IFFI: સ્થાનિક મીડિયાએ લગાડયો ફિલ્મ ફેસ્ટિવલમાં ન જવા દેવાનો આરોપ, સ્ટેડિયમની બહાર વિરોધ પ્રદર્શન

ગોવામાં (Goa) શનિવારથી ઈન્ટરનેશનલ ફિલ્મ ફેસ્ટિવલ ઓફ ઈન્ડિયાની (International Film Festival Of India) 52મી આવૃત્તિ શરૂ થઈ ગઈ છે. આ ફિલ્મ ફેસ્ટિવલમાં (Film Festival) બોલિવૂડના અનેક કલાકારોએ હાજરી આપી હતી. આ ઉત્સવ નવ દિવસ સુધી ચાલશે અને 28 નવેમ્બરે સમાપ્ત થશે. જર્નાલિસ્ટ એસોસિએશનના લોકોએ શનિવારે ફિલ્મ ફેસ્ટિવલની બહાર વિરોધ પ્રદર્શન કર્યું હતું.

એક મીડિયા રિપોર્ટ અનુસાર સ્થાનિક ફોટો જર્નાલિસ્ટ અને ઈલેક્ટ્રોનિક મીડિયાના લોકોને ઈન્ટરનેશનલ ફિલ્મ ફેસ્ટિવલ ઓફ ઈન્ડિયામાં પ્રવેશવા દેવામાં આવ્યો ન હતો, જેના કારણે તેઓએ વિરોધ કર્યો હતો.

Web Stories View more

ડાયાબિટીસમાં ખાઈ શકો છો આ 8 મીઠી વસ્તુ, જુઓ લિસ્ટ

કથાકાર જયા કિશોરીને રસોઈ બનાવતા આવડે છે? જાતે આપ્યો જવાબ

700 કારીગરોએ બનાવ્યો હિરામંડીનો સૌથી મોટો સેટ , જુઓ ફોટો

ઉનાળામાં વધી રહ્યો છે ચિકનપોક્સનો ખતરો, જાણો બચવાના ઉપાય

ગરમીમાં વારંવાર થઈ જતા Loose Motionથી બચવા શું કરશો? જાણો અહીં.

ઉનાળામાં હાર્ટ એટેક આવવાના 1 મહિના પહેલા શરીરમાં દેખાય છે આટલા લક્ષણ

ખાનગી ચેનલોને અધિકારો આપવામાં આવ્યા છે

ગોવા યુનિયન ઓફ જર્નાલિસ્ટ્સ (GUJ), ઓલ ગોવા ફોટો જર્નાલિસ્ટ એસોસિએશન અને ઈલેક્ટ્રોનિક મીડિયા એસોસિએશનના લોકોએ ડૉ. શ્યામા પ્રસાદ મુખર્જી સ્ટેડિયમની બહાર વિરોધ કર્યો, જ્યાં ફેસ્ટિવલ શરૂ થયો છે. ગોવા યુનિયન ઓફ જર્નાલિસ્ટના એક વરિષ્ઠ અધિકારીએ જણાવ્યું છે કે IFFIના આયોજકોએ ખાનગી ચેનલોને ફિલ્મ ફેસ્ટિવલને વિશેષ રૂપે કવર કરવાના અધિકારો આપ્યા છે.

સ્થાનિક મીડિયાના વ્યક્તિઓ ખાસ કરીને ફોટો જર્નાલિસ્ટ અને ઇલેક્ટ્રોનિક મીડિયાને ફંક્શનને કવર કરવાની મંજૂરી નથી. પત્રકારોએ સ્ટેડિયમની બહાર મુખ્ય માર્ગ પર કેમેરા લગાવીને વિરોધ કર્યો છે.

હેમા માલિનીને સન્માનિત કર્યા

તમને જણાવી દઈએ કે શનિવારે બોલિવૂડની દિગ્ગજ અભિનેત્રી હેમા માલિનીને ઈન્ડિયન ફિલ્મ પર્સનાલિટી ઓફ ધ યર એવોર્ડથી સન્માનિત કરવામાં આવી હતી. માહિતી અને પ્રસારણ મંત્રી અનુરાગ ઠાકુરે તેમને આ એવોર્ડ આપ્યો હતો. જે બાદ હોસ્ટ મનીષ પોલે તેને તેના ફેવરિટ પાત્ર વિશે પૂછ્યું તો તેણે શોલે, લાલ પથ્થર, સીતા અને ગીતા ફિલ્મોને સ્પેશિયલ ગણાવી છે.

બોલિવૂડ સેલેબ્સે પરફોર્મ કર્યું હતું

ઈન્ટરનેશનલ ફિલ્મ ફેસ્ટિવલ ઓફ ઈન્ડિયાના પહેલા દિવસે ઘણા બોલિવૂડ સેલેબ્સ ત્યાં પહોંચ્યા હતા. ફેસ્ટના પ્રથમ દિવસે સલમાન ખાન, રણવીર સિંહ, શ્રદ્ધા કપૂર અને મૌની રોયે પર્ફોર્મન્સ આપ્યું હતું અને ફેસ્ટિવલમાં ચાર ચાંદ લગાવ્યો હતો. આવનારા દિવસોમાં ઘણા વધુ સેલેબ્સ પણ આ ફેસ્ટિવલનો ભાગ બનવાના છે.

OTT પ્લેટફોર્મ સામેલ છે

પ્રથમ વખત OTT પ્લેટફોર્મનો પણ ઈન્ટરનેશનલ ફિલ્મ ફેસ્ટિવલ ઓફ ઈન્ડિયામાં સમાવેશ કરવામાં આવ્યો છે. જેના વિશે માહિતી અને પ્રસારણ મંત્રી અનુરાગ ઠાકુરે માહિતી આપી હતી. OTT પ્લેટફોર્મને સ્પેશિયલ ક્લાસ, લૉન્ચ સહિત ઘણી વસ્તુઓ માટે આમંત્રિત કરવામાં આવ્યા છે.

આ પણ વાંચો : Corona Update : મુંબઈમાં કોરોનાનો ફફડાટ ! શહેરમાં કોરોનાના કેસ વધતા BMCએ 13 બિલ્ડીંગને કરી સીલ

આ પણ વાંચો : Uttarakhand Election 2022: હરિદ્વારમાં અરવિંદ કેજરીવાલનું એલાન, સરકાર બનશે તો રાજ્યના લોકોને અયોધ્યામાં રામલલાના દર્શન મફત કરાવશે