AHMEDABAD : દીકરી હિંમતનો ‘દરિયો’, પુત્રીએ કર્યા પિતાના અંતિમસંસ્કાર
AHMEDABAD : એક દીકરી પણ દીકરા સમાન હોય છે. આજે દીકરા અને દીકરીમાં ભેદભાવનો હવે જમાનો રહ્યો નથી. કારણ કે દરેક ક્ષેત્રમાં આજે દીકરીઓએ નામ રોશન કર્યું છે.
AHMEDABAD : એક દીકરી પણ દીકરા સમાન હોય છે. આજે દીકરા અને દીકરીમાં ભેદભાવનો હવે જમાનો રહ્યો નથી. કારણ કે દરેક ક્ષેત્રમાં આજે દીકરીઓએ નામ રોશન કર્યું છે. અને, એક પરિવારનું દીકરી એક દીકરાની જેમ જ સિંચન કરતી હોય છે. આવો જ એક ઉદાહરણરૂપ કિસ્સો સામે આવ્યો છે. અમદાવાદ શહેર નજીકના નાનકડા શહેર વિરમગામમાં. જયાં 3 દીકરીઓની હિંમતે ત્યાં હાજર સૌ-કોઇના હૃદયને હચમચાવી દીધા હતા.
વિરમગામ શહેરમાં પિતાની અંતિમયાત્રામાં 3 પુત્રીઓએ કાંઘ આપી અગ્નિદાહ આપ્યો
જીહાં, દીકરી વ્હાલનો દરિયો એ તો સૌ કોઇએ સાંભળ્યું છે. પરંતુ અહી તો દિકરી સાહસનો સાગર બની,જિંદગીભર હેત લગાડનારા પિતાની અંતિમયાત્રામાં માતા-પુત્રીઓએ કાંઘ આપી, અને, પુત્રીઓએ પિતાની ચિતાને અગ્નિદાહ પણ આપ્યો હતો.
વાત છે વિરમગામ શહેરના લુહાર કોડ વિસ્તારમાં રહેતા સ્વ. ચંદુભાઈ કાનજીભાઈ રામી, ઉંમર વર્ષ 75, લાંબી બીમારીથી મૃત્યુ પામ્યા હતા. ત્યારે તેમને પુત્રો ન હોવાથી તેમની પુત્રીઓએ જ તમામ અંતિમક્રિયાઓ કરી હતી. આ અંતિમયાત્રામાં તેમની ત્રણ પુત્રીઓએ પિતાની અર્થીને કાંધ આપી સાથે જ અગ્નિદાહ પણ આપ્યો હતો.
આ હૃદયદ્રાવક દ્રશ્યો સર્જાતા ત્યાં હાજર કઢણ કાળજાના લોકોના પણ ડુંસકા સંભળાયા હતા. અને દિકરીઓએ પિતાને કાંઘ આપી અગ્નિદાહ આપી પુત્રની ફરજ અદા કરી હતી.અને દિકરો-દિકરી એક સમાનની ઉક્તિ સાર્થક કરી હતી.