Ahmedabad એસઓજી ક્રાઇમને મળી મોટી સફળતા, ડ્રગ્સનો વેપાર કરતી હાઇફાઈ યુવતીની ધરપકડ કરી
અમદાવાદમાં(Ahmedabad) એસઓજી ક્રાઇમ બ્રાન્ચની ગિરફતમાં આવેલી આ મહિલા હરપ્રિત કૌર પહેલા નશાના રવાડે ચઢી હતી અને ત્યારબાદ એમ.ડી ડ્રગ્સ પેડલર બની ગઈ હોવાનું જાણવા મળી રહ્યું છે. જેમાં ડ્રગ્સનો નશો કરવો મોંઘુ પડી રહ્યું હતું
અમદાવાદ (Ahmedabad) એસઓજી ક્રાઇમે ડ્રગ્સ(Drugs) પેડલર બનેલી એક હાઇફાઈ યુવતીની (Woman) ધરપકડ કરી છે. જેમાં ઇવેન્ટ મેનેજમેન્ટના કામમાં નશાની આદિ બનેલી આ યુવતીને એસ.ઓ.જી ક્રાઇમે હાઇવે પરથી ઝડપી પાડી છે. આ યુવતી કોઈ સામાન્ય ગુનામાં નહિ પણ એનડીપીએસના ગુનામાં એસ.ઓ.જી ક્રાઇમના સકંજામાં આવી ગઈ છે.વર્ષ 2017 માં ઇવેન્ટનું કામકાજ કરનારી આ યુવતીએ સૌ પ્રથમ પોતાના મિત્ર વર્તુળ સાથે ડ્રગ્સનું સેવન કર્યું હતું. ત્યારબાદ ઇવેન્ટ નું કામકાજ કરતી મહિલાએ બીજી વખત ગોવા જઈને ડ્રગ્સ લીધું હોવાનું પોલીસ સમક્ષ કબૂલાત કરી છે. જેની બાદમાં એક બાદ એક તેને એમડી ડ્રગ્સ ના નશાની લત લાગી ગઈ અને ઘરે બેસીને પણ તે નશો કરવા લાગી છે. જેમાં ચોકલેટમાં ડ્રગ્સ નાખી નશો કરતી હતી.આમ નશો કરવા માટે એમડી ડ્રગ્સ લઈને આ યુવતી કારમાં જઇ જ રહી હતી ત્યાં એસઓજી ને બાતમી મળી અને પોલીસે રેડ કરી પંજાબ ની આ આરોપી યુવતીને ઝડપી પાડી. આ પોલીસે આરોપી યુવતી પાસેથી એમડી ડ્રગ્સ પણ કબ્જે કર્યું છે.
એસઓજી ક્રાઇમ બ્રાન્ચની ગિરફતમાં આવેલી આ મહિલા હરપ્રિત કૌર પહેલા નશાના રવાડે ચઢી હતી અને ત્યારબાદ એમ.ડી ડ્રગ્સ પેડલર બની ગઈ હોવાનું જાણવા મળી રહ્યું છે. જેમાં ડ્રગ્સનો નશો કરવો મોંઘુ પડી રહ્યું હતું જેથી આ મહિલા જેની પાસેથી ડ્રગ્સ ખરીદતી હતી તે લોકોએ આ મહિલાને ડ્રગ્સ વેચવાનું કહ્યું અને બાદમાં ડ્રગ્સ માફિયા ઓની જાળમાં ધીમે ધીમે ફસાતી ગઈ અને આખરે આ મહિલા આજે જેલના સળિયા પાછળ ધકેલાઈ ગઈ છે.
ઉલ્લેખનીય છે કે હરપ્રિત કૌરે પોલીસ સમક્ષ એવી કેફિયત વર્ણવી છે કે તે એમ.ડી. ડ્રગ્સનો જથ્થો શહેરના રખિયાલ વિસ્તારમાં આવેલા સાદ રાજપૂત નામના વ્યક્તિ પાસેથી લાવતી હતી જે અનુસંધાને એસઓજી ક્રાઇમ બ્રાન્ચે હાલ આ સાદ રાજપૂત નામના વ્યક્તિને ઝડપી લેવા માટેની કવાયત હાથ ધરી છે. જેમાં બીજી તરફ આ મહિલા ગોવા શા માટે ગઈ હતી અને ત્યાં જઈને કોની પાસેથી ડ્રગ્સ ખરીધ્યું હતું અથવા તો વેચવા માટે ગોવાથી અમદાવાદ લાવી હતી કે કેમ એવા તમામ મુદ્દાઓને લઈને એસઓજી ક્રાઇમ બ્રાન્ચે વધુ સઘન તપાસ હાથ ધરી છે.
પોલીસ તપાસમાં સામે આવ્યું છે કે યુવતીના ભાઈએ થોડા સમય પહેલા પત્નીના ત્રાસથી આપઘાત પણ કર્યો હતો અને તેનું બાળક આ યુવતી રાખતી હતી.જ્યારે પોલીસ હવે આ યુવતીની ઊંડાણપૂર્વક પૂછપરછ કરશે ત્યારે અનેક પેડલરો અને તેની સાથે નશો કરનારા વ્યક્તિઓના નામ પણ સામે આવી શકે છે.પણ એક વાત ચોક્કસ છે કે એસઓજી ક્રાઇમ માત્ર પુરુષ પેડલર કે નશો કરનાર જ નહીં પણ હાઇફાઈ યુવતીઓ પર પણ વોચ રાખી નશા ની દુનિયા ને ખતમ કરવામાં લાગી પડી છે.