સુશાંત સિંહ રાજપૂતને મળ્યો નેશનલ એવોર્ડ તો ભાવુક થઈ ગયા પિતા, કહી આ મોટી વાત
સુશાંત સિંહ રાજપૂતને ફીમ છિછોરે માટે બેસ્ટ એક્ટરનો નેશનલ અવોર્ડ મળ્યો છે. આ બાદ તેના પિતા ભાવુક થઇ ગયા હતા અને આ અવોર્ડને ગર્વની વાત કહી હતી.
67 માં રાષ્ટ્રીય એવોર્ડની જાહેરાત તાજેતરમાં કરવામાં આવી છે. આવી સ્થિતિમાં દિવંગ અભિનેતા સુશાંત સિંહ રાજપૂતની ફિલ્મ છિછોરેને 67 માં રાષ્ટ્રીય પુરસ્કારોમાં શ્રેષ્ઠ ફિલ્મનો એવોર્ડ મળ્યો. સુશાંતની ફિલ્મને એવોર્ડ મળ્યા બાદ બધા તેને ફરી એકવાર યાદ કરી રહ્યા છે. સુશાંતની આ ફિલ્મને નેશનલ એવોર્ડ મળતાં ફેન્સમાં ખુશીની લહેર જોવા મળી રહી છે. અભિનેતાના પિતા પણ તેનાથી ખૂબ ખુશ છે અને તેમને તેમના પુત્ર પર ગર્વ થઇ રહ્યો છે.
દિવંગત સુશાંત સિંહ રાજપૂતની આ ફિલ્મ સિનેમાઘરોમાં રજૂ થયેલી તેની છેલ્લી ફિલ્મ હતી. છિછોરેને શ્રેષ્ઠ ફિલ્મ માટે 2019 નો રાષ્ટ્રીય ફિલ્મ પુરસ્કાર મળ્યો છે. આ ફિલ્મમાં સુશાંત સિંહ રાજપૂત મુખ્ય ભૂમિકામાં જોવા મળ્યા હતા અને તેના અભિનયને પણ ચાહકો દ્વારા ખૂબ પસંદ કરવામાં આવ્યો હતો.
સુશાંતના પિતા એ શું કહ્યું
સુશાંતના પિતાએ ખુશી વ્યક્ત કરતાં કહ્યું કે “સુશાંતને આજે જે સન્માન મળ્યું છે તે તેના લાયક હતો. તેમનામાં એક જુસ્સો હતો. અમને વિશ્વાસ હતો કે એક દિવસ તે ચોક્કસપણે પરિવાર અને દેશનું નામ રોશન કરશે.” અભિનેતાના પિતાનું કહેવું છે કે જ્યારે તેણે છિછોરે જોઈ ત્યારે તે સુશાંતના અભિનયના દિવાના થઈ ગયા હતા. તેના પિતાએ કહ્યું કે “એમએસ ધોની પછી જ મેં કહ્યું હતું કે હવે મારો પુત્ર સુપર સ્ટાર બની ગયો છે.”
તેમના પિતાએ મોટી વાત કરતા કહ્યું કે “તે સમયે સુશાંતને એમએસ ધોની માટે એવોર્ડ મળવો જોઈતો હતો. મારા પુત્રની અંદર ક્ષમતા અને જુસ્સો હતો. જો તે આજે આપણી વચ્ચે હોત, તો હું દોડીને તેને ગળે લગાવી શક્યો હોત.” તેઓ એ કહ્યું કે “શરૂઆતમાં હું સુશાંતના અભિનયની વિરુદ્ધ હતો.” તેમનું કહેવું છે કે તેનો પુત્ર ક્યારે ગુલશનથી સુશાંત સિંહ રાજપૂત બન્યો ખબર જ નહોતી પડી. “આજે મને તેના માટે ગર્વ છે પરંતુ દુખ છે કે આજે તે આપણી સાથે નથી.” સુશાંતના પિતા તેને યાદ કરતા કરતા ભાવુક થઇ ગયા હતા.
સુશાંતને અવોર્ડ મળતા તેના ફેન્સ સોશિયલ મીડિયામાં અભિનેતાને યાદ કરી રહ્યા છે. ફેન્સમાં ખુશીની લહેર સાથે સુશાંતના ના હોવાનું દુખ પણ દેખાઈ રહ્યું છે. ફેન્સ ખુશી સાથે દુખ પણ વ્યક્ત કરી રહ્યા છે.