Shah Rukh Khan 5 upcoming movies : પઠાણથી લઈને સનકી સુધી, શાહરૂખ ખાન જોવા મળશે આ 5 ફિલ્મમાં

Shah Rukh Khan Upcoming Movies : બોલિવૂડના બાદશાહ કહેવાતા અભિનેતા શાહરૂખ ખાન ઘણા સમયથી પડદા પર જોવા મળ્યા નથી અને હવે ફેન્સની આતુરતાનો અંત થવા જઈ રહ્યો છે.

Shah Rukh Khan 5 upcoming movies : પઠાણથી લઈને સનકી સુધી, શાહરૂખ ખાન જોવા મળશે આ 5 ફિલ્મમાં
Shahrukh Khan

Shah Rukh Khan Upcoming Movies: બોલિવૂડના કિંગ કહેવાતા અભિનેતા શાહરૂખ ખાન (Shah Rukh Khan) ઘણા સમયથી પડદા પર જોવા મળ્યા નથી અને હવે ફેન્સની આતુરતાનો અંત આવી રહ્યો છે. શાહરૂખ ખાન પોતાના પ્રોજેક્ટ પૂરા કરવામાં વ્યસ્ત છે. તે ટૂંક સમયમાં જ ફિલ્મ પઠાણનું શૂટિંગ પૂર્ણ કરીને અન્ય પ્રોજેક્ટ્સમાં સામેલ થવા જઈ રહ્યો છે.

શાહરૂખ ખાન ટૂંક સમયમાં જ સ્પેન ફિલ્મ માટે સ્પેન જવા રવાના થશે અને યશરાજ ફિલ્મ્સની આગામી ફિલ્મ પઠાણનું શૂટિંગ પૂર્ણ કરશે. આ પછી તે સતત વ્યસ્ત રહેશે અને એક પછી એક ઘણી ફિલ્મોનું શૂટિંગ પૂર્ણ કરશે. આવો જાણીએ કિંગ ખાનની કઈ ફિલ્મોની ફેન્સ રાહ જોઈ રહ્યા છે.

શાહરૂખ ખાન બે વર્ષથી કોઈ પ્રોજેક્ટનો ભાગ નથી અને ફેન્સ તેની પરત ફરવાની આતુરતાથી રાહ જોઈ રહ્યા છે. શાહરૂખ ખાન છેલ્લે નિર્દેશક આનંદ એલ રાયની ફિલ્મ ઝીરોમાં જોવા મળ્યો હતો. જે બોક્સ ઓફિસ પર ખાસ કમાલ કરી શકી ન હતી. આ ફિલ્મમાં તેની સાથે કેટરિના કૈફ અને અનુષ્કા શર્મા જોવા મળી હતી. હવે શાહરૂખ ધમાકેદાર પુનરાગમનની તૈયારી કરી રહ્યો છે.

બ્રહ્માસ્ત્ર
અયાન મુખર્જી દ્વારા નિર્દેશિત રણબીર કપૂર અને આલિયા ભટ્ટની ફિલ્મ બ્રહ્માસ્ત્રમાં શાહરૂખ ખાન પણ એક નાનકડી ભૂમિકામાં જોવા મળશે. જો કે તેના રોલ વિશે વધુ માહિતી મળી નથી, પરંતુ એમ કહી શકાય કે તેનો રોલ ખાસ હશે.

એટલીની ફિલ્મ
બિગિલ, મેર્સલ અને થેરી જેવી તમિલ સુપરહિટ ફિલ્મો આપનાર ડિરેક્ટર એટલી સાથે શાહરૂખ ખાન કામ કરવા જઈ રહ્યો છે. રિપોર્ટ અનુસાર, તે તેની સાથે ફિલ્મ સનકીમાં કામ કરવા જઈ રહ્યો છે અને ટૂંક સમયમાં આ ફિલ્મ પર કામ શરૂ થશે. એવા પણ સમાચાર છે કે દક્ષિણ ભારતની ટોચની એક્ટ્રેસ નયનતારા આ ફિલ્મમાં મુખ્ય ભૂમિકા ભજવવાની છે.

રાજકુમાર હિરાની સાથે
એવા પણ સમાચાર હતા કે 3 ઈડિયટ્સ જેવી શાનદાર ફિલ્મ બનાવનાર રાજકુમારી હિરાનીની કોમેડી ફિલ્મમાં શાહરૂખ ખાન જોવા મળશે. આ ફિલ્મમાં તે પંજાબી પાત્રમાં જોવા મળશે.

પઠાણ
હૃતિક રોશન અને ટાઈગર શ્રોફની ફિલ્મ વોર ડિરેક્ટર સિદ્ધાર્થ આનંદની ફિલ્મ પઠાણ યશ રાજ બેનર હેઠળ બની રહી છે. હાઈ બજેટની આ ફિલ્મમાં શાહરૂખ ખાન લીડ રોલમાં છે. આ ફિલ્મનું શૂટિંગ અંતિમ તબક્કામાં છે. આ ફિલ્મમાં શાહરૂખ ખાનની સાથે દીપિકા પાદુકોણ અને જોન અબ્રાહમ પણ લીડ રોલમાં છે. જ્યારે આ ફિલ્મમાં સલમાન ખાનનો કેમિયો પણ જોવા મળશે.

રોકેટ્રી
જો કે ભારતીય અવકાશ સંશોધન સંસ્થાના ભૂતપૂર્વ વૈજ્ઞાનિક અને એરોસ્પેસ એન્જિનિયર નામ્બી નારાયણનના જીવન પર આધારિત ફિલ્મ રોકેટ્રીઃ ધ નામ્બી ઈફેક્ટમાં આર માધવન મુખ્ય ભૂમિકામાં છે. પરંતુ શાહરૂખ ખાનના ફેન્સ પણ આ ફિલ્મને લઈને ખૂબ જ ખુશ છે. વાસ્તવમાં આ ફિલ્મમાં શાહરૂખ ખાન પણ કેમિયો કરવા જઈ રહ્યો છે.

આ પણ વાંચો : Ramayana Circuit Train: સાધુ-સંતોની ચેતવણી બાદ IRCTCએ વેઈટરોના ભગવા ડ્રેસ બદલ્યા, હવે પહેરશે આવા કપડાં

આ પણ વાંચો : ફ્રાન્સના વડા પ્રધાન કોરોના સંક્રમિત, 75 ટકા વસ્તીને રસીકરણ પછી પણ કોરોનાના કેસ વધતા ચિંતા વ્યાપી

 

Click on your DTH Provider to Add TV9 Gujarati