જોશપૂર્ણ મેસેજ શેર કરીને Amitabh Bachchan એ કહ્યું – આપણે લડીશું અને જીતીશું
અમિતાભ બચ્ચને તેમના ઓફિશિયલ સોશિયલ એકાઉન્ટ પરથી એક વીડિયો શેર કર્યો છે. વીડિયોમાં બ્લેક આઉટફિટ્સમાં અમિતાભ જોશમાં આ કવિતાનું પાઠ કરતા જોવા મળી રહ્યા છે.
કોરોના વાયરસથી પીડિત લોકો અને કોવિડ યોદ્ધાઓના મનોબળને વધારવા માટે બોલીવુડના મેગાસ્ટાર અમિતાભ બચ્ચને ખૂબ જ શાનદાર અને જોશથી ભરેલો મોટીવેશનલ મેસેજ આપ્યો છે.
અમિતાભ બચ્ચને તેમના ઓફિશિયલ સોશિયલ એકાઉન્ટ પરથી એક વીડિયો શેર કર્યો છે. આ વીડિયોને શેર કરતી વખતે તેમણે કેપ્શનમાં લખ્યું કે, ‘સાથે મળીને આપણે લડીશું અને જીતીશું’.
તુ સૌથી પહેલા વાર કર…
વીડિયોમાં બ્લેક આઉટફિટ્સમાં અમિતાભ જોશમાં આ કવિતાનું પાઠ કરતા જોવા મળી રહ્યા છે. તેઓ કહે છે કે રુક ન તુ, ધનુષ ઉઠા પ્રહાર કર. તુ સબસે પહલા વાર કર. અગ્નિ સી ધધક-ધધક, હરણ સી સજગ સજગ, સિંહ સી દહાડ કર, શંખ સી પુકાર. રુક ન તુ, થક ન તુ. ઝુક ન તુ, થમ ન તુ.
https://twitter.com/SrBachchan/status/1392412055185940480
અમિતાભનો આ વીડિયો સોશિયલ મીડિયા પર ખૂબ વાયરલ થઈ રહ્યો છે. લોકો તેમની મોટિવેશન કવિતાના ખુબ વખાણ કરી રહ્યા છે.
શીખ ગુરુદ્વારામાં અપાયા 2 કરોડ અને ઓક્સિજન સિલિન્ડરો
તમને જણાવી દઈએ કે તાજેતરમાં અમિતાભે કોરોના સાથે ભારતની લડતમાં મદદ કરી છે. તેમણે દિલ્હીના શીખ ગુરુદ્વારામાં 2 કરોડ અને ઓક્સિજન સિલિંડરો દાન કર્યા છે. તેમની આ મદદથી, અમિતાભે તે બધા લોકો બોલતી બંધ કરી દીધી છે, જેઓ છેલ્લા કેટલાક દિવસોથી તેમને કોરોના રોગચાળામાં મદદ ન કરવા બદલ ટ્રોલ કરી રહ્યા હતા.
https://twitter.com/SrBachchan/status/1392103305522814981
હું ચેરિટી કરું છું, શો-ઓફ નથી
અમિતાભ બચ્ચને તાજેતરની એક પોસ્ટમાં લખ્યું છે કે હા હું ચેરિટી કરું છું પણ મારું માનવું છે કે બોલવા કરતા કરવાનું વધુ સારું છે. તેમણે લખ્યું છે કે તેમણે અને તેમના પરિવારે છેલ્લા કેટલાક વર્ષોમાં જે ચેરિટી કરી છે તેનું સોશિયલ મીડિયા પર શો-ઓફ નથી કર્યું. ફક્ત લેનાર જ જાણે છે. તેમણે પોતાના બ્લોગમાં અનેક ડોનેશન્સ અને ચેરીટીઝનો ઉલ્લેખ પણ કર્યો છે.
koshish .. https://t.co/tlKnm3QH7Z
— Amitabh Bachchan (@SrBachchan) May 11, 2021
અમિતાભ બચ્ચનનાં આગામી પ્રોજેક્ટ
હવે તેમની આગામી ફિલ્મોની વાત કરીએ તો અમિતાભ બચ્ચન ટૂંક સમયમાં ‘ચેહરે’, ‘ઝુંડ’, ‘બ્રહ્માસ્ત્ર’ જેવી ફિલ્મોમાં જોવા મળશે. આ સાથે અમિતાભ ફરી એકવાર રિયાલિટી ક્વિઝ શો ‘કૌન બનેગા કરોડપતિ’ ની 13 મી સીઝનમાં જોવા મળશે. આ શોનું રજિસ્ટ્રેશન શરૂ થઈ ગયું છે.