Ahmedabad : વાડજ સરકારી ચાવડીમાં અરજદારોને આવકનો દાખલો કઢાવવો પણ લોઢાના ચણા ચાવવા સમાન

Ahmedabad : એક તરફ વિવિધ સરકારી યોજનાઓનો લાભ લેવા માટે આવકનો દાખલો કઢાવવો ફરજિયાત કરવામાં આવ્યો છે. તો બીજી તરફ આવકનો દાખલો કઢાવવા માટે ફક્ત મર્યાદિત સેન્ટરો હોવાના કારણે અરજદારોને આવકનો દાખલો કઢાવવા માટે ધરમના ધક્કા ખાવા પડી રહ્યા છે.

વિધવા સહાય યોજના હોય કે વૃદ્ધ પેનશન આ સિવાય વિવિધ સરકારી યોજનાઓનો લાભ લેવા માટે આવકનો દાખલો ફરજીયાત છે. પરંતુ આ જ આવકનો દાખલો કઢાવવા માટે અરજદારોને આંખે પાણી આવી રહ્યા છે. કારણ કે આવકનો દાખલો કાઢવાની કામગીરી મર્યાદિત કચેરીઓમાં જ કરવામાં આવે છે. અને કેટલીક કચેરીઓમાં તો દિવસ દરમ્યાન ફક્ત 60 જ આવકના દાખલ કાઢવાની કામગીરી કરવામાં આવે છે જેને કારણે અરજદારોને હાલાકીનો સામનો કરવો પડી રહ્યો છે.

અમદાવાદ શહેરના સુભાષબ્રિજ વિસ્તારમાં આવેલ વાડજ સરકારી ચાવડીમાં રોજના 60 ટોકન અરજદારોને આપવામાં આવે છે. વહેલી સવારે આવેલા અરજદારોને 60 ટોકન મળે છે. ત્યારબાદ આવેલા અરજદારોને બીજા દિવસે આવવાનું રહે છે. જોકે સમગ્ર પરિસ્થિતિમાં અરજદારોને હેરાન થવું પડતું હોવાને કારણે અરજદાર દ્વારા સવાલ ઉઠાવવામાં આવ્યા કે એક દિવસમાં ફક્ત 60 જ આવકના દાખલાની કામગીરી કેટલી યોગ્ય છે?

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

આવકના દાખલાની જરૂરિયાત તમામ ઉંમરના વ્યક્તિઓને પડતી હોવાને કારણે આવી કચેરીઓમાં વૃદ્ધો પણ આવતા હોય છે. જેને કારણે વૃદ્ધોને પણ હેરાન થવું પડી રહ્યું છે. આવા જ એક વૃદ્ધ જશવંતસિંહ ચાવડા દ્વારા સિનિયર સિટીઝનો માટે આવકનો દાખલો કઢાવવામાં સરળતા રહે તે માટેની ચોક્કસ વ્યવસ્થા કરવાની માંગ કરવામાં આવી છે. સાથે જ આવકના દાખલ માટેની કામગીરી એક જ જગ્યાએ થઈ જાય તે પ્રકારની વ્યવસ્થા ઉભી કરવા રજુઆત કરવામાં આવી છે.

કારણ કે વાડજ ચાવડીમાં આવકનો દાખલો કઢાવવા લાઈનમાં ઉભું રહેવું પડે છે. ત્યારબાદ અરજદારને ફ્રેન્કિંગ કરાવવા માટે ત્યાંથી કલેક્ટર કચેરીએ લાઈનમાં ઉભું રહેવું પડે છે. ફ્રેન્કિંગ કરાયા બાદ ફરીથી સરકારી ચાવડીમાં આવકના દાખલા માટે અધૂરી પ્રક્રિયા પૂર્ણ કરવવા માટે લાઈનમાં ઉભું રહેવું પડે છે. આમ એક જ કામગીરી માટે અલગ અલગ જગ્યાએ લાઈનમાં ઉભું રહેવું પડતું હોવાને કારણે હેરાનગતિનો સામનો સિનિયર સીટીઝન ને કરવો પડી રહ્યો છે. જેનું વહેલીતકે નિવારણ આવે તેવી માંગ સિનિયર સીટીઝન કરી રહ્યા છે.