NCBએ આર્યન ખાનના બેંક ખાતાઓની તપાસ શરૂ કરી, શું અનન્યા પાંડેના લેપટોપ-મોબાઈલની ફોરેન્સિક તપાસ થશે?
બેંક ખાતાઓની તપાસ કરીને NCBએ જાણવાનો પ્રયાસ કરી રહી છે કે આર્યન ખાને ડ્રગ્સ ખરીદવા માટે તેના બેંક ખાતામાંથી પૈસા ખર્ચ્યા છે કે કેમ? ઉપરાંત અભિનેત્રી અનન્યા પાંડેના ઈલેક્ટ્રોનિક ગેજેટ્સને પણ ફોરેન્સિક લેબમાં તપાસ માટે મોકલવામાં આવ્યા છે.
Aryan Drugs Case: શાહરૂખ ખાનના પુત્ર આર્યન ખાન સાથે સંકળાયેલા મુંબઈ ક્રૂઝ ડ્રગ્સ કેસમાં (Mumbai Cruise Drugs case) રોજ કંઈક નવા ખુલાસા સામે આવી રહ્યા છે. મળતા અહેવાલો અનુસાર એનસીબીએ હવે આર્યન ખાનના બેંક ખાતાઓની તપાસ શરૂ કરી છે. આ બેંક ખાતાઓની તપાસ કરીને NCBએ શોધવાનો પ્રયાસ કરી રહ્યું છે કે આર્યન ખાને તેના કોઈપણ બેંક ખાતામાંથી ડ્રગ્સ ખરીદવા માટે નાણાં ખર્ચ્યા હતા કે કેમ?
શાહરૂખ ખાનની મેનેજર પૂજા ડડલાણી NCB ઓફિસ પહોંચી
તમને જણાવી દઈએ કે શનિવારે શાહરૂખ ખાનની મેનેજર પૂજા ડડલાણી NCB ઓફિસ પહોંચી હતી. સાથે તેના હાથમાં એક પરબિડીયું હતું. કહેવામાં આવી રહ્યું છે કે આ પરબિડીયામાં કેટલાક દસ્તાવેજો હતા જેને રજુ કરવા NCBએ આદેશ આપ્યો હતો. ઉલ્લેખનીય છે કે આર્યન ખાનની (Aryan Khan) જામીન અરજી પર મંગળવારે સુનાવણી થવાની છે. જ્યારે બીજી બાજુ NCB જામીન રોકવાની તૈયારી કરી રહ્યું છે.
અનન્યા પાંડેના ઈલેક્ટ્રોનિક ગેજેટ્સ તપાસ માટે ફોરેન્સિક લેબમાં મોકલવામાં આવ્યા
આર્યન ડ્રગ્સ કેસમાં અનન્યા પાંડેનું નામ સામે આવતા NCBએ દરોડા પાડીને મોબાઈલ અને લેપટોપ જપ્ત કર્યા હતા. તેમજ સતત બે દિવસ સુધી અભિનેત્રીની પુછપરછ હાથ ધરી હતી, ઉપરાંત અનન્યાને સોમવારે પણ NCB ઓફિસ આવવા માટે આદેશ કરવામાં આવ્યા છે. ત્યારે હાલ અભિનેત્રીની મુશ્કેલી વધતી જોવા મળી રહી છે. હાલ અનન્યા પાંડેના (Ananya Panday) ઈલેક્ટ્રોનિક ગેજેટ્સ NCBના અધિકારીઓ દ્વારા તપાસ માટે ફોરેન્સિક લેબમાં મોકલવામાં આવ્યા છે.
આર્યન ખાનને ડ્રગ્સનું સેવન કરતા જોયો છે: અનન્યા પાંડે
સુત્રો તરફથી મળતી માહિતી અનુસાર અનન્યાએ એનસીબી અધિકારીઓ સમક્ષ કબૂલાત કરી છે કે તેણે આર્યન ખાનને ડ્રગ્સનું સેવન કરતા જોયો છે. આ સાથે તેણે જણાવ્યુ હતુ કે આર્યનને એક મિત્રએ ડ્રગ્સ મેળવવા માટે મદદ કરી હતી અને આ મિત્રએ તેના સ્ટાફ દ્વારા આર્યનને ડ્રગ્સ મોકલ્યું હતું. પરંતુ તેઓ જાણતા નથી કે તે કયા ડ્રગ્સ પેડલર (Drugs peddler) પાસેથી આ ડ્રગ્સ આવ્યુ હતુ.
મારી વોટ્સએપ ચેટનો ખોટો અર્થ કાઢવામાં આવ્યો છે: આર્યન ખાન
બીજી તરફ આર્યનની જામીન અરજીમાં આર્યન ખાન વતી દાવો કરવામાં આવ્યો છે કે તેની વોટ્સએપ ચેટનો (WhatsApp chat) ખોટો અર્થ કાઢવામાં આવી રહ્યો છે. તેની વોટ્સએપ ચેટનો અર્થ એ નથી જે સમજવામાં આવી રહ્યો છે.
આ પણ વાંચો : કાકાએ તો ભારે કરી ! આર્યન ખાનની વધતી મુશ્કેલી વચ્ચે કાકાએ કહ્યુ ” હું આર્યનને જેલમાંથી છોડાવીશ” જુઓ Video
આ પણ વાંચો : BIG B નો ગજબનો ફેન ! આ વ્યક્તિએ પોતાની ગાડી બચ્ચનના ડાયલોગથી પેઈન્ટ કરી, આ ક્રેઝી ફેનને જોઈને અમિતાભ પણ દંગ રહી ગયા