Throwback Video: જુઓ શ્રીદેવીનો હાથ પકડીને ચાલી રહેલી જાનવી કપૂરના ચહેરા પરની ખુશી
જાનવી કપૂર થોડા થોડા સમયે સોશિયલ મીડિયા પર પોતાની માતાને લઇને કેટલાક જુના ફોટોઝ પોસ્ટ કરતી રહે છે. થોડા મહિના પહેલા જ જાનવીએ તેની માતા સાથેના કેટલાક જુના ફોટો શેયર કર્યા હતા.
ઈન્સ્ટાગ્રામ પર અભિનેત્રી જાનવી કપૂરના (Janhvi Kapoor) બાળપણનો એક વીડિયો શેયર કરવામાં આવ્યો છે. આ વીડિયોમાં જાનવી કપૂર ખૂબ ખુશ જોવા મળી રહી છે. પોતાની માતા શ્રીદેવીનો (Shridevi) હાથ પકડીને ચાલી રહેલી જાનવી કપૂરના ચહેરા પર હાસ્ય જોવા મળી રહ્યું છે. વીડિયોમાં તેની સાથે તેના પિતા એટલે કે પ્રોડ્યૂસર બોની કપૂર (Boney Kapoor) અને તેની નાની બહેન ખુશી કપૂર (Khushi Kapoor) પણ જોવા મળી રહી છે. આ વીડિયો ખૂબ જુનો છે અને કોઈ ઈવેન્ટમાં પ્રવેશી રહેલી આ કપૂર ફેમીલીનો છે.
વીડિયોમાં જાનવી કપૂર તેની માતા શ્રીદેવીનો હાથ પકડીને ચાલી રહી છે, જ્યારે તેની નાની બહેન તેની પિતા બોની કપૂરનો હાથ પકડીને ચાલતી જોવા મળી રહી છે. વીડિયોમાં શ્રીદેવી ગુલાબી કલરની ચોલીમાં જોવા મળી રહી છે. તેના પર સિલ્વર કલરનું વર્ક કરવામાં આવ્યુ હતુ. જ્યારે જાનવી અને ખુશી બંનેએ ગોલ્ડ-પીચ રંગનો સરખો ડ્રેસ પહેર્યો હતો.
View this post on Instagram
જાનવી કપૂરની માતા અને બોલીવૂડની પ્રખ્યાત અને લોકોના દિલો પર રાજ કરનાર શ્રીદેવીનું ફેબ્રુઆરી 2018માં દુબઈમાં નિધન થયુ હતુ. જાનવીની પહેલી ફિલ્મ ‘ધડક’ રિલીઝ થાય તેના થોડા સમય પહેલા જ શ્રીદેવીનું મોત થયુ હતુ. આ ફિલ્મમાં જાનવીની સાથે ઈશાન ખટ્ટર મુખ્ય ભૂમિકામાં હતો. જાનવી કપૂર થોડા થોડા સમયે સોશિયલ મીડિયા પર પોતાની માતાને લઈને કેટલાક જુના ફોટોઝ પોસ્ટ કરતી રહે છે. થોડા મહિના પહેલા જ જાનવીએ તેની માતા સાથેના કેટલાક જુના ફોટો શેયર કર્યા હતા.
આ પણ વાંચો – Gir Somnath:ત્રિવેણી સંગમમાં અસ્થિ-વિસર્જન પર પ્રતિબંધના પગલે પુરોહિતો અને સલામતી સ્ટાફ વચ્ચે ઘર્ષણ