TKSS: કપિલ શર્માથી નારાજ થયો અક્ષય કુમાર, કહ્યું ‘હવે મળીને તારી વાત’
અક્ષય કુમારની ફિલ્મ બેલ બોટમ એક સ્પાઈસ થ્રિલર છે. ફિલ્મ 1980ના દશકમાં બનેલી એક હાઈજૈકિંગની સત્ય ઘટના પર આધારિત છે. આ ફિલ્મમાં અક્ષય કુમાર સિવાય હુમા કુરેશી, લારા દત્તા અને વાણી કપૂર જેવા કલાકારો મહત્વની ભૂમિકામાં છે.
અક્ષય કુમારની (Akshay Kumar) ફિલ્મ બેટ બોટમનું (Bell Bottom) ટ્રેલર મંગળવારે રીલિઝ થઈ ચૂક્યુ છે. આ ટ્રેલરના બોલીવૂડ સહિત સામાન્ય લોકોએ પણ ખૂબ વખાણ કર્યા છે. કેટલાક સ્ટાર્સે અક્ષયની નવી ફિલ્મના વખાણ કરતા સોશિયલ મીડિયા પર વિવિધ પોસ્ટ શેયર કરી છે. જો કે આ બધા વચ્ચે અક્ષય કુમાર એક વ્યક્તિથી નારાજ જોવા મળી રહ્યો છે. તે વ્યક્તિએ ફિલ્મના ટ્રેલર પર રિએક્શન થોડુ મોડુ આપ્યુ હતુ. આ વ્યક્તિ બીજુ કોઈ નહીં પરંતુ કોમેડી કિંગ કપિલ શર્મા (Kapil Sharma) છે.
કપિલે ટ્રેલર પર લેટ રિએક્શન આપતા અક્ષય કુમારે તેમને હેરાન કર્યા. તમને જણાવી દઈએ કે અક્ષય કુમારની ફિલ્મનું ટ્રેલર મંગળવારની સાંજે રિલીઝ થયુ, પરંતુ કપિલે તેના બીજા દિવસે એટલે કે બુધવારે બેલ બોટમની ટીમને અભિનંદન પાઠવ્યા. તેવામાં અક્ષય કુમારે કપિલને હેરાન કરવાની કોઈ પણ તક જવા ન દીધી.
Jaise pata chala show par aa raha hoon, best wishes bheji uske pehle nahi. Milkar teri khabar leta hoon. https://t.co/60nI55ET4C
— Akshay Kumar (@akshaykumar) August 4, 2021
અક્ષયે કપિલના અભિનંદન વાળા ટ્વીટ પર રિએક્ટ કર્યુ અને લખ્યુ કે ખબર પડી કે શો પર આવવાનો છુ એટલે બેસ્ટ વિશ મોકલી, તેના પહેલા નહીં. મળીને તારી ખબર લઉ છુ. હાલમાં જ સમાચાર સામે આવ્યા છે કે બેલ બોટમની ટીમ કપિલ શર્મા શોના આગામી સિઝનના પહેલા એપિસોડમાં મહેમાન બનશે. હવે અક્ષય કુમારના ટ્વીટ બાદ હવે આ વાત કન્ફર્મ થઈ ગઈ છે કે અભિનેતા તેની આખી ટીમ સાથે કપિલ શર્મા શોમાં જોવા મળશે.
તમને જણાવી દઈએ કે અક્ષય કુમારની ફિલ્મ બેલ બોટમ એક સ્પાઈસ થ્રિલર છે. ફિલ્મ 1980ના દશકમાં બનેલી એક હાઈજૈકિંગની સત્ય ઘટના પર આધારિત છે. આ ફિલ્મમાં અક્ષય કુમાર સિવાય, હુમા કુરેશી, લારા દત્તા અને વાણી કપૂર જેવા કલાકારો મહત્વની ભૂમિકામાં છે. આ ફિલ્મ 19 ઓગસ્ટના રોજ સિનેમાઘરોમાં રિલીઝ થશે. આ ફિલ્મ 2ડી અને 3ડીમાં રિલીઝ થશે. બેલ બોટમ પહેલી બીગ બજેટ ફિલ્મ છે, જે સિનેમાઘરો ખુલ્યા બાદ રિલીઝ થશે.
આ પણ વાંચો – Lovlina Borgohain: મોહમ્મદ અલીની ફૈન લવલીનાએ બ્રોન્ઝ મેડલ પર પંચ માર્યો, જાણો અનોખી સ્ટોરી