સોનુ સૂદે 1 લાખ નોકરીની ઘોષણા કરી, જાણો બેરોજગાર કેવી રીતે કરી શકશે અરજી
સોનુ સૂદ તેના કાર્યોને લઈને વારંવાર ચર્ચામાં રહે છે. તાજેતરમાં સોનુંએ બેરોજગારોને નોકરીની તક આપવાની મોટી જાહેરાત કરી છે.
બોલિવૂડ એક્ટર સોનુ સૂદ તેની ઉદારતાને કારણે ઘણા સમયથી ચર્ચામાં છે. અભિનેતાએ કોરોનાની મહામારીના સમયમાં ગરીબ પરિવારોને મદદ કરવા આગળ આવ્યા હતા. ગરીબોના મસીહા હરીકે ઓળખાતા સોનુ સૂદે ત્યાર બાદ વિદેશમાં ફસાયેલા વિદ્યાર્થીઓને લાવવાનું, ખેડૂતને ટ્રેક્ટર આપવાનું, વિદ્યાર્થીઓના ઓનલાઈન ક્લાસ માટે મોબાઈલ ઉપલબ્ધ કરાવવાનું, એવા તો ઘણા કામ કર્યા છે. હવે સોનુ સૂદ દ્વારા જે પગલું લેવામાં આવ્યું છે તે હવે એક કે બે નહીં પરંતુ લગભગ 10 કરોડ લોકોને મદદ મળશે.
ખરેખર સોનુ સૂદે ટ્વિટર પર પોતાની મહત્વાકાંક્ષી યોજના શેર કરી છે, જેમાં તેણે કહ્યું છે કે તે દેશના 1 લાખ બેરોજગાર લોકોને કેવી રીતે નોકરી આપશે. સોનુ સૂદની આ ઘોષણા બાદ બધે જ તેની પ્રશંસા થઈ રહી છે. સોનુ સૂદે પોતાની ટ્વિટમાં લખ્યું- ‘નવું વર્ષ, નવી અપેક્ષાઓ. નવી નોકરીની તકો અને તે તકોને તમારી નજીક લાવતા, નવા અમે. પ્રવાસી રોજગાર હવે છે ગૂડવર્કર. ગુડવર્કર એપ્લિકેશન આજે જ ડાઉનલોડ કરો અને કાલે સારા ભવિષ્યમાં વિશ્વાસ કરો.’
नया साल, नई उम्मीदेंनई नौकरी के अवसर….और उन अवसरों को आपके करीब लाते, नए हम।प्रवासी रोज़गार अब है गुडवर्कर।आज ही गुडवर्कर एप्लिकेशन को डाउनलोड करें और बेहतर कल की उम्मीद करेंApp Link: https://t.co/GMX1RW36s5#AbIndiaBanegaKaamyaab #GoodWorker #NaukriPaanaHuaAasaan pic.twitter.com/yV6XTZ5RtD
— sonu sood (@SonuSood) March 14, 2021
આ સાથે સોનુ સૂદે એપને ડાઉનલોડ કરવા માટે એક લિંક પણ શેર કરી છે. સોનુ સૂદના જણાવ્યા અનુસાર આ એપ દ્વારા તે 10 કરોડ લોકોનું જીવન બદલવાનો પ્રયાસ કરશે. નોકરીની શોધમાં બેરોજગાર યુવાનો વચ્ચે સોનુ સૂદનું આ ટ્વીટ જોયા પછી નવી ઉત્તેજના ઉભી ગઈ છે. ઘણા યુઝર્સે સોનુ સૂદના આ મોટા પગલા પર કોમેન્ટ કરી અને પ્રશંસા કરી છે.
આ સિવાય અભિનેતાએ ઝારખંડના એક શૂટરની મદદની પણ જાહેરાત કરી છે. સોનુ સૂદે આ શૂટરને એક જર્મન રાઇફલ આપવાનું વચન આપ્યું છે. હંમેશની જેમ તેણે સોશિયલ મીડિયા દ્વારા ધનસારમાં રહેતી એક મહિલા સ્પોર્ટસમેન કોનિકા લાયકની મદદની જાહેરાત કરી છે