી બ્રાન્ડની દારૂની બોટલ છુપાવી હતી. સોલા પોલીસે બુટલેગર વિનોદ વોરાની ધરપકડ કરીને 9 લાખના દારૂના જથ્થા સહિત રૂ. 14 લાખનો મુદ્દામાલ જપ્ત કરવામા આવ્યો છે.

ગરમી વધતા જ અપાય છે જુદા - જુદા કલરના એલર્ટ, જાણો શું છે તેનો અર્થ
શરીરમાં કયા વિટામિનની કમી છે કેવી રીતે જાણશો ?
IPL 2024 : આંખોમાં આંસુ, ગૂંગળામણની લાગણી... રિયાન પરાગે તેની તોફાની ઈનિંગ પછી શું કહ્યું?
ગુજરાતમાં ક્યાં છે ક્રિકેટરની પત્ની MLA રિવાબા જાડેજાનું ઘર
IPL 2024માં KKR ના માલિકોની સુંદર દીકરીઓ, જુઓ તસવીરો
IPL 2024: ખરાબ રીતે ફ્લોપ ચાલી રહેલ 17 કરોડનો ખેલાડીએ ભગવાન કૃષ્ણના શરણમાં

તો અન્ય બનાવની વાત કરવામાં આવે તો, પોલીસે પોશ વિસ્તાર રાજપથ કલબની સામે રંગરેજ પાર્કમાં રેડ કરીને રૂ. 4.60 લાખનો વિદેશી દારૂ સાથે અરવિંદ પટેલને ઝડપી લીધો હતો. અરંવિદ પટેલ અને સોલામાં પકડાયેલ વિનોદ પટેલ બન્ને સગા ભાઈઓ છે. બંને ભાઈઓ શાહપુરમા રહેતા હતા.

દારૂનો ધંધો કરવા પોશ વિસ્તારમાં મકાન ખરીદ્યું હતું. વિનોદએ દારૂનો જથ્થો છુપાવવા ભોયરૂ બનાવ્યુ હતુ. દારૂના વેચાણની સાથે વિનોદ જમીન દલાલનો ધંધો કરતો હતો. જેથી પોલીસને શંકા પડે નહિ. જયારે તેના ભાઈએ દારૂની સાથે અન્ય વેપાર શરૂ કર્યો હતો. હાઈપ્રોફાઈલ સ્ટાઈલથી દારૂના ધંધો કરતા આ બુટલેગરનો ભાંડો ફુટતા પોલીસે ઝડપી લીધા છે.

બુટેલગર ભાઈઓ બ્રાન્ડેડ દારૂનો જથ્થો રાજસ્થાનથી બસમાં પાર્સલથી મંગાવતા હતા. છેલ્લા બે વર્ષથી આ બુટલેગરો વૈભવી લાઈફ સ્ટાઈલ વચ્ચે દારૂનો ધંધો કરતા હોવાનુ ખુલ્યું છે. હાલમાં પોલીસે આ બન્ને ભાઈઓની ધરપકડ કરીને તેઓ દારૂનું વેચાણ ક્યાં કરતા હતા અને કોણ અન્ય વ્યકિત સંડોવાયેલા છે જેને લઈને પુછપરછ શરૂ કરી છે.

Latest News Updates

g clip-path="url(#clip0_868_265)">