Sooryavanshi Song Mera Yaara: આવતીકાલે રિલીઝ થશે અક્ષય અને કેટરીનાનું આ રોમેન્ટિક ગીત, પ્રમોશનમાં લાગ્યા મેકર્સ
અક્ષય કુમાર (Akshay Kumar) અને કેટરિના કૈફ (Katrina Kaif) ફિલ્મના શૂટિંગ દરમિયાન મસ્તી કરતા હતા, પરંતુ આ ફિલ્મના પ્રમોશન દરમિયાન પણ બંને ખૂબ જ મસ્તી કરતા જોવા મળે છે.
અક્ષય કુમાર (Akshay Kumar) અને કેટરિના કૈફ (Katrina Kaif)ની ફિલ્મ ‘સૂર્યવંશી’ (Sooryavanshi) આ વર્ષની બહુપ્રતિક્ષિત ફિલ્મોમાંથી એક છે. આ ફિલ્મના ખૂબ જ રોમેન્ટિક ગીતનું ટીઝર આજે એટલે કે મંગળવારે રિલીઝ કરવામાં આવ્યું છે. આ ગીતનું શીર્ષક છે – ‘મેરે યારા’ (Mere Yaara). અક્ષય કુમાર અને કેટરીના કૈફે પોતપોતાના ઈન્સ્ટાગ્રામ એકાઉન્ટ પર ‘મેરે યારા’ ગીતનું ટીઝર શેર કર્યું છે.
આ ટીઝરમાં અક્ષય અને કેટરિનાની ફિલ્મમાં જોવા મળતી લવસ્ટોરીની ઝલક જોવા મળી છે. અરિજિત સિંહ અને નીતિ મોહને ‘મેરે’ ગીતને પોતાના અવાજથી સજાવ્યું છે. ગીતનું ટીઝર શેર કરતાં અક્ષય કુમારે કેપ્શનમાં લખ્યું – જ્યારે તેની એક સ્માઈલ તમને સ્માઈલ આપી દે… ચલો મેરે યારા સાથેના રોમાંસને સંજોએ. આ ગીત આવતીકાલે રિલીઝ થઈ રહ્યું છે.
View this post on Instagram
ફિલ્મના શૂટિંગ દરમિયાન અક્ષય કુમાર અને કેટરિના કૈફે મસ્તી કરી હતી, પરંતુ આ ફિલ્મના પ્રમોશન દરમિયાન પણ બંને ખૂબ જ મસ્તી કરતા જોવા મળે છે. હાલમાં જ કેટરીનાએ એક વીડિયો શેર કર્યો હતો, જેમાં તે ફિલ્મના પહેલા દિવસે પ્રમોશન કરતી જોવા મળી હતી અને આ દરમિયાન તેની મસ્તીથી ભરપૂર સ્ટાઈલ પણ ચાહકોને જોવા મળી હતી. તે જ સમયે ફિલ્મના નિર્માતાઓ તેમની સુપરકોપ સિરીઝના આ ભાગને પ્રમોટ કરવા માટે કોઈ કસર છોડી રહ્યા નથી.
ફિલ્મની આખી ટીમ તેના પ્રમોશનમાં વ્યસ્ત છે. ફિલ્મના નિર્માતાઓએ તેના ત્રણ ગીતો ફિલ્મની રિલીઝ પહેલા એટલે કે 5 નવેમ્બર પહેલા રિલીઝ કરવાની યોજના બનાવી છે. આ ફિલ્મનું ગીત ‘આઈલા રે આઈલા’ પહેલા રિલીઝ થઈ ચૂક્યું છે અને આવતીકાલે તેનું બીજું ગીત ‘મેરે યારા’ રિલીઝ થશે. આ દરમિયાન હવે ચાહકો રોહિત શેટ્ટીની આ ફિલ્મના આગામી ગીતની રિલીઝની રાહ જોઈ રહ્યા છે. દર્શકોમાં આ ફિલ્મ અને તેના ગીતો વિશે આતુરતા જોઈ શકાય છે.
તમને જણાવી દઈએ કે ‘આઈલા રે આઈલા’ ગીત રિલીઝ થતાંની સાથે જ હિટ થઈ ગયું હતું. આ ગીત 24 કલાકમાં સૌથી વધુ જોવાયેલ ગીત બની ગયું છે. સૂર્યવંશી દિવાળીના અવસર પર 5 નવેમ્બરે રિલીઝ થઈ રહી છે. આ ફિલ્મમાં અજય દેવગણ (Ajay Devgn) અને રણવીર સિંહ (Ranveer Singh) પણ કેમિયો કરતા જોવા મળશે.
આ પણ વાંચો :- ‘Antim: The Final Truth’ Trailer: સલમાન ખાનની પાવર-પેક એક્શન, આયુષ શર્માની જબરદસ્ત એક્ટિંગ, જુઓ ધમાકેદાર ટ્રેલર
આ પણ વાંચો :- ‘Antim: The Final Truth’ના ટ્રેલર લોન્ચમાં કાળા પોશાકમાં પહોંચ્યા સલમાન ખાન અને આયુષ, જુઓ Photos