TMKOC: ધરપકડની અફવાઓ પર મુનમુન દત્તાની સ્પષ્ટતા, કહ્યું- નિયમિત પૂછપરછ માટે ગઈ હતી પોલીસ સ્ટેશન
તારક મહેતામાં તેના પાત્રથી સૌનું મનોરંજન કરનાર મુનમુન દત્તાએ કહ્યું કે માત્ર હેડલાઈન્સ ખાતર આ મામલાની આસપાસ ફેલાવવામાં આવતી વાર્તાઓથી હું ખૂબ જ નારાજ છું.
તાજેતરમાં તારક મહેતા કા ઉલ્ટા ચશ્મામાં (Taarak Mehta ka Ooltah Chashmah) બબીતાજીનું (Babita Ji) પાત્ર ભજવનાર મુનમુન દત્તાએ (Munmun Dutta) તેની ધરપકડ અંગે ચાલી રહેલા સમાચારો પર પ્રતિક્રિયા આપી છે. તેણે દરેક અફવા પર પોતાનો ખુલાસો કર્યો છે જેના વિશે તેના પર સમાચાર ચાલી રહ્યા હતા. મુનમુન દત્તા વિશેના ઘણા અહેવાલોમાં એવું કહેવામાં આવ્યું હતું કે હરિયાણાના હાંસી શહેરમાં એક યુટ્યુબ વીડિયો વાયરલ થયા બાદ તેની સામે કેસ નોંધવામાં આવ્યો હતો. આ પછી તેની ધરપકડ પણ કરવામાં આવી હતી. તેના પર આરોપ હતો કે તેણે તે વીડિયોમાં એક ખાસ જાતિ વિશે ટિપ્પણી કરી હતી. જેના પર વિવાદ ઉભો થયો હતો. હવે મુનમુને આ મામલાની સત્યતા પર મીડિયા સામે પોતાનો પક્ષ રાખ્યો છે. આ ઘટના વિશે પણ જણાવ્યું કે તેની ધરપકડ કરવામાં આવી નથી.
બોલિવૂડ બબલને આપેલા ઈન્ટરવ્યુમાં મુનમુને કહ્યું કે મારી ધરપકડ કરવામાં આવી હોવાની અફવાઓથી વિપરીત, હું સ્પષ્ટ કરવા માંગુ છું કે હું પોલીસ અધિકારીઓ સાથે નિયમિત પૂછપરછ માટે ગઈ હતી અને મારી ધરપકડ કરવામાં આવી ન હતી. હકીકતમાં હું પૂછપરછ માટે જઈ શકું તે પહેલા જ શુક્રવારે મને કોર્ટમાંથી વચગાળાના જામીન મળી ગયા હતા. હાંસી પોલીસ સ્ટેશનના અધિકારીઓએ આ બાબતે મારી સાથે અઢી કલાક વાત કરી અને તમામ મહત્વની વિગતો નોંધી લીધી. તેઓ ખૂબ જ નમ્ર અને સારા સ્વભાવના હતા. હું પોલીસને સહકાર આપી રહી છું અને કરતી રહીશ.
તારક મહેતામાં તેના પાત્રથી સૌનું મનોરંજન કરનાર અભિનેત્રીએ વધુમાં કહ્યું કે માત્ર હેડલાઈન્સ ખાતર આ બાબતની આસપાસ ફેલાવવામાં આવતી વાર્તાઓથી હું ખૂબ જ નારાજ છું. ઉપરાંત, હું મીડિયા પ્રોફેશનલ્સને વિનંતી કરીશ કે આ બાબતની આસપાસ ખોટા સમાચારો ન બનાવો. ઘણા પોર્ટલ દ્વારા ઉપયોગમાં લેવાતી ક્લિકેબલ હેડલાઈન્સ અને થંબનેલ્સ બનાવવામાં આવ્યા છે તે ખૂબ જ અવ્યવસ્થિત અને અનૈતિક છે. તેણે એમ પણ કહ્યું હતું કે રિપોર્ટના સમયે તે ‘સેટ્સ પર તેના શો માટે શૂટિંગ કરી રહી હતી’.
મુનમુન SAB ટીવી શો તારક મહેતા કા ઉલ્ટા ચશ્મામાં બબીતા જીની મહત્વની ભૂમિકા ભજવે છે. આ રોલથી તેને ઘણી ઓળખ મળી છે. તેની અને જેઠાલાલ વચ્ચેની કેમેસ્ટ્રી આ શોની સૌથી મોટી હાઈપ છે. સોશિયલ મીડિયા પર બંને પર ઘણા બધા મીમ્સ પણ બનાવવામાં આવ્યા છે. આ શો ટીવી જગતનો સૌથી લોકપ્રિય શો છે.
આ પણ વાંચો – Anupam Kherની ફિલ્મની રિલીઝ ડેટ આવી સામે, હવે આ દિવસે સિનેમાઘરોમાં થશે રિલિઝ
આ પણ વાંચો – કલાકારે અનોખી રીતે Lata Mangeshkarને આપી શ્રદ્ધાંજલિ, વીડિયો 3 લાખથી વધુ વખત જોવામાં આવ્યો