ઉરી પહોંચ્યો Vicky Kaushal, ઇન્સ્ટાગ્રામ પર લખ્યું, સૈન્યની વચ્ચે રહેવું મોટુ સન્માન, ‘જય હિન્દ’
વિક્કી કૌશલની ફિલ્મ ઉરી - ધ સર્જિકલ સ્ટ્રાઈક રિલીઝ થઈ હતી. આ ફિલ્મમાં વિક્કી મુખ્ય અભિનેતા તરીકે જોવા મળ્યા હતા. આ ફિલ્મ સર્જિકલ સ્ટ્રાઈકની ઘટના પર આધારિત હતી અને વિક્કીને આ ફિલ્મ માટે રાષ્ટ્રીય એવોર્ડ પણ મળ્યો હતો
બોલિવૂડ એક્ટર વિક્કી કૌશલ તાજેતરમાં જ ભારતીય સૈન્યના કાશ્મીરના ઉરી બેઝ કેમ્પ પર પહોંચ્યા હતા. વિક્કીએ તેમની તસવીરો પણ તેમના સોશ્યલ મીડિયા પર શેર કરી છે. આ તસવીરોમાં વિક્કી ભારતીય સેનાના અધિકારીઓ અને સૈનિકો સાથે જોવા મળી રહ્યા છે. આ તસવીરોને ચાહકો ખૂબ જ પસંદ કરે છે.
ઉરી પહોંચ્યા વિક્કી કૌશલ
વિક્કીએ ઇન્સ્ટાગ્રામ પર પોતાની ત્રણ તસવીરો શેર કરી છે અને કેપ્શન પણ લખ્યું છે. વિક્કીએ ઇન્સ્ટાગ્રામ પર લખ્યું, ‘મને ઉરી બેઝ કેમ્પ કાશ્મીરમાં આમંત્રણ આપવા બદલ ભારતીય સેનાનો ખૂબ ખૂબ આભાર. તમે મને સ્થાનિકો સાથે એક દિવસ વિતાવવાની તક આપી. આ બધા લોકો હૂંફ અને આશ્ચર્યજનક પ્રતિભાથી ભરેલા છે. આપણી મહાન સૈન્યની વચ્ચે રહેવું મારા માટે મોટું સન્માન છે. આભાર, જય હિન્દ. ‘
View this post on Instagram
ઉરી – ધ સર્જિકલ સ્ટ્રાઈકે જીત્યો હતો એવોર્ડ
વર્ષ 2019 માં, વિક્કી કૌશલની ફિલ્મ ઉરી – ધ સર્જિકલ સ્ટ્રાઈક રિલીઝ થઈ હતી. આ ફિલ્મમાં વિક્કી મુખ્ય અભિનેતા તરીકે જોવા મળ્યા હતા. આ ફિલ્મ સર્જિકલ સ્ટ્રાઈકની ઘટના પર આધારિત હતી અને વિક્કીને આ ફિલ્મ માટે રાષ્ટ્રીય એવોર્ડ પણ મળ્યો હતો.
Latest News Updates
