Pushpa Box Office Collection day 2: અલ્લુ અર્જુનની ફિલ્મે વિશ્વભરમાં મચાવી ધૂમ, 100 કરોડ ક્લબમાં કરી એન્ટ્રી
સાઉથના સ્ટાર અલ્લુ અર્જુનની ફિલ્મ પુષ્પા 17 ડિસેમ્બરે સિનેમાઘરોમાં રિલીઝ થઈ છે. આ ફિલ્મ સિનેમાઘરોમાં ધમાલ મચાવી રહી છે.
સાઉથના સ્ટાર અલ્લુ અર્જુનની (Allu Arjun) ફિલ્મ પુષ્પા 17 ડિસેમ્બરે સિનેમાઘરોમાં રિલીઝ થઈ છે. આ ફિલ્મ સિનેમાઘરોમાં ધમાલ મચાવી રહી છે. અલ્લુ અર્જુન અને રશ્મિકા મંદનાની એક્ટિંગની (Rashmika Mandanna) દુનિયાભરમાં પ્રશંસા થઈ રહી છે. આ ફિલ્મ બોક્સ ઓફિસ પર શાનદાર કમાણી કરી રહી છે. ફિલ્મે બે દિવસમાં ઘણા રેકોર્ડ તોડી નાખ્યા છે.
અલ્લુ અર્જુનની ફિલ્મ પુષ્પા 100 કરોડની ક્લબમાં સામેલ થઈ ગઈ છે. એવી આશા હતી કે આ ફિલ્મ ક્રિસમસ સુધી બોક્સ ઓફિસ પર સારી કમાણી કરશે, પરંતુ તેણે માત્ર બે દિવસમાં ઘણી ફિલ્મોના રેકોર્ડ તોડી નાખ્યા છે.
100 કરોડની ક્લબમાં થયા સામેલ
ટ્રેડ એનાલિસ્ટ રમેશ બાલાએ પુષ્પાના બોક્સ ઓફિસ કલેક્શન વિશે માહિતી આપી છે. તેણે ટ્વિટ કર્યું – પુષ્પાએ વિશ્વભરમાં બોક્સ ઓફિસ પર બે દિવસમાં 100 કરોડથી વધુનો બિઝનેસ કર્યો છે. આ ફિલ્મને યુએસએમાં પણ ઘણી પસંદ કરવામાં આવી રહી છે. રમેશ બાલાએ જણાવ્યું કે, ફિલ્મે બીજા દિવસે 9 કરોડનો બિઝનેસ કર્યો છે.
તમને જણાવી દઈએ કે, પુષ્પાએ પહેલા દિવસે જ દુનિયાભરમાં 57.83 કરોડનો બિઝનેસ કર્યો હતો અને હવે બીજા દિવસે આ ફિલ્મે 100 કરોડનો આંકડો પાર કરી લીધો છે. જો પુષ્પાનો બિઝનેસ આમ જ ચાલશે તો ફિલ્મને 200 કરોડની ક્લબમાં સામેલ થવામાં વધુ સમય નહીં લાગે.
પુષ્પા ફિલ્મ બે ભાગમાં બની છે. 17 ડિસેમ્બરે પુષ્પા ધ રાઈઝ ફિલ્મનો પહેલો ભાગ રિલીઝ થઈ ગયો છે. આ ફિલ્મની વાર્તા ચંદનની દાણચોરી પર આધારિત છે. ફિલ્મમાં અલ્લુ ચંદનનો દાણચોર બન્યો છે. આ ફિલ્મ 5 ભાષાઓ હિન્દી, તમિલ, તેલુગુ, મલયાલમ અને કન્નડમાં રિલીઝ થઈ છે.
પુષ્પાને દર્શકો અને વિવેચકો તરફથી મિશ્ર પ્રતિસાદ મળ્યો છે. આ ફિલ્મમાં અલ્લુ અર્જુન અને રશ્મિકા મંદના સાથે ફહદ ફાસિલ લીડ રોલમાં જોવા મળશે. આ ફિલ્મમાં સામંથાનું એક આઈટમ સોંગ પણ છે જેને ઘણું પસંદ કરવામાં આવી રહ્યું છે. ફિલ્મનો બીજો ભાગ આવતા વર્ષે રિલીઝ થશે. ટૂંક સમયમાં જ મેકર્સ ફિલ્મના બીજા ભાગ વિશે અપડેટ આપશે.
ફિલ્મના રિવ્યુની વાત કરીએ તો આ એક એક્શનથી ભરપૂર ફિલ્મ છે. પુષ્પામાં અલ્લુ અર્જુનની એક્ટિંગ અને બોડી લેંગ્વેજને ખૂબ પસંદ કરવામાં આવી રહી છે. આ સાથે રશ્મિકા મંદનાના એક અલગ અવતારને ખૂબ પસંદ કરવામાં આવી રહ્યો છે.
આ પણ વાંચો: Bank of Baroda Recuirtment 2021: આ બેંકમાં ડેવલપર સહિત ઘણી જગ્યાઓ માટે ભરતી, આ રીતે કરો અરજી
આ પણ વાંચો: UPSC NDA NA Result: UPSC NDA લેખિત પરીક્ષાનું પરિણામ થયું જાહેર, અહીં કરો ડાઉનલોડ