ફ્રેન્ડના લગ્ન ફંક્શનમાં ડૅશિંગ લૂકમાં પહોંચ્યો સલમાન ખાન, Video જોઈને ચાહકોએ આપી લગ્ન કરવાની સલાહ
હાલમાં જ સલમાન ખાન રાહુલ કનાલના લગ્નમાં પહોંચ્યો હતો, જે વીડિયો હાલ સોશિયલ મીડિયા પર વાયરલ થયો છે. વીડિયો જોઈને ચાહકો સલમાનને લગ્ન કરવાની સલાહ આપી રહ્યા છે.
સલમાન ખાન એક બોલિવૂડ અભિનેતા છે જે રિયલ લાઈફમાં પણ એવી જ મિત્રતા જાળવી રાખવા માટે જાણીતો છે જેટલો તે સ્ક્રીન પર લોકોનું મનોરંજન કરે છે. સલમાન ખાન ઘણીવાર અન્ય ફિલ્મ સ્ટાર્સ અને તેના ફેન્ડની ખુશીમાં ભાગ લેતો જોવા મળે છે.હાલમાં જ સલમાન ખાન શિવસેનાના સભ્ય અને રાજનેતા રાહુલ કનાલના લગ્નમાં પહોંચ્યો હતો. આ લગ્ન ફંક્શનમાં બોલિવૂડના ઘણા સ્ટાર્સે ભાગ લીધો હતો, જ્યારે સલમાન ખાને પણ આ ફંક્શનમાં ભાગ લીધો હતો અને પોતાની સ્ટાઈલથી પાર્ટીમાં મેહફિલ જમાવવાનું કામ કર્યું હતુ,
જુઓ સલમાન ખાનનો વીડિયો
હવે રાહુલ કનાલના લગ્નના ફંક્શનમાંથી સલમાન ખાનનો એક વીડિયો સામે આવ્યો છે, જેને વિરલ ભાયાણીએ તેના ઈન્સ્ટાગ્રામ પર શેર કર્યો છે. આ વીડિયોમાં સલમાન ખાન સ્ટેજ પર રાહુલ કનાલ સાથે વાત કરતો જોવા મળે છે. તેણે કાળો શર્ટ અને પેન્ટ પહેર્યું હતું, જ્યારે તે હંમેશની જેમ દમદાર સ્ટાઇલમાં જોવા મળે છે. આ લુકમાં સલમાન ખાન ખૂબ જ ડેશિંગ લાગી રહ્યો છે. રિપોર્ટ્સ અનુસાર આ લગ્નમાં સલમાન ખાન સિવાય તેનો ભાઈ સોહેલ ખાન અને બહેનો અલવીરા ખાન અને અર્પિતા ખાન પણ પહોંચી હતી.
View this post on Instagram
ચાહકોએ આવી પ્રતિક્રિયાઓ આપી
સલમાન ખાનનો આ વીડિયો સોશિયલ મીડિયા પર છવાયેલો છે. આના પર લોકોની ઘણી કોમેન્ટ જોવા મળી રહી છે.અનેક ચાહકો સલમાનને લગ્ન કરવાની સલાહ આપી રહ્યા છે. એક યુઝરે કમેન્ટ કરી કે, “સલમાન ભાઈ બધા માટે હાજર છે.” અન્ય યુઝરે ટિપ્પણી કરી, “આગ જોવા મળી રહી છે.” કોમેન્ટ કરતી વખતે અન્ય એક યુઝરે લખ્યું કે, ભાઈ બધાના લગ્નમાં જઈ રહ્યા છે, પોતે લગ્ન નથી કરવાના.
જો આપણે સલમાન ખાનના વર્કફ્રન્ટ વિશે વાત કરીએ, તો તે 25 જાન્યુઆરીએ રિલીઝ થયેલી શાહરૂખ ખાનની ફિલ્મ ‘પઠાણ’માં કેમિયો રોલમાં જોવા મળ્યો છે. આ ફિલ્મની સાથે જ સલમાનની આગામી ફિલ્મ ‘કિસી કા ભાઈ કિસી કી જાન’નું ટીઝર રિલીઝ કરવામાં આવ્યું છે. આ ફિલ્મ 2023ની ઈદના અવસર પર રિલીઝ થવા જઈ રહી છે.
Latest News Updates
