Ahmedabad: કાલુપુર સ્વામિનારાયણ મંદિરના આશ્રમમાંથી 7 વર્ષનું બાળક ગુમ, સીસીટીવીએ ભેદ ઉકેલ્યો

ગત રાત્રે 8.30 વાગ્યે બાળક ગુમ થઈ જતાં તાત્કાલિક પોલીસને જાણ કરી દેવામાં આવી હતી. બાળકની શોધખોળ શરૂ કરવામાં આવી હતી મોડી રાત સુધી તપાસ કરવા છતાં બાળક ગુમ થવા વિશે કોઈ જાણકરી નળી નહોતી.

Ahmedabad: કાલુપુર સ્વામિનારાયણ મંદિરના આશ્રમમાંથી 7 વર્ષનું બાળક ગુમ, સીસીટીવીએ ભેદ ઉકેલ્યો
Symbolic image
TV9 GUJARATI

| Edited By: kirit bantwa

Jun 04, 2022 | 11:43 AM

અમદાવાદ (Ahmedabad) માં આવેલા કાલુપુર સ્વામિનારાયણ મંદિર (Kalupur Swaminarayan temple) માં ચાલતી આંગન સંસ્થામાંથી 7 વર્ષનું બાળક ગુમ થયું હતું. આ સંસ્થામાં અનાથ બાળકોને રાખવામાં આવે છે. ગત 25મે ના રોજ બાળકને સંસ્થામાં લાવવામાં આવ્યું હતું. એક અઠવાડિયામાં જ આ બાળક અચાનક ગુમ થઈ જતાં દોડધામ મચી ગઈ હતી. ગત રાત્રે 8.30 વાગ્યે બાળક ગુમ થઈ જતાં તાત્કાલિક પોલીસને જાણ કરી દેવામાં આવી હતી. બાળકની શોધખોળ શરૂ કરવામાં આવી હતી. મોડી રાત સુધી તપાસ કરવા છતાં બાળક ગુમ થવા વિશે કોઈ જાણકારી મળી નહોતી. બાળક ગુમ થવા વિશે અનેક તર્ક વિતર્ક શરૂ થયા હતા, પણ પોલીસની તપાસમાં એવો ખુલાસો થયો કે લોકો ચોકી ગયા હતા.

પોલીસની ટીમ દ્વારા આજે સવારે ફરીથી બાળકની તપાશ શરૂ કરવામાં આવી હતી જેમાં બાળક ગુમ થવા વિશે મોટો ખુલાસો થયો છે. અમદાવાદના કાલુપુરમાં આવેલા સ્વામિનારાયણ મંદિરના આશ્રમમાંથી 7 વર્ષનું બાળક ગુમ થવા અંગે ખુલાસો થયો છે. આશ્રમમાંથી ગુમ નહીં પરંતુ જાતે જ ભાગ્યું હોવાનું સામે આવ્યું છે. કાલુપુર સ્વામિનારાયણ મંદિરના અનાથ આશ્રમમાંથી કાલે સાજે 8.30 વાગ્યે બાળક જમીને જાતે જ ભાગી ગયો હતો. મહત્વનું છે કે બાળક વાસણાથી બિનવારસી હાલતમાં મળી આવતા કાલુપુર સ્વામિનારાયણ મંદિરમાં ચાલતા અનાથ આશ્રમમાં લવાયું હતું. 25 મેના રોજ બાળકને સંસ્થામાં મુકવામાં આવ્યો હતો. હાલ તો પોલીસે આશ્રમમાંથી ભાગેલા બાળકની સીસીટીવીને આધારે શોધખોળ શરૂ કરી છે.

Follow us on

Related Stories

Most Read Stories

Click on your DTH Provider to Add TV9 Gujarati