Ahmedabad: સરખેજ પોલીસે ઇકો કારના સાયલેન્સર ચોરતી ગેંગ ઝડપી પાડી
આ ગેંગ હરિયાણાથી ચોરી કરવા બાય રોડ આવતા હતા, ગાડીમાં ડુપ્લીકેટ નંબર પ્લેટ લગાવતા હતા, જેનાથી પોલીસના હાથે ન પકડાયા. આરોપીઓ ચોરી કરી ચોરી કરેલ વસ્તુઓ હરિયાણા લઈ જઈને ત્યાં આગળ વેચી નાખતા હતા.
અમદાવાદ (Ahmedabad) માં સરખેજ પોલીસ (Police) ઈક્કો કારનું સાયલેન્સર (silencer) ચોરી કરતી ભેજાબાજ ગેંગ (gang) ને ઝડપી પાડી છે. છેલ્લા ઘણા સમયથી પોલીસને ચકમો આપી ફરાર થઈ જતી આ ગેંગને લાખો રૂપિયાના મુદ્દામાલ સાથે પકડવામાં આખરે સરખેજ પોલીસને સફળતા મળી છે. આ ગેંગ માત્ર સાઇલેન્સરની ચોરી જ કરતી હતી.
સરખેજ પોલીસના સકંજામાં આવી ગયેલી હરિયાણાની મેવાતી ગેંગ સાઇલેન્સર ગેંગ તરીકે ઓળખાય છે અને ઇકો કારના સાઇલેન્સરને ટાર્ગેટ કરે છે. જેમાં હાલ જ સાડા સાત લાખના સાઇલેન્સર ચોરીના ગુનામાં આ ટોળકીના ચાર સભ્યોને ઝડપી પાડયા છે. આ ગેંગ આટલા બધા સાયલેન્સર ચોરી કરી ને શુ કરતી હશે તે જાણવું પણ રસપ્રદ છે.
સરખેજ પોલીસના સકંજામાં આવી ગયેલી આ ટોળકીમાં પકડાયેલા આરોપીઓના નામ મુનફેદખાન મેવ, તરીક અનવર મેવ, અલ્તાફ હુસેન મેવ, અને મોહમદ રહીસ મેવ છે. આ ભેજાબાજ ચોર ટોળકી લેટેસ્ટ ઈક્કો ગાડીના સાયલેન્સરની ચોરી કર તી હતી કેમ કે તેમાં વપરાતા પ્લોડિયમ અને પ્લેટેનિયમ જેવી કિંમતી મેટલનો બજારમાં તેમને ઊંચો ભાવ મળતો. એટલે કે તેમનો ટાર્ગેટ કારના સાયલેન્સર નહીં પણ તેમાં કાર્બન કેન્ટ્રોલ કરવા વપરાતી કિંમતી ધાતુ હતી.
આ ટોળકીએ હરિયાણામાં 18 થી વધારે ગુનાઓને અંજામ આપ્યો છે. આ ઉપરાંત ગુજરાત રાજ્યમાં પણ અમદાવાદ ગાંધીનગર અને આસપાસના જિલ્લાઓમાં સાઇલેન્સર ચોરીનો તરખાટ મચાવી ફરાર થઈ જતી હતી. પરંતુ આખરે સરખેજ પોલીસે આ ટોળકીને ઝડપી સાઇલેન્સર ચોરીના 8 જેટલા ગુનાનો ભેદ ઉકેલી નાખ્યો છે.
હાલ સરખેજ પોલીસે મેવાતી ગેંગના ચાર આરોપીને ઝડપી પડ્યા છે અને ફરાર ઈરફાન નામના એક આરોપીને પકડવા ચક્રો ગતિમાન કર્યા છે. ત્યારે આ ગેંગ હરિયાણાથી ચોરી કરવા બાય રોડ આવતા હતા. જે ગાડીમાં ડુપ્લીકેટ નંબર પ્લેટ લગાવતા હતા. જેનાથી પોલીસના હાથે ન પકડાયા. આરોપીઓ ચોરી કરી ચોરી કરેલ વસ્તુઓ હરિયાણા લઈ જઈને ત્યાં આગળ વેચી નાખતા હતા. ત્યાર બાદ ચોરી કરવા ફરી નીકળતા હતા. જો કે આરોપીઓ અલગ અલગ રાજ્યોમાં ચોરી અંજામ આપ્યો છે. જેને લઈ પોલીસે આરોપીના રિમાન્ડ મેળવી વધુ તપાસ શરૂ કરી છે.
આ પણ વાંચોઃ Surat : સિવિલ પરિસરમાં ગાંજાનો છોડ મળી આવતા વિવાદ, તપાસ થાય તે પહેલા બાળી દેવામાં આવ્યો