KGF Chapter 2: KGF 2નું ટ્રેલર 27 માર્ચે થશે રિલીઝ, જાણો ફિલ્મ ક્યારે રિલીઝ થશે
યશ અને સંજય દત્ત સ્ટારર KGF 2નું ટ્રેલર 27 માર્ચે સાંજે 6.40 વાગ્યે રિલીઝ થશે. સંજય આ ફિલ્મમાં નેગેટિવ ભૂમિકા ભજવશે જેનો ફર્સ્ટ લુક પણ મેકર્સ દ્વારા રિલીઝ કરવામાં આવ્યો છે.
KGF Chapter 2: પ્રખ્યાત અભિનેતા યશ સ્ટારર મોસ્ટ અવેટેડ ફિલ્મ ‘KGF: ચેપ્ટર 2’ ને લઈને દર્શકોમાં ભારે ક્રેઝ છે. વર્ષ 2018માં રિલીઝ થયેલી કન્નડ ફિલ્મ KGF Chapter 1ની સફળતા પછી દર્શકો તેના બીજા ભાગ એટલે કે KGF 2ની રાહ જોઈ રહ્યા છે. ફિલ્મના ઘણા પોસ્ટર પણ રિલીઝ કરવામાં આવ્યા છે. હવે યશ અને સંજય દત્ત (Sanjay Dutt) અભિનીત આ ફિલ્મ સાથે જોડાયેલી વધુ એક મહત્વની માહિતી સામે આવી છે.
ટ્રેલર 27 માર્ચે રિલીઝ થશે
રોકિંગ સ્ટાર યશની ફિલ્મ ‘KGF ચેપ્ટર 2’ સાથે જોડાયેલા એક મોટા સમાચાર સામે આવ્યા છે. તાજેતરમાં જ મેકર્સે ફિલ્મના ટ્રેલરની રિલીઝ ડેટ જાહેર કરી છે. નિર્માતાઓએ જાહેરાત કરી છે કે KGF ચેપ્ટર 2નું ટ્રેલર 27 માર્ચે સાંજે 6.40 વાગ્યે રિલીઝ થશે. આ જાહેરાત સાથે ફિલ્મનું એક નવું પોસ્ટર પણ શેયર કરવામાં આવ્યું છે, જેમાં યશનો લૂક એકદમ જોરદાર છે.
View this post on Instagram
કન્નડ ભાષામાં બનેલી આ ફિલ્મને હિન્દી, તેલુગુ, તમિલ અને મલયાલમ ભાષાઓમાં ડબ કરવામાં આવી છે. KGF 2 આ વર્ષે 14મી એપ્રિલે સિનેમાઘરોમાં રિલીઝ થશે. ઝી તમિલ, ઝી તેલુગુ, ઝી કેરલમ અને ઝી કન્નડએ ફિલ્મના સેટેલાઈટ રાઈટ્સ ખરીદ્યા છે.
ફિલ્મમાં રવિના અને સંજય દત્ત પણ જોવા મળશે
ફિલ્મના પહેલા ભાગની જેમ યશ અને શ્રીનિધિ શેટ્ટી લીડ રોલમાં જોવા મળશે. આ સિવાય રવિના ટંડન અને સંજય દત્ત પણ મહત્વના રોલમાં જોવા મળવાના છે. સંજય ફિલ્મમાં અધીરાની નેગેટિવ ભૂમિકા ભજવશે, તેનો ફર્સ્ટ લૂક પણ રિલીઝ થઈ ગયો છે. જે દર્શકોને ખૂબ પસંદ આવી હતી. કોરોનાને કારણે ફિલ્મની રિલીઝ ડેટ ઘણી વખત આગળ ધપાવવામાં આવી છે.
આ પણ વાંચો : રાષ્ટ્રપતિ ભવનમાં આરોગ્ય વનમનું થયું ઉદ્ઘાટન, જાણો શું છે તેની વિશેષતાએ અને સામાન્ય લોકોને શું થશે ફાયદો