Ahmedabad: મિત્રતા કેળવી રૂપિયા પડાવતી ગેંગના 3 લોકો ઝડપાયા, વેપારીઓને બનાવતા હતા ટાર્ગેટ

Ahmedabad: વેપારીઓને ટાર્ગેટ કરી મિત્રતા કેળવીને તેમની પાસેથી રૂપિયા પડાવતી ગેંગના 3 લોકોની ધરપકડ કરવામાં આવી છે. અમદાવાદના વેપારીઓને ટાર્ગેટ કરી મિત્રતા કેળવીને તેમની પાસેથી રૂપિયા પડાવતી ગેંગના 3 લોકોની ધરપકડ કરવામાં આવી છે.

  • Publish Date - 9:41 pm, Mon, 22 March 21 Edited By: Kunjan Shukal
Ahmedabad: મિત્રતા કેળવી રૂપિયા પડાવતી ગેંગના 3 લોકો ઝડપાયા, વેપારીઓને બનાવતા હતા ટાર્ગેટ
પ્રતિકાત્મક તસ્વીર

Ahmedabad: વેપારીઓને ટાર્ગેટ કરી મિત્રતા કેળવીને તેમની પાસેથી રૂપિયા પડાવતી ગેંગના 3 લોકોની ધરપકડ કરવામાં આવી છે. અમદાવાદના વેપારીઓને ટાર્ગેટ કરી મિત્રતા કેળવીને તેમની પાસેથી રૂપિયા પડાવતી ગેંગના 3 લોકોની ધરપકડ કરવામાં આવી છે. નોંધનીય છે કે ગેંગમાં ડિસમિસ પોલીસ અને વકીલ પણ સામેલ છે. નોંધનીય છે કે આ લોકો મહિલા ક્રાઈમમાં ખોટી અરજી કરી વેપારીઓને ડરાવતા હતા.

 

અમદાવાદ ક્રાઈમ બ્રાન્ચની ગિરફતમાં આવેલા આ આરોપીઓ અનેક વેપારીઓને ટાર્ગેટ કરી ચુક્યા છે અને પોતાના શિકાર બનાવી ચુક્યા છે. આ ગેંગનો માસ્ટર માઈન્ડ છે ડિસમિસ પોલીસ કર્મચારી જીતેન્દ્ર મોદી અને તેની સાથે અન્ય આરોપી બિપિન પરમાર કે જે વકીલ છે અને ઉન્નતિ રાજપૂત આ તમામ લોકો અન્ય સાગરીતો સાથે મળી 50થી 60 વર્ષના વેપારીઓને પોતાનો ટાર્ગેટ બનાવતા હતા અને સમાધાનના નામે તેમની પાસેથી તોડ કરી લેતા હતા.

 

ઘટનાની વાત કરીએ તો ગેંગનો માસ્ટર માઈન્ડ જીતેન્દ્ર મોદી જે ફેસબુકમાં મહિલાઓના નામે અલગ અલગ એકાઉન્ટ બનાવતો હતો અને ત્યારબાદ વેપારીઓને ફ્રેન્ડ રિકવેસ્ટ મોકલી મિત્રતા કરતો હતો. ત્યારબાદ મેસેન્જર પર વાત કરી એક મોબાઈલ નંબર આપતો હતો અને જે મોબાઈલ નંબર પર ઉન્નતી અને ગેંગમાં સામેલ અન્ય યુવતી જાહન્વી સાથે વાત કરાવતો હતો. ત્યારબાદ વેપારીને હોટેલના રૂમ અથવા કારમાં બોલાવી એકાંતમાં મોકલી દેતો હતો. આ સમગ્ર ઘટના બાદ જે તે વેપારી વિરુદ્ધમાં મહિલા પોલીસ સ્ટેશનમાં અરજી કરાવતો હતો.

 

અરજી થયા બાદ ગેંગના અન્ય લોકો યુવતીના બેન અને બનેવી તરીકે ઓળખ આપતા અને બિપિન પોતે વકીલ અને જીતેન્દ્ર પોલીસની ઓળખ આપી વેપારીને ડરાવીને કહેતા હતા કે આમાં તો પોસ્કો અને બળાત્કાર દાખલ થશે તેમ કહી રૂપિયા પડાવી લેવાનું કામ કરતા હતા. હાલ સુધી આ લોકોએ 4 અરજી કર્યા હોવાનું સામે આવ્યું છે, પરંતુ આ લોકો અત્યાર સુધીમાં કેટલા રૂપિયા પડાવી લીધા છે અને આ ગેંગમાં અન્ય કેટલા લોકો સામેલ છે અને કોઈ મહિલા પોલીસની સંડોવણી છે કે કેમ તે તમામ દિશામાં તપાસ કરવામાં આવી રહી છે.

 

આ પણ વાંચો: Telangana: 11માં પગાર સુધારણા પંચમાં સરકારી કર્મચારીઓના પગારમાં 30 ટકાનો વધારો, વયનિવૃત્તિ 61 વર્ષ કરાઈ

Click on your DTH Provider to Add TV9 Gujarati