મોટા પડદા પર મહાત્મા ગાંધીની ભૂમિકામાં જોવા મળશે પ્રતિક ગાંધી, રામચંદ્ર ગુહાના આ બે પુસ્તકો પર બનશે સિરીઝ
જો કે મહાત્મા ગાંધીના (Mahatma Gandhi) જીવન પર ઘણી ફિલ્મો બની છે, પરંતુ પ્રતિક ગાંધી અભિનીત આગામી સિરીઝમાં શું થવાનું છે તે જાણવા માટે દર્શકો અને પ્રતિકના ચાહકો ખૂબ જ ઉત્સુક છે.
સત્ય, પ્રેમ, અહિંસા અને સંકલ્પ, મહાત્મા ગાંધીના (Mahatma Gandhi) ઉપદેશો કાલાતીત છે. તેઓ એક મહાન નેતા હતા, શાંતિનું પ્રતીક અને માનવતા માટે એક ચમત્કાર હતા, જેમણે તેમના અસાધારણ કાર્યોથી ભારતીય ઈતિહાસનો માર્ગ બદલી નાખ્યો અને વિશ્વભરના નેતાઓની પેઢીઓને પ્રભાવિત કરી. ભારતીય સ્વતંત્રતાના સમયગાળાને જીવંત કરતા, આદિત્ય બિરલા જૂથના સાહસ એપ્લોઝ એન્ટરટેઈનમેન્ટે ‘ગાંધી’ના જીવન પર આધારિત એક સ્મારક બાયોપિકની જાહેરાત કરી છે. આ સિરીઝ જાણીતા ઈતિહાસકાર અને લેખક રામચંદ્ર ગુહાના (Ramchandra Guha) બે પુસ્તકો ‘ગાંધી બિફોર ઈન્ડિયા’ અને ‘ગાંધી – ધ ઈયર્સ ધેટ ચેન્જ્ડ ધ વર્લ્ડ’ પર આધારિત હશે.
આ સિરીઝમાં મહાત્મા ગાંધીનું પાત્ર ભજવશે પ્રતિક ગાંધી
મહાન મહાત્માની ભૂમિકા ભજવવા માટે અભિનેતા પ્રતીક ગાંધીને કાસ્ટ કરવામાં આવ્યો છે. ભારતીય સ્વતંત્રતા ચળવળના પિતાના અદ્ભુત જીવન અને સમયને ફરીથી બનાવવા માટે Applause Entertainment ખૂબ જ ઉત્સાહિત છે. મહાત્મા ગાંધીના શરૂઆતના દિવસો અને દક્ષિણ આફ્રિકામાં તેમની ક્રિયાઓથી લઈને ભારતમાં તેમના મહાન સંઘર્ષ સુધી આ સિરીઝ તેમના જીવનની કેટલીક વાર્તાઓ પણ જણાવશે, જેણે તેમને યુવા ગાંધીથી મહાત્મા ગાંધી બનાવવામાં મહત્વની ભૂમિકા ભજવી હતી.
તે મહાત્મા ગાંધીના બધા હમ વતન અને સ્વતંત્રતા ચળવળના સમકાલીન લોકોની વાર્તાઓનું પણ નિરૂપણ કરશે, અતુલ્ય વ્યક્તિત્વો જેમણે તેમની સાથે મુક્ત અને આધુનિક ભારતને આકાર આપવામાં અભિન્ન ભૂમિકા ભજવી હતી. સીરિઝ પર ટિપ્પણી કરતા સમીર નાયરે, સીઈઓ, એપ્લોઝ એન્ટરટેઈનમેન્ટ જણાવ્યું હતું કે, “રામચંદ્ર ગુહા એક ઈતિહાસકાર અને ઉત્કૃષ્ટ વાર્તા લેખક છે અને અમે તેમના ક્લાસિક પુસ્તકો – ‘ગાંધી બિફોર ઈન્ડિયા’ અને ‘ગાંધી – ધ યર્સ ધેટ ચેન્જ્ડ ધ વર્લ્ડ’ને સ્ક્રીન પર ફેરવવા માટે સન્માનિત છીએ.
તેણે વધુમાં કહ્યું કે આ પાત્ર માટે પ્રતિભાશાળી પ્રતિક ગાંધી કરતાં બેસ્ટ કોઈ નથી. પ્રતિક ગાંધીની મહાત્મા ગાંધીની ફિલોસૉફી અને શાંતિ અને પ્રેમ માટેનો તેમનો પ્રેમ જેણે વિશ્વને આકર્ષિત કર્યું હતું તે ફરી એકવાર જીવંત થશે. અમારું માનવું છે કે માત્ર એક સમૃદ્ધ સ્તરની મલ્ટી-સીઝન ડ્રામા સિરીઝ જ મહાત્મા ગાંધી અને ભારતના સ્વાતંત્ર્ય સંગ્રામના ગૌરવશાળી અને ભવ્ય ઈતિહાસને સમાવિષ્ટ તમામ મહાન વ્યક્તિત્વો સાથે વાસ્તવિક ન્યાય કરશે. વૈશ્વિક પ્રેક્ષકો માટે તે આધુનિક ભારતના જન્મની વાર્તા છે.
પ્રખ્યાત ઇતિહાસકાર અને જીવનચરિત્રકાર રામચંદ્ર ગુહા માને છે કે “ગાંધીજીના કાર્યથી સમગ્ર વિશ્વમાં પરિવર્તન આવ્યું અને તેમનો વારસો હજુ પણ તીવ્ર ચર્ચા પેદા કરે છે. તેમની જીવનયાત્રા એક મહાકાવ્ય હતી, જે ત્રણ મહાન દેશો – ભારત, ઈંગ્લેન્ડ અને દક્ષિણ આફ્રિકાની આસપાસ ફરે છે. તેમણે સ્વતંત્રતા, આંતર-ધાર્મિક સૌહાર્દ અને વંચિતોના અધિકારો માટે નિઃસ્વાર્થપણે લડ્યા. આ દરમિયાન તેણે ઘણા મિત્રો બનાવ્યા અને દુશ્મનો પણ બનાવ્યા. મને ખૂબ આનંદ છે કે ગાંધી પરના મારા પુસ્તકો હવે એપ્લોઝ એન્ટરટેઈનમેન્ટ દ્વારા નિર્મિત આ મહત્વાકાંક્ષી અને ઉત્તેજક શ્રેણી માટે સ્વીકારવામાં આવી રહ્યા છે. મને વિશ્વાસ છે કે ગાંધીજીના જીવનની જટિલ રૂપરેખા અને તેમના ઉપદેશોના નૈતિક સાર વિશ્વવ્યાપી પ્રેક્ષકો સમક્ષ લાવવામાં આવશે.
પ્રતિક ગાંધી આ સિરીઝને લઈને ઉત્સાહિત છે
પ્રતિક ગાંધી તેમની આગામી સિરીઝ વિશે કહે છે, હું ગાંધીવાદી ફિલોસૉફી અને તેના મૂલ્યોમાં ઘણો વિશ્વાસ રાખું છું, જે તેમના શુદ્ધ સ્વરૂપમાં સરળતાનો પડઘો પાડે છે. અંગત રીતે પણ હું મારા રોજિંદા જીવનમાં તેમના ઘણા ગુણો અને ઉપદેશોને આત્મસાત કરવાનો પ્રયાસ કરું છું. આ ઉપરાંત થિયેટરના દિવસોથી મહાત્માની ભૂમિકા ભજવવી એ મારા હૃદયની ખૂબ નજીક છે અને હવે આ મહાન નેતાની ભૂમિકા ફરી ભજવવી એ મારા માટે ખૂબ જ સન્માનની વાત છે. હું માનું છું કે આ પાત્રને સંપૂર્ણ ગૌરવ, કૃપા અને કનવિકન સાથે ભજવવું એ એક મોટી જવાબદારી છે. સમીર નાયર અને એપ્લોઝ એન્ટરટેઈનમેન્ટ સાથે આ પ્રવાસ શરૂ કરવા માટે ઉત્સાહિત છું.
Latest News Updates
