Sushmita Sen : દરિયામાં ડૂબકી મારતી જોવા મળી સુષ્મિતા સેન, કહ્યું- ‘અપને આપ કો સરેન્ડર કર દો’

બોલિવૂડ એક્ટ્રેસ સુષ્મિતા સેને (Sushmita Sen) બે દીકરીઓને દત્તક લીધી છે. સુષ્મિતા અવાર-નવાર પોતાની બંને દીકરીઓ સાથેના ફોટા સોશિયલ મીડિયા પર શેર કરતી રહે છે.

Sushmita Sen : દરિયામાં ડૂબકી મારતી જોવા મળી સુષ્મિતા સેન, કહ્યું- 'અપને આપ કો સરેન્ડર કર દો'
Sushmita Sen
TV9 GUJARATI

| Edited By: Meera Kansagara

Aug 06, 2022 | 11:24 AM

બોલિવૂડ એક્ટ્રેસ સુષ્મિતા સેન (Sushmita Sen) પોતાના રિલેશનશિપને લઈને ચર્ચામાં છે. થોડા સમય પહેલા આઈપીએલના પૂર્વ અધ્યક્ષ લલિત મોદીએ અભિનેત્રી સુષ્મિતા સેન સાથેના સંબંધોની વાત સ્વીકારી હતી. જે બાદ બંને મીડિયાની ચર્ચા બન્યા હતા. તમને જણાવી દઈએ કે બોલિવૂડ સ્ટાર અને પૂર્વ મિસ યુનિવર્સ સુષ્મિતા સેન પણ સોશિયલ મીડિયા પર ઘણી એક્ટિવ રહે છે. તે તેના તમામ ફોટો અને વીડિયો ફેન્સ સાથે શેર કરતી રહે છે. હવે સુષ્મિતા સેને સ્વિમિંગ (Swimming) કરતી વખતે એક વીડિયો પોસ્ટ કર્યો છે.

સુષ્મિતાએ સ્વિમિંગ કરતી વખતે એક વીડિયો કર્યો છે શેયર

સુષ્મિતા સેને તાજેતરમાં તેના ઇન્સ્ટાગ્રામ પર એક વીડિયો શેર કર્યો છે, જેમાં તે ભૂમધ્ય સમુદ્રમાં ડૂબકી લગાવી રહી છે. સ્વિમિંગનો વીડિયો પોસ્ટ કરીને સુષ્મિતાએ ક્યૂટ કેપ્શન પણ લખ્યું છે. તેણે લખ્યું- સીધા થાઓ, થોભો, શ્વાસ લો અને વસ્તુઓને જવા દો. તમારી જાતને સમર્પણ કરો અને તેમાંથી શીખો. આ રીતે મેં ભૂમધ્ય સમુદ્રનો આનંદ માણ્યો. આ વીડિયો મારા મિત્ર દ્વારા ખૂબ જ સુંદર રીતે બનાવવામાં આવ્યો છે. જીવનમાં જ્યાં ઊંડાણ છે, હું તેના માટે હંમેશા તૈયાર છું. હું તમને સૌથી વધુ પ્રેમ કરું છું.’

જુઓ વીડિયો…

ચાહકોને વીડિયો આવ્યો પસંદ

તમને જણાવી દઈએ કે, સુષ્મિતા સેનનો નવો વીડિયો ચાહકોને ખૂબ જ પસંદ આવી રહ્યો છે. ચાહકો ખૂબ જ પ્રભાવિત છે. આ વીડિયોમાં તમે જોઈ શકો છો કે અભિનેત્રી સુષ્મિતા સેન યોટ પર છે. સ્વિમિંગ માટે તેણે મોં પર બ્રિથિંગ માસ્ક લગાવ્યો છે. સુષ્મિતાએ બ્લેક સ્પેગેટી ટોપ સાથે સફેદ સ્કર્ટ પહેર્યું છે. સુષ્મિતા સેન યોટના કિનારે બેસીને સમુદ્રમાં કૂદતી જોવા મળે છે, ત્યારબાદ તે તરવા લાગે છે. અભિનેત્રીનો આ વીડિયો તેના મિત્રએ બનાવ્યો છે.

ઉલ્લેખનીય છે કે બોલિવૂડ એક્ટ્રેસ સુષ્મિતા સેને બે દીકરીઓને દત્તક લીધી છે. તેમની મોટી દીકરીનું નામ રેને અને નાની દીકરીનું નામ અલીસા છે. સુષ્મિતા અવાર-નવાર પોતાની બંને દીકરીઓ સાથેના ફોટા સોશિયલ મીડિયા પર શેર કરતી રહે છે.

Follow us on

Related Stories

Most Read Stories

Click on your DTH Provider to Add TV9 Gujarati