Vijay Deverakonda: શાહરૂખ, તમે છેલ્લા સુપરસ્ટાર નથી…’ વિજય દેવરકોંડાએ કેમ આપ્યું આવું નિવેદન, જાણો
વિજય દેવરકોંડા (Vijay Devarakonda) અને અનન્યા પાંડેની ફિલ્મ લાઈગર બોક્સ ઓફિસ પર ધૂમ મચાવી રહી છે. ઓપનિંગ ડે પર ધૂમ મચાવી છે. આ દરમિયાન વિજય દેવરકોંડાનું એક નિવેદન વાયરલ થઈ રહ્યું છે.
વિજય દેવરકોંડાની (Vijay Devarakonda) ફિલ્મ ‘લાઈગર’ (Liger) થિયેટરોમાં ધૂમ મચાવી છે. એક તરફ અભિનેતાની ડેબ્યૂ ફિલ્મને ક્રિટિક્સ તરફથી દર્શકોનો મિશ્ર પ્રતિસાદ મળી રહ્યો છે. બીજી તરફ સોશિયલ મીડિયા પર લોકો આ ફિલ્મને બોયકોટ કરવાની માંગ કરી રહ્યા છે. આ દરમિયાન વિજય દેવરકોંડાનું એક નિવેદન વાયરલ થઈ રહ્યું છે. આ વાયરલ સ્ટેટમેન્ટમાં એક્ટર શાહરૂખ ખાનને સંબોધિત કરતા કહે છે, ‘શાહરુખ, તમે છેલ્લા સુપરસ્ટાર નથી…’. તમને જણાવી દઈએ કે વિજયના આ વીડિયોએ સોશિયલ મીડિયા પર ખળભળાટ મચાવી દીધો છે.
લોકો ઉડાવી રહ્યા છે એક્ટરની મજાક
ખરેખર આ એક ઈન્ટરવ્યુની ક્લિપ છે, જેમાં વિજય કહે છે કે તે શાહરૂખ ખાન પછી આગામી સુપરસ્ટાર બનવાનો છે. આ સાથે વિજયનું એક ટ્વિટ પણ વાયરલ થઈ રહ્યું છે. આ ટ્વીટમાં તેને લખ્યું છે કે, મારી ફિલ્મ આરામથી 200 કરોડથી વધુનો બિઝનેસ કરશે. હવે જ્યારે લાઈગર બીજા દિવસે જ બોક્સ ઓફિસ પર ફ્લોપ સાબિત થઈ રહી છે, ત્યારે વિજયનું આ ટ્વિટ અને જૂના ઈન્ટરવ્યુની ક્લિપ સોશિયલ મીડિયા પર વાયરલ થઈ રહી છે. લોકો આને શેયર કરીને એક્ટરની મજાક ઉડાવી રહ્યા છે.
વિજય કહે છે – તમે ખોટા છો શાહરુખ
એક મેગેઝીનના ઈન્ટરવ્યુમાં વિજયે કહ્યું કે તેને પોતાના સપના પૂરા કરવા માટે શાહરુખ ખાન પાસેથી પ્રેરણા મળી છે. વિજયે કહ્યું, જો તે કરી શકે છે તો હું કેમ નહીં? વિજયે શાહરૂખનો એક જૂનો ઈન્ટરવ્યુ યાદ કર્યો જેમાં કિંગ ખાને કહ્યું હતું કે તે ફિલ્મ ઈન્ડસ્ટ્રીનો છેલ્લો સુપરસ્ટાર હશે. તેના પર વિજયે કહ્યું, ‘જ્યારે મેં તેનો આ ઈન્ટરવ્યુ સાંભળ્યો ત્યારે હું કહેવા માંગતો હતો કે શાહરૂખ તમે ખોટા છો. તમે છેલ્લા નથી, હું આવું છું.’
યુઝર્સ બોલ્યા – ના થઈ શકે શાહરુખ અને વિજયની તુલના
હવે વિજયના આ નિવેદન પર લોકો સોશિયલ મીડિયા પર તેની મજાક ઉડાવી રહ્યા છે. લોકો કહી રહ્યા છે કે વિજય દેવરકોંડાની તુલના શાહરુખ ખાન સાથે ન થઈ શકે. કેટલાક યુઝર્સે વિજયની મજાક ઉડાવતા કહ્યું કે તે સપનાની દુનિયામાં જીવી રહ્યો છે અને તેની હાલની ફિલ્મે તેની સાચી કિંમત બતાવી છે.
Latest News Updates
