Ahmedabad: છઠ્ઠ પૂજાની ઉજવણીના પગલે 25 ઓક્ટોબરે અમદાવાદ અને પટના વચ્ચે ફેસ્ટિવલ સ્પેશિયલ ટ્રેન દોડાવશે
ઉત્તર ભારતમાં(North India) છઠ્ઠ પૂજાની(Chhath Puja)ઉજવણીના પગલે રાજ્યમાંથી મુસાફરોની વધતી સંખ્યા અને સુવિધા માટે પશ્ચિમ રેલવેએ(Western Railway)અમદાવાદ-પટના-નડિયાદ વચ્ચે વિશેષ ભાડા પર ફેસ્ટિવલ સ્પેશિયલ ટ્રેનોની 2 ટ્રીપ ચલાવવાનો નિર્ણય લેવામાં આવ્યો છે.
ઉત્તર ભારતમાં(North India) છઠ્ઠ પૂજાની(Chhath Puja)ઉજવણીના પગલે રાજ્યમાંથી મુસાફરોની વધતી સંખ્યા અને સુવિધા માટે પશ્ચિમ રેલવેએ(Western Railway)અમદાવાદ-પટના-નડિયાદ વચ્ચે વિશેષ ભાડા પર ફેસ્ટિવલ સ્પેશિયલ ટ્રેનોની 2 ટ્રીપ ચલાવવાનો નિર્ણય લેવામાં આવ્યો છે. જેમાં ટ્રેન નંબર 09463 અમદાવાદ-પટના અને ટ્રેન નંબર 09464 પટના-નડિયાદની બે ટ્રીપ્સ ટ્રેન નંબર 09463 અમદાવાદ-પટના સ્પેશિયલ 25 ઓક્ટોબર 2022 ના રોજ અમદાવાદથી 16.25 કલાકે ઉપડશે અને બીજા દિવસે 21.15 કલાકે પટના પહોંચશે. એ જ રીતે ટ્રેન નંબર 09464 પટના – નડિયાદ સ્પેશિયલ 27 ઑક્ટોબર, 2022 ના રોજ 06.00 કલાકે પટનાથી ઉપડશે અને બીજા દિવસે 10.15 કલાકે નડિયાદ પહોંચશે. આ ટ્રેન બંને દિશામાં છાયાપુરી, રતલામ, કોટા, આગ્રા ફોર્ટ, કાનપુર સેન્ટ્રલ, પ્રયાગરાજ અને પંડિત દીન દયાલ ઉપાધ્યાય સ્ટેશનો પર ઉભી રહેશે. આ ટ્રેનમાં ફર્સ્ટ એસી 01, એસી 3 ટાયર 01, સ્લીપર ક્લાસ 08 અને જનરલ ક્લાસ ના 12 કોચ હશે.ટ્રેન નંબર 09463 માટે બુકિંગ 24 ઓક્ટોબર, 2022થી પીઆરએસ કાઉન્ટર્સ અને આઈઆરસીટીસીની વેબસાઇટ પર શરૂ થશે.
ટ્રેન નંબર 09461 અમદાવાદ-પટના અને ટ્રેન નંબર 09462 પટના -નડિયાદ [04 ટ્રીપ્સ]
ટ્રેન નંબર 09461 અમદાવાદ-પટના સ્પેશિયલ ગુરુવાર, 27 ઓક્ટોબર 2022 અને 3 નવેમ્બર 2022ના રોજ અમદાવાદથી 19.25 કલાકે ઉપડશે અને શનિવારે 00.30 કલાકે પટના પહોંચશે. એ જ રીતે ટ્રેન નંબર 09462 પટના – નડિયાદ સ્પેશિયલ 29 ઑક્ટોબર, 2022 અને 5 નવેમ્બર, 2022ના રોજ 06.00 કલાકે પટનાથી ઉપડશે અને બીજા દિવસે 10.15 કલાકે નડિયાદ પહોંચશે.
આ ટ્રેન બંને દિશામાં છાયાપુરી, રતલામ, કોટા, આગ્રા ફોર્ટ, કાનપુર સેન્ટ્રલ, પ્રયાગરાજ અને પં. દીન દયાલ ઉપાધ્યાય સ્ટેશનો પર ઉભી રહેશે. આ ટ્રેનમાં ફર્સ્ટ એસી, એસી 2 ટાયર, એસી 3 ટાયર, સ્લીપર ક્લાસ અને સેકન્ડ ક્લાસ જનરલ કોચ હશે.
ટ્રેન નંબર 09461 માટે બુકિંગ 23 ઓક્ટોબર, 2022થી પીઆરએસ કાઉન્ટર્સ અને આઈઆરસીટીસીની વેબસાઇટ પર શરૂ થશે. ટ્રેનોના સ્ટોપેજ, સંરચના અને સમય વિશે વિગતવાર માહિતી માટે, મુસાફરો કૃપા કરીને www.enquiry.indianrail.gov.in ની મુલાકાત લઈ શકે છે.
દિવાળીના(Diwali 2022) તહેવારોમાં મુસાફરોની સુવિધાને ધ્યાનમાં રાખીને રેલવે અને ટ્રેનોના સમયમાં ફેરફાર કર્યો છે. તેમજ અનેક ટ્રેનોને લંબાવવાનો અને અનેક ટ્રેનોના સ્ટોપેજ પણ વધારવાનો નિર્ણય લીધો છે. જેમાં પશ્ચિમ રેલવેએ(Western Railways) મુસાફરોની સુવિધાને ધ્યાનમાં રાખીને, અમદાવાદથી અમૃતસર અને તિરુચિરાપલ્લી વચ્ચે વિશેષ ભાડા પર ફેસ્ટિવલ સ્પેશિયલ ટ્રેનોની કુલ 16 ટ્રીપ ચલાવવાનો નિર્ણય લીધો છે. જેની વિગતો આ મુજબ છે.
• ટ્રેન નંબર 09425/09426 અમદાવાદ-અમૃતસર-અમદાવાદ સ્પેશિયલ (કુલ 06 ટ્રીપ)
ટ્રેન નંબર 09425 અમદાવાદ – અમૃતસર સ્પેશિયલ અમદાવાદથી 24 ઓક્ટોબરથી 07 નવેમ્બર 2022 સુધી દર સોમવારે અમદાવાદથી 21:05 કલાકે ઉપડશે અને ત્રીજા દિવસે 00:20 કલાકે અમૃતસર પહોંચશે. તેવી જ રીતે, ટ્રેન નંબર 09426 અમૃતસર – અમદાવાદ સ્પેશિયલ 26 ઓક્ટોબરથી 09 નવેમ્બર 2022 સુધી દર બુધવારે અમૃતસરથી 02:45 કલાકે ઉપડશે અને બીજા દિવસે 08:45 કલાકે અમદાવાદ પહોંચશે. માર્ગમાં બંને દિશાઓમાં આ ટ્રેન છાયાપુરી, ગોધરા, રતલામ, નાગદા, કોટા, સવાઈ માધોપુર, ગંગાપુર સિટી, ભરતપુર, મથુરા, દિલ્હી સફદરજંગ, અંબાલા કેન્ટ અને ચંદીગઢ સ્ટેશનો પર રોકાશે. આ ટ્રેનમાં ફર્સ્ટ એસી, સેકન્ડ એસી, થર્ડ એસી, સ્લીપર ક્લાસ અને જનરલ ક્લાસ કોચ રહેશે.