હું ભલે નીચી અથવા જાડી હોવ, પરંતુ હું મારી રીતે અનોખી છું – Vidya Balan
બોલિવૂડ અભિનેત્રી વિદ્યા બાલન (Vidya Balan) આ દિવસોમાં તેમની ફિલ્મ 'શેરની' (Sherni) ને લઈને ચર્ચામાં છે. આ ફિલ્મ 18 મી જૂને અમેઝોન પ્રાઇમ વીડિયો (Amazon Prime Video) પર રિલીઝ થવાની છે.
બોલિવૂડ અભિનેત્રી વિદ્યા બાલન (Vidya Balan) આ દિવસોમાં તેમની ફિલ્મ ‘શેરની’ (Sherni) ને લઈને ચર્ચામાં છે. આ ફિલ્મ 18 મી જૂને અમેઝોન પ્રાઇમ વીડિયો (Amazon Prime Video) પર રિલીઝ થવાની છે. વિદ્યાએ તેમની ફિલ્મી કરિયરમાં વિવિધ ભૂમિકાઓ ભજવતાં બોલિવૂડના સ્ટીરિયોટાઇપ વિચારને પડકાર્યો છે.
પોતાની ફિલ્મના પાત્રમાં સંપૂર્ણ રીતે ઘુસી જનાર આ અભિનેત્રીએ હંમેશાં દમદાર અભિનય બતાવ્યો છે. વિદ્યા પોતાની દરેક ફિલ્મમાં પાત્રને પુરતો ન્યાય આપનારી અભિનેત્રીઓમાંની એક માનવામાં આવે છે.
વિદ્યા બાલને મીડિયા સાથે વાત કરતા કહ્યું કે મેં સ્ટીરિયોટાઇપ તોડવાનો પ્રયાસ કર્યો નથી. પરંતુ મારા જીવનના અનુભવથી, ખાસ કરીને એક એક્ટર તરીકે, મને સમજાયું કે હું મારા રસ્તામાં કોઈ અડચણ આવવા નહીં દઉ.
42 વર્ષીય અભિનેત્રીએ કહ્યું, ‘જો કોઈ મને કહે કે એક્ટર તરીકે હું ખૂબ નાની છું, ખૂબ મોટી છું, ખૂબ જ બોલ્ડ છું અથવા બેશર્મ છું અથવા ખૂબ સમજદાર છું અથવા જે કંઈ પણ છું. હું જેવી પણ છું મારી જાતને બદલી શકતી નથી પણ હું મારો પોતાનો રસ્તો પસંદ કરી શકું છું.
વિદ્યા કહે છે, ‘કામને લઈને મારી અંદર જે ઝનુન છે હું તેના પર ધ્યાન કેન્દ્રિત કરું છું કારણ કે હું મારી અંદર કોઈ ફેરફાર લાવી શકતી નથી. હું કોઈ બની બનાવેલી લીંક તોડવાનો પ્રયાસ નથી કરી રહી. હું મારા હિસાબથી ભૂમિકા પસંદ કરું છું. એક અભિનેત્રી તરીકે, હું મારી રીતે આગળ વધી રહી છું.
વિદ્યા બાલન 16 વર્ષની ઉંમરે ટીવી સીરિયલ ‘હમ પાંચ’ (Hum Paanch) થી અભિનયની શરૂઆત કરી હતી. વિદ્યાએ 2005 માં ફિલ્મ ‘પરિણીતા’ (Parineeta) થી બોલિવૂડમાં પ્રવેશ કર્યો હતો. આ સિવાય ‘ભૂલ ભુલૈયા’ (Bhool Bhulaiyaa) , ‘નો વન કીલ્ડ જેસિકા’ (No One Killed Jessica),
‘ધ ડર્ટી પિક્ચર’ (The Dirty Picture), ‘પા’ (Paa), ‘કહાની’ (Kahaani), ‘મિશન મંગલ’ (Mission Mangal), ‘તુમ્હારી સુલુ’ (Tumhari Sulu), ‘શકુંતલા દેવી’ (Shakuntala Devi) જેવી જુદી જુદી શૈલીની ફિલ્મ્સ કરી હંમેશા પ્રેક્ષકોને આશ્ચર્યચકિત કર્યા છે. હવે ‘શેરની’ માં તે એક વન અધિકારીની ભૂમિકા નિભાવતી જોવા મળશે.
આ પણ વાંચો :- Dilip Kumar Health Update: દિલીપ કુમારને હોસ્પિટલમાંથી મળી રજા, આ સ્થિતિમાં જોવા મળ્યા કલાકાર, જુઓ Photos
આ પણ વાંચો :- Indian Idol 12 વિવાદને અભિજિત ભટ્ટાચાર્યે ગણાવ્યું વાતનું વતેસર, બોલ્યા ‘મેં જાતે અમિત કુમાર સાથે વાત કરી હતી’