ખુશખબર: આ કોમેડિયન જોવા મળશે The Kapil Sharma Show માં, ચેનલે વિડીયો શેર કરીને આપી જાણકારી
ફેન્સ ધ કપિલ શર્મા શોની ત્રીજી સિઝનની આતુરતાથી રાહ જોઈ રહ્યા હતા. હવે આ સિઝન શરૂ થવા જઈ રહી છે અત્યારે અહેવાલ આવ્યા છે કે સુમોના ચક્રવર્તી પણ શોમાં જોવા મળશે.
કોમેડી કિંગ કપિલ શર્મા (Kapil Sharma) તેના શોની ત્રીજી સીઝન સાથે પરત ફરી રહ્યો છે. લોકો ધ કપિલ શર્મા શોની (The Kapil Sharma Show) આતુરતાથી રાહ જોઈ રહ્યા હતા. હવે આ રાહ ટૂંક સમયમાં સમાપ્ત થવા જઈ રહી છે. કપિલ આ વખતે પોતાની ટીમમાં ઘણા નવા લોકોને લાવી રહ્યો છે. શોના પ્રોમોમાં તમામ કલાકારોને રજૂ કરવામાં આવ્યા હતા પરંતુ સુમોના ચક્રવર્તી (Sumona Chakravarti) તેમાં સામેલ નહોતી. જે પછી એવું કહેવામાં આવી રહ્યું હતું કે તે આ સીઝનનો ભાગ બનવાની નથી. પરંતુ હવે સુમોનાએ આ બધી અફવાઓનો અંત લાવી દીધો છે.
સુમોના ચક્રવર્તી પણ ધ કપિલ શર્મા શોનો ભાગ બનવા જઈ રહી છે. શોમાં કપિલ સાથે ભારતી સિંહ, કૃષ્ણ અભિષેક, કિકુ શારદા, ચંદન પ્રભાકર અને સુદેશ લહેરીની હાજરી વિશે ચાહકોને પહેલેથી જ જાણ કરવામાં આવી હતી. હવે ચેનલે એક વીડિયો શેર કરીને સુમોના શોનો હિસ્સો હોવાની માહિતી આપી છે.
સુમોનાએ તસવીર શેર કરી
સુમોના ચક્રવર્તીએ પોતાની વેનિટી વાનમાંથી એક તસવીર સોશિયલ મીડિયા પર શેર કરી છે. ફોટોમાં સુમોના હસતી અને મેકઅપ ટેબલની સામે બેઠેલી જોવા મળી રહી છે. ફોટો શેર કરતી વખતે સુમોનાએ લખ્યું – હાય… તેના ચાહકો સુમોનાની તસવીર પર કોમેન્ટ કરી રહ્યા છે. એક પ્રશંસકે લખ્યું – લાંબા સમય પછી તમને જોઈને આનંદ થયો.
સોની ટીવીએ વિડીયો શેર કર્યો
એક તરફ સુમોનાએ સેટ પરથી પોતાની તસવીર શેર કરી છે, તો ચેનલે એક પણ વિડીયો શેર કર્યો છે. જેમાં તે ફોર્મલ લુકમાં જોવા મળી રહી છે. તે વિડીયોમાં શોનું પ્રમોશન કરી રહી છે. તે વિડીયોમાં કહે છે કે શોને પ્રસારિત થવામાં માત્ર ત્રણ દિવસ બાકી છે.
થોડા સમય પહેલા શોના જજ અર્ચના પૂરણ સિંહે એક મુલાકાતમાં કહ્યું હતું કે સુમોના શોનો એક ભાગ છે અને તેની હાજરી વિશે જણાવ્યું હતું. અફવાઓનો અંત લાવીને, તેમણે કહ્યું હતું કે સુમોના શોમાં પ્રવેશ કરશે. તે આ વખતે નવા રોલમાં જોવા મળશે.
અક્ષય કુમાર પ્રથમ મહેમાન બનશે
અક્ષય કુમાર ધ કપિલ શર્મા શો શોની ત્રીજી સિઝનમાં પ્રથમ મહેમાન બનવા જઈ રહ્યા છે. તેઓ તેમની ફિલ્મ બેલ બોટમના પ્રમોશન માટે આવવાના છે. અક્ષય બાદ અજય દેવગન પણ કપિલના શોમાં જોવા મળશે. તેઓ તેમની ફિલ્મ ભુજના પ્રમોશન માટે ટીમ સાથે આ શો પર આવશે.
આ પણ વાંચો: શું નીરજ ચોપરા અભિનય ક્ષેત્રમાં કરશે એન્ટ્રી, જાણો શું આપ્યો દેશના આ સ્ટારે જવાબ
આ પણ વાંચો: શું વિકી કૌશલ અને કેટરીના કૈફે સાચે કરી લીધી સગાઈ? અભિનેત્રીની ટીમે કર્યો ખુલાસો