‘KBC 13ના કારણે બદલાઈ ગઈ દુનિયા..’ દીકરી શ્વેતા નંદાના સવાલ પર ભાવુક થયા અમિતાભ બચ્ચન, જુઓ Video
બોલિવૂડ સુપરસ્ટાર અમિતાભ બચ્ચન ટૂંક સમયમાં સોની શાનદાર ક્વિઝ રિયાલિટી શો 'કૌન બનેગા કરોડપતિ'ના 1000 એપિસોડ પૂરા કરવા જઈ રહ્યા છે.
બોલિવૂડ સુપરસ્ટાર અમિતાભ બચ્ચન (Amitabh Bachchan) ટૂંક સમયમાં સોની ટીવીના શાનદાર ક્વિઝ રિયાલિટી શો ‘કૌન બનેગા કરોડપતિ’ના 1000 એપિસોડ પૂરા કરવા જઈ રહ્યા છે. આ ખાસ પ્રસંગને યાદગાર બનાવવા માટે, અમિતાભ બચ્ચનની પૌત્રી નવ્યા નવેલી નંદા (Navya Nanda Naveli) અને તેમની પુત્રી શ્વેતા બચ્ચન (Shweta Bachchan Nanda) નંદા શુક્રવારે શોમાં હાજરી આપવા જઈ રહ્યા છે.
તેમના જીવનની આ બે સુંદર મહિલાઓ, જેઓ બિગ બીના દિલની નજીક છે, તેઓ ન માત્ર શોની ઐતિહાસિક ક્ષણની સાક્ષી બનશે પરંતુ અમિતાભ બચ્ચનને કેટલાક પ્રશ્નો પણ પૂછશે.
સોની ટીવી દ્વારા શેર કરાયેલ કૌન બનેગા કરોડપતિ 13ના 1000 એપિસોડ સ્પેશિયલના પ્રોમોમાં, શ્વેતા અને નવ્યાને હોટસીટ પર બેઠેલા જોઈ શકીએ છીએ. કરોડપતિના મંચ પર શ્વેતા નંદા તેના પિતા અમિતાભ બચ્ચનને આ સવાલ પૂછી રહી છે, ‘પાપા શોના 1000 એપિસોડ પૂરા થયા, 1000 એપિસોડ પૂરા કર્યા પછી તમને કેવું લાગે છે?’ દીકરીના આ સવાલનો જવાબ આપતાં અમિતાભ બચ્ચન ભાવુક થઈ ગયા અને તેમને કહે છે કે “એવું લાગ્યું કે મારી દુનિયા બદલાઈ ગઈ છે.”
Chehre ki muskaan, dheer saare gyaan aur aap sabhi ke pyaar ke saath #KBC poore kar raha hai apne 1000 episodes, iss haseen pal mein bhavuk hue AB sir!
Dekhiye iss poori journey ki ek jhalak #ShaandaarShukravaar episode mein, iss Friday raat 9 baje, sirf Sony par. @SrBachchan pic.twitter.com/Ab31UkIMOy
— sonytv (@SonyTV) November 29, 2021
મેકર્સ દ્વારા 21 વર્ષની ઉજવણી કરવામાં આવશે
આ પ્રોમોમાં વર્ષ 2000માં પ્રથમ મિલિયોનેર બનેલા હર્ષવર્ધન નવાથે, 2011માં 5 કરોડ જીતનાર સુશીલ કુમાર, 7 કરોડ જીતનાર નરુલા બ્રધર્સ અને જુનિયર મિલિયોનેર વિનર રવિ મોહન સૈની પણ સામેલ હતા. વર્ષ 2000 માં શરૂ થયેલી આ રોમાંચક રમતને આજે 21 વર્ષ પૂર્ણ થયા છે, તેમ છતાં શોના હોસ્ટ અમિતાભ બચ્ચનનો આ શો પ્રત્યેનો જુસ્સો અને તેની પાછળની તેમની મહેનત ઓછી થઈ નથી અને કદાચ આ જ કારણ છે કે લોકો આ શોને ખૂબ જ પસંદ કરી રહ્યા છે.
પુત્રી શ્વેતા નંદા અને પૌત્રી નવ્યા નવેલી નંદાની હાજરીમાં, અમિતાભ બચ્ચન મેકર્સ દ્વારા સ્ક્રીન પર તેમની 21 વર્ષની યાદગાર સફર જોવા મળશે. આ સફર જોઈને બોલિવૂડ મેગાસ્ટારની આંખો ભીની થઈ જશે. પોતાની આંખોમાંથી આંસુ લૂછીને અમિતાભ બચ્ચન હોટ સીટ પર બેઠેલી દીકરી અને પૌત્રીને કહેશે, “ચાલો ગેમ સાથે આગળ વધીએ, કારણ કે ગેમ હજી પૂરી નથી થઈ” તેમની જાહેરાત પર કેબીસીનું સ્ટેજ તાળીઓના ગડગડાટથી ગુંજી ઉઠશે.
આ પણ વાંચો: WBPHED Recruitment 2021: એન્જિનિયરો માટે બમ્પર ભરતી, જાણો તમામ વિગતો