Ahmedabad : વિરમગામના કમીજલા ગામેથી બોગસ ડોકટર ઝડપાયો, એલોપેથિક દવાઓ અને મેડિકલ સાધનો જપ્ત

અમદાવાદ(Ahmedabad)  જિલ્લાના વિરમગામ(Viramgam) ના કમીજલા ગામેથી બોગસ ડોક્ટર (Bogus Doctor) ઝડપાયો છે. જેમાં રહેણાંક મકાનમાં ડિગ્રી વગર પ્રેકટીસ કરતા ડૉક્ટરની એસઓજીએ ધરપકડ કરી છે . તેમજ તેની પાસેથી એલોપેથિક દવાઓ અને મેડિકલ સાધનો જપ્ત કર્યા છે. આ પૂર્વે એસઓજીએ વિરમગામમાંથી એક અન્ય બોગસ ડૉક્ટરની ધરપકડ કરી હતી.

જેમાં કોરોનાની બીજી લહેરમાં કોરોનાના દર્દીઓની સારવાર કરતાં બોગસ ડોકટરોની વિગતો સામે આવ્યા બાદ સમગ્ર રાજયના બોગસ ડોકટરની તપાસ એસઓજીને સોંપવામાં આવી હતી. જેમાં રાજયભરના મોટાભાગના ગ્રામીણ વિસ્તારોમાંથી બોગસ ડોકટરો ઝડપવામાં આવ્યા હતા.

તેમજ તમામ જિલ્લાની એસઓજી દ્વારા હજુ પણ ફરિયાદ મળતા બોગસ ડોકટર સામે તપાસ કરીને કાર્યવાહી કરવામાં આવી રહી છે. તેમજ થોડા સમય પૂર્વે જ સુરેન્દ્રનગર SOG પોલીસે ધ્રાંગધ્રા તાલુકાના બાવળી ગામેથી બોગસ ડોકટરને ઝડપ્યો હતો.

જે તબીબી ડિગ્રી કે સર્ટિફિકેટ વગર ગેરકાયદેસર રીતે ક્લિનિક ખોલી છેલ્લા કેટલાક સમયથી લોકોની સારવાર અને તપાસ કરી આરોગ્ય સાથે ચેડા કરતો હતો.

જેમાં રાજયમાં એપ્રિલ અને મે મહિનાના 74 જેટલા બોગસ ડોકટરો વિરુદ્ધ પોલીસ કાર્યવાહી કરવામાં આવી હતી. પોલીસ દ્વારા લોકોના આરોગ્ય સાથે ચેડા કરતા બોગસ તબીબો સામે કાર્યવાહી કરવામાં આવી હતી. તેમજ આ નકલી ડોકટરો પાસેથી પ્રતિબંધિત ડ્રગ્સ ઉપયોગ કરતા હોવાનું પણ માલૂમ પડ્યું હતું.

આ પણ વાંચો : કેન્દ્રીય આરોગ્ય મંત્રી મનસુખ માંડવિયાની જાહેરાત, અફઘાનિસ્તાનથી ભારત પરત આવતા લોકોને પોલિયોની ફ્રીમાં રસી અપાશે

આ પણ વાંચો : BCCI નો આ નિર્ણય ટીમ ઇન્ડિયાને વિશ્વની સૌથી મજબૂત ટીમ તરીકે રાખવા માટે યોગ્ય છે, આ અનુભવી ક્રિકેટરે કરી પ્રશંસા