12th Science Result: રાજકોટમાં ખેડૂત પુત્રએ મેળવ્યા 99.83 PR, બનવા માગે છે ડોક્ટર

આજે ધોરણ 12 સાયન્સનું (12th Science Result) પરિણામ આવ્યું છે અને સાથે જ વિદ્યાર્થીઓની આતુરતાનો અંત આવ્યો છે.  ગુજરાત રાજ્યમાં સૌથી વધારે પરિણામ રાજકોટ (Rajkot Latest News) જિલ્લાનું 85.78 % આવ્યું છે. વિદ્યાર્થીઓએ કરેલી મહેનતનું પરિણામ આવતા ખુશીનો માહોલ જોવા મળ્યો હતો અને વિધાર્થીઓએ ડી.જેના તાલે ગરબે ઝૂમીને આ ઉજવણી કરી હતી. જ્યારે સૌથી ઓછુ દાહોદ જિલ્લાનું 40.19 ટકા પરિણામ આવ્યું છે.

જુનાગઢ જિલ્લાનો ખેડૂત પુત્રએ મેળવ્યા 99.83 PR

રાજકોટમાં જે વિધાર્થીઓ સારા પરિણામ સાથે ઉતીર્ણ થયા છે તેમાં એક ખેડૂતનો પુત્ર પણ છે. જુનાગઢ જિલ્લાના આણંદપર ગામનો રહેવાસી અમિત ચોવટીયા નામના વિધાર્થીએ 99.83 પીઆર મેળવીને તેના માતા પિતાનું નામ રોશન કર્યું છે. અમિત હવે મેડિકલ ફિલ્ડ પસંદ કરવા માંગે છે અને ડોક્ટર બનીને તેના માતા પિતાનું નામ રોશન કરવા માંગે છે.

બે મહિના ભારે મુશ્કેલી પડી હતી-અમિત

એક તરફ કોરોનાનો કપરો કાળ હતો અને તેવા સમયે પરિક્ષા આવવાને કારણે વિદ્યાર્થીઓમાં પણ ભયનો માહોલ હતો. અમિતે પોતાની સંધર્ષની વાત રજૂ કરતા કહ્યુ હતું કે હું રાજકોટ રૂમ રાખીને રહુ છું. અહીં કોરોના સમયે શાળાના સપોર્ટથી કોઇ મુશ્કેલી પડી ન હતી પરંતુ કોરોનાના લોકડાઉનના બે મહિના અભ્યાસ માટે ભારે મુશ્કેલી પડી હતી. અભ્યાસમાં વિક્ષેપ પાડી શકાય તેમ ન હતો પરંતુ આવા માહોલ વચ્ચે પણ મનથી અભ્યાસ કર્યો અને ધાર્યુ પરિણામ મેળવ્યું.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

રાજકોટ જિલ્લો બન્યો રાજ્યમાં પ્રથમ

રાજકોટ જિલ્લો ગુજરાતમાં પ્રથમ બન્યો છે. રાજકોટનું 85.78% પરિણામ આવ્યું છે. રાજકોટ જિલ્લામાં કુલ 6770 વિદ્યાર્થીઓએ પરીક્ષા આપી હતી જે પૈકી 17 વિદ્યાર્થીઓને A1, 397 વિદ્યાર્થીઓને A2 ,1034 વિદ્યાર્થીઓને B1 અને 1422 વિદ્યાર્થીઓને B2 ગ્રેડ મળ્યો છે. આ સાથે આ વર્ષના પરીણામોમાં ખેડુત પુત્રોએ બાજી મારી છે. અકબરી હાર્દિક 99 PR, કંડોરિયા ધવલ 98.26 PR, બરાડિયા સંદિપ 97 PR, તેમજ બરાડિયા નિલેશએ 96.50 સાથે બાજી મારી છે.

ઉલ્લેખનીય છે કે, કોરોનાના કાળને કારણે ગતવર્ષે માસ પ્રમોશન આપવામાં આવ્યું હતુ. આ કારણથી આ વર્ષની પરીક્ષા અને પરીણામનું મહત્વ વધારે હતું. અને ગુજરાત બોર્ડ દ્વારા ઓફીશીયલ વેબસાઈટ www.gseb.org   પર સવારે 10 વાગે પરીણામ મુકવામાં આવ્યું છે. વિદ્યાર્થી મિત્રો પોતાના સિટ નંબરના આધારે પરીણામ ચેક કરી શકે છે.