Sherin Selin Mathew Suicide: ટ્રાન્સવુમન મોડલ-એક્ટ્રેસ શેરિન સેલિન મેથ્યુએ વીડિયો ચેટ પર ડિપ્રેશનના લીધે લગાવી ફાંસી, છેલ્લા એક વર્ષમાં આ પાંચમો કેસ

Sherin Selin Mathew Suicide: ટ્રાન્સવુમન મોડલ-એક્ટ્રેસ શેરિન સેલિન મેથ્યુએ વીડિયો ચેટ પર ડિપ્રેશનના લીધે લગાવી ફાંસી, છેલ્લા એક વર્ષમાં આ પાંચમો કેસ
Sherin Selin Mathew
Image Credit source: Instagram

કેરળના કોચીમાં રહેતી 26 વર્ષની ટ્રાન્સવુમન મોડલ શેરીન સેલેન મેથ્યુએ (Sherin Selin Mathew) આત્મહત્યા કરી લીધી છે. જણાવવામાં આવી રહ્યું છે કે શેરીન ઘણા સમયથી ડિપ્રેશનમાં હતી.

TV9 GUJARATI

| Edited By: Nancy Nayak

May 18, 2022 | 6:56 PM

સાઉથ ઈન્ડસ્ટ્રીમાં (South Industry) એક પછી એક દુખદ સમાચાર સાંભળવા મળી રહ્યા છે. અભિનેત્રી શેરીન સેલિન મેથ્યુનું (Sherin Selin Mathew) મંગળવારે નિધન થયું હતું. ત્યારથી મનોરંજન જગતમાં ચારેબાજુ શોકનો માહોલ છવાયો છે. સમાચાર મુજબ કેરળના એર્નાકુલમ જિલ્લાના કોચી વિસ્તારમાં રહેતી 26 વર્ષની ટ્રાન્સવુમન મોડલ શેરીન તેના ભાડાના એપાર્ટમેન્ટમાં રહેતી હતી. જ્યાં મંગળવારે તેનો મૃતદેહ મળી આવ્યો હતો. કહેવામાં આવી રહ્યું છે કે અભિનેત્રીએ કથિત રીતે આત્મહત્યા કરી છે. શેરીન આત્મહત્યા કરતી વખતે જે વ્યક્તિ સાથે વીડિયો ચેટિંગ કરી રહી હતી, તે જ વ્યક્તિએ આ ઘટના અંગે પોલીસ અધિકારીઓને જાણ કરી હતી. જોકે પોલીસની ટીમ અભિનેત્રીના ઘરે પહોંચવાનો પ્રયાસ કરે ત્યાં સુધીમાં શેરીને પંખાથી લટકીને આત્મહત્યા કરી લીધી હતી.

જણાવવામાં આવી રહ્યું છે કે શેરીન ઘણા સમયથી ડિપ્રેશનમાં હતી. ઉપરાંત, અભિનેત્રી તેના મિત્ર સાથે સમસ્યાઓ અને અણબનાવને કારણે તેના અંગત જીવનમાં ડિપ્રેશનમાંથી પસાર થઈ રહી હતી. આત્મહત્યા બાદ ઘટનાસ્થળે પહોંચેલી પોલીસ ટીમે તપાસ શરૂ કરી છે.

શેરીન ડિપ્રેશન સામે લડી રહી હતી

પોલીસ દ્વારા મિત્રોની પૂછપરછમાં જાણવા મળ્યું હતું કે શેરીન ઘણા સમયથી ડિપ્રેશનમાં હતી. તેણીએ કોઈને મળવાનું પણ બંધ કરી દીધું હતું અને તે ડિપ્રેશનનો શિકાર બની હતી. હાલ પોલીસે મોડલના મૃતદેહને પોસ્ટમોર્ટમ માટે મોકલી આપ્યો છે. સાથે જ નજીકના મિત્રોના નિવેદન નોંધ્યા બાદ તેણે તપાસ શરૂ કરી છે.

છેલ્લા એક વર્ષમાં 5મો કેસ

અગાઉ શહાના નામની અન્ય એક મોડલ-નાના સમયની અભિનેત્રી તેના 21માં જન્મદિવસના પ્રસંગે કોઝિકોડમાં તેના પોતાના ઘરમાં મૃત હાલતમાં મળી આવી હતી. કેરળની પ્રથમ રેડિયો જોકી, ટ્રાન્સજેન્ડર અનાયા કુમારી એલેક્સે પણ વર્ષ 2021માં આત્મહત્યા કરી હતી. કોચીમાં છેલ્લા એક વર્ષમાં આ પાંચમો ટ્રાન્સજેન્ડર આત્મહત્યાનો કેસ છે.

Follow us on

Related Stories

Most Read Stories

Click on your DTH Provider to Add TV9 Gujarati