Mamta Kulkarni : 90ના દાયકાની ચર્ચિત એક્ટ્રેસ મમતા કુલકર્ણીની અચાનક તસ્વીર થઇ વાયરલ, જુઓ તસ્વીર
1990 ના દાયકામાં બોલિવૂડ પર રાજ કર્યા પછી મમતા કુલકર્ણીની (Mamta Kulkarni) કરિયર ટોચ પર હતી, પરંતુ એક દિવસ અચાનક બોલિવૂડમાંથી ગાયબ થઈ ગઈ હતી. મમતા કુલકર્ણી ફરી એક વાર ચર્ચામાં આવી છે. હકીકતમાં જ્યારે 90 ના દાયકાની અન્ય ઘણી એક્ટ્રેસ ટીવી શો, ફિલ્મો અને OTT પ્લેટફોર્મ દ્વારા કમબેક કરી રહી છે. ત્યારે મમતા કુલકર્ણીએ […]
1990 ના દાયકામાં બોલિવૂડ પર રાજ કર્યા પછી મમતા કુલકર્ણીની (Mamta Kulkarni) કરિયર ટોચ પર હતી, પરંતુ એક દિવસ અચાનક બોલિવૂડમાંથી ગાયબ થઈ ગઈ હતી. મમતા કુલકર્ણી ફરી એક વાર ચર્ચામાં આવી છે. હકીકતમાં જ્યારે 90 ના દાયકાની અન્ય ઘણી એક્ટ્રેસ ટીવી શો, ફિલ્મો અને OTT પ્લેટફોર્મ દ્વારા કમબેક કરી રહી છે.
ત્યારે મમતા કુલકર્ણીએ પણ લાંબા સમય પછી કમબેક કર્યું છે. જો કે, મમતાએ આ કમબેક કોઈ ટીવી સિરિયલ, ફિલ્મ કે ઓટીટી પ્લેટફોર્મ પર નહીં પરંતુ સોશિયલ મીડિયા પર કર્યું છે. સમાચાર મુજબ, મમતા કુલકર્ણીએ ઇન્સ્ટાગ્રામ પર આ કમબેક કર્યું છે. મમતાએ તેના ઈન્સ્ટાગ્રામ એકાઉન્ટ પર 90ના દાયકાની ઘણી તસવીરો શેર કરી છે.
View this post on Instagram
તમને જણાવી દઈએ કે મમતા કુલકર્ણીએ પોતાના જમાનાની ઘણી હિટ ફિલ્મોમાં કામ કર્યું છે જેમ કે ‘કરણ અર્જુન’ અને ‘બાઝી’ વગેરે. મમતાએ 90ના દાયકામાં ઈન્ડસ્ટ્રીના ત્રણેય ખાન સલમાન, શાહરૂખ અને આમિર સાથે કામ કર્યું છે. જો કે આ બધા પછી મમતા કુલકર્ણી ઈન્ડસ્ટ્રીમાં પોતાનું સ્થાન બનાવવામાં સફળ ન થઈ શકી અને જોત જોતામાં ફ્લોપ થઈ ગઈ. મમતાએ પબ્લિસિટી મેળવવા માટે કેટલાક ખૂબ જ બોલ્ડ ફોટોશૂટ પણ કરાવ્યા હતા પરંતુ તે પણ તેની કારકિર્દી બચાવી શક્યા નહીં.
કહેવામાં આવી રહ્યું છે કે, મમતાએ ડ્રગ લોર્ડ વિકી ગોસ્વામી સાથે લગ્ન કર્યા છે, જે પછી તે અગાઉ યુનાઇટેડ સ્ટેટ્સના ડ્રગ એન્ફોર્સમેન્ટ એડમિનિસ્ટ્રેશનની તપાસ હેઠળ આવી હતી. જ્યારે 2016માં એન્ફોર્સમેન્ટ એજન્સી દ્વારા વિકીની ધરપકડ કરવામાં આવી હતી ત્યારબાદ તેને વોન્ટેડ તરીકે પણ ટેગ કરવામાં આવી હતી.
આ મામલે થાણે પોલીસે 18.5 ટન એફેડ્રિનનો ડ્રગ બસ્ટ કર્યો હતો. આંતરરાષ્ટ્રીય બજારમાં આ પદાર્થની કિંમત 2000 કરોડ રૂપિયા હોવાનું કહેવાય છે. પોલીસ તપાસમાં બહાર આવ્યું છે કે જપ્ત કરાયેલા પદાર્થનો ઉપયોગ મેથામ્ફેટામાઈન બનાવવા માટે કરવાનો હતો.
તેણે 2019 માં બોમ્બે હાઈકોર્ટમાં તેની સામેનો કેસ રદ કરવા માટે સંપર્ક કર્યો હતો. તેણીની અરજીમાં, મમતાએ ઉલ્લેખ કર્યો હતો કે પોલીસ પાસે ડ્રગ રેકેટમાં તેની સંડોવણી દર્શાવવા માટે કોઈ નક્કર આધાર નથી અને તેણીનું નામ માત્ર એટલા માટે હતું કારણ કે તેણીના સહ-આરોપી વિકી ગોસ્વામી સાથે તેના સંબંધો હતા. તેણે કોર્ટને તેના બેંક ખાતા અને એફડી અનફ્રીઝ કરવા અને મુંબઈના અંધેરી ખાતેના તેના બે ફ્લેટને ડી-સીલ કરવાની વિનંતી પણ કરી હતી. જેને આ વર્ષની શરૂઆતમાં કોર્ટે ફગાવી દીધી હતી.
આ પણ વાંચો : Aryan Khan Drug Case: આર્યન ખાન આવશે જેલની બહાર ? જામીન અરજી પર સુનાવણી કરશે બોમ્બે હાઇકોર્ટ
આપણ વાંચો : ઓહ તેરી ! હોટલની બહાર વાસણ ધોતો દેખાયો વાંદરો, વીડિયો જોઇ લોકો બોલ્યા ‘એમ્પ્લોય ઓફ ધ મંથ’