Tunisha Sharma Case : હોસ્પિટલમાં દાખલ થઈ શીજાન ખાનની બહેન, મા એ પોસ્ટ કરી શેર-અમારો શું વાંક છે?
Tunisha Sharma Case : ટીવી એક્ટ્રેસ તુનિષા શર્મા આત્મહત્યાના કેસમાં શીજાન જેલમાં બંધ છે. બહાર તેનો પરિવાર ઘણી સમસ્યાઓનો સામનો કરી રહ્યો છે. શીજાનની બહેન ફલકને હોસ્પિટલમાં દાખલ કરવામાં આવી છે.
Tunisha Sharma Case : ટીવી એક્ટ્રેસ તુનિષા શર્મા આત્મહત્યા કેસે સમગ્ર ઈન્ડસ્ટ્રીને હચમચાવી દીધી હતી. આ કેસમાં શીજાન ખાન લાંબા સમયથી જેલમાં છે. અભિનેતાના વકીલે તેના જામીન માટે ઘણી વખત અરજી કરી હતી, પરંતુ આજ સુધી તેને આ મામલે કોઈ રાહત મળી નથી. જ્યારે શીજાન જેલમાં છે, ત્યારે તેનો પરિવાર બહાર તેમના પુત્રને નિર્દોષ સાબિત કરવામાં સતત વ્યસ્ત છે પરંતુ આ દરમિયાન શીજાનની બહેન અને ટીવી એક્ટ્રેસ ફલક નાઝની તબિયત લથડી છે. જેના કારણે તેને હોસ્પિટલમાં દાખલ કરવામાં આવ્યો છે.
ફલક હોસ્પિટલના બેડ પર જોવા મળી
ફલકની ખરાબ તબિયતના સમાચાર સોશિયલ મીડિયા પર સતત વાયરલ થઈ રહ્યા છે. આ સાથે તેની માતાએ પણ સોશિયલ મીડિયા પર એક પોસ્ટ શેર કરીને આ વિશે માહિતી આપી છે અને તેણે પણ પોસ્ટમાં પોતાનું દર્દ વ્યક્ત કર્યું છે. પોસ્ટની સાથે અભિનેતાની માતાએ હોસ્પિટલમાં તેની પુત્રીની એક તસવીર પણ શેર કરી છે. આ તસવીરમાં જોઈ શકાય છે કે, ફલક હોસ્પિટલના બેડ પર આંખો બંધ કરીને સૂતી જોવા મળે છે.
આ પણ વાંચો : Tunisha Sharma કેસ પર શીજાન ખાનનું નિવેદન, કહ્યું-હું નિર્દોષ છું…
જુઓ પોસ્ટ….
સોશિયલ મીડિયા પર પોસ્ટ શેર કરતા શીજનની માતાએ લખ્યું, “મને સમજાતું નથી કે અમારા પરિવારને શું સજા આપવામાં આવી રહી છે અને શા માટે? મારો પુત્ર શીજાન છેલ્લા એક મહિનાથી કેદીઓની જેમ કોઈપણ પુરાવા વગર જેલમાં સજા કાપી રહ્યો છે. મારી બાળકી ફલક હોસ્પિટલમાં દાખલ છે. શીજનનો નાનો ભાઈ જે ઓટીસ્ટીક બાળક છે તે બીમાર છે. શું માતા માટે બીજાના બાળકને માતા તરીકે પ્રેમ કરવો એ ગુનો છે? આ ગેરકાયદેસર છે.
FIR બાદ શીજનની થઈ હતી ધરપકડ
તમને જણાવી દઈએ કે ટીવી એક્ટ્રેસ તુનિષા શર્માએ ગયા વર્ષે 25 ડિસેમ્બરે પોતાની સીરિયલના સેટ પર ફાંસી લગાવીને આત્મહત્યા કરી લીધી હતી. તેના આ પગલાએ બધાને દંગ કરી દીધા. અભિનેત્રીના મૃત્યુ બાદ તેની માતાએ તેના કો-એક્ટર અને બોયફ્રેન્ડ શીજાન પર ગંભીર આરોપ લગાવ્યા હતા. તેમજ અભિનેત્રીની માતાએ જણાવ્યું હતું કે, શીજને તુનીશાને આત્મહત્યા કરવા માટે ઉશ્કેરી હતી. તુનીષાની માતાએ FIR નોંધાવ્યા બાદ પોલીસે શીજાનની ધરપકડ કરી હતી.
Latest News Updates
