Urvashi Rautela એ હની સિંહ સાથે ડાન્સ કર્યો, લવ ડોઝ 2 માં જોવા મળશે
ઉર્વશી રૌતેલાએ તેમના ઇન્સ્ટાગ્રામ પર એક વીડિયો શેર કર્યો છે. જેમાં તેમની સાથે યો યો હની સિંહ પણ જોવા મળી રહ્યા છે. બંને તેમના જુના ગીતો લવ ડોઝ પર ડાન્સ કરતા અને મસ્તી કરતા જોવા મળે છે.
બોલીવુડ અભિનેત્રી ઉર્વશી રૌતેલા હમેશા હેડલાઇન્સમાં રહે છે. તે તેમની તસ્વીરો અને વીડિયો દ્વારા ચાહકો સાથે જોડાયેલી રહે છે. ઉર્વશી સોશિયલ મીડિયા પર ખૂબ જ એક્ટિવ રહે છે. તે પોતાની દરેક પોસ્ટ સાથે ચાહકોનું દિલ પણ જીતે છે. તેમની સ્ટાઇલિશ સ્ટાઇલ અને ડાન્સ માટે જાણીતી, ઉર્વશી રૌતેલાએ એક વીડિયો શેર કર્યો છે જેમાં તે ગાયક યો યો હની સિંહ સાથે પાર્ટીમાં ડાન્સ કરી રહી છે. ઉર્વશી રૌતેલાનો આ ડાન્સ વીડિયો ઇન્ટરનેટ પર ખૂબ જ વાયરલ થઈ રહ્યો છે.
ઇન્સ્ટાગ્રામ પર શેર કરી વીડિયો
તમે વીડિયોમાં જોઈ શકો છો, તે બંને એકબીજા સાથે ખૂબ મસ્તી કરતા જોવા મળે છે. આ સાથે જ તેમણે જાહેરાત કરી દીધી છે કે તે હની સિંહ સાથે હની ડોઝ 2 ગીતમાં જોવા મળશે. વીડિયો શેર કરતા ઉર્વશીએ કેપ્શનમાં લખ્યું છે, “મારી પહેલી સેક્સી સ્ટ્રેપટીઝ. કિંગ લિજેન્ડ્રી હની સિંહે અમારા આઇકોનિક ગીત લવ ડોઝથી સ્ટેજ પર આગ લગાવી દીધી છે. લવ ડોઝ પાર્ટ 2 જલ્દી આવી રહ્યુ છે. યો યો હની સિંહ – હું શું ફેંકું? એક ટિપ્પણીમાં તેનો જવાબ આપો. ”
View this post on Instagram
નવો મ્યુઝિક વીડિયો થયો લોન્ચ
ઉર્વશી રૌતેલાનો તાજેતરમાં જ મ્યુઝિક વીડિયો “એક લડકી ભીગી ભાગી સી” રિલીઝ થયો છે. આ વીડિયો રિલીઝ થતાની સાથે જ યુટ્યુબ પર છવાઈ ગયો છે. તમને જણાવી દઈએ કે તેનો અસલ ટ્રેક ફિલ્મ ‘ચલતી કા નામ ગાડી’નો છે, જે કિશોરકુમાર અને મધુબાલા પર ફિલ્માવવામાં આવેલ છે. ઉર્વશીનું ગીત ‘એક લડકી ભીગી ભાગી સી’ ગાયક અજય કેસવાનીએ ગાયું છે અને તેનું સંગીત વિક્કી-હાર્દિક દ્વારા રિક્રિએટ કરવામાં આવ્યું છે. આ વીડિયો યુટ્યુબ પર અત્યાર સુધીમાં લાખોથી વધુ વખત જોવામાં આવી ચૂક્યો છે.
ઉર્વશી વર્ક ફ્રન્ટ
વર્કફ્રન્ટની વાત કરીએ તો ઉર્વશી રૌતેલા ટૂંક સમયમાં તેલુગુ ફિલ્મ ‘બ્લેક રોઝ’ માં જોવા મળશે. જણાવી દઈએ કે ઉર્વશી રૌતેલાએ સની દેઓલ સાથે બોલિવૂડમાં પગ મૂક્યો હતો. તેમની પ્રથમ ફિલ્મ ‘સિંહ સાહેબ ધ ગ્રેટ’ હતી, જેમાં તેમણે સની દેઓલની પત્નીનો રોલ ભજવ્યો હતો. તે ‘ગ્રેટ ગ્રાન્ડ મસ્તી’માં પણ જોવા મળી છે. તમને જણાવી દઈએ કે ઉર્વશી રૌતેલા 2014 માં હની સિંહના ગીત ‘લવ ડોઝ’માં જોવા મળી હતી, ત્યારબાદ તે ખૂબ જ લોકપ્રિય થઈ ગઈ હતી.