TV9 GUJARATI | Edited By: Nancy Nayak
May 14, 2022 | 4:23 PM
રણબીર કપૂર (Ranbir Kapoor) અને આલિયા ભટ્ટની જોડી બોલિવૂડની બેસ્ટ જોડીમાંથી એક છે. રણબીર-આલિયાએ થોડા સમય પહેલા લગ્ન કર્યા હતા (Alia Bhatt-Ranbir Kapoor Wedding). આવી સ્થિતિમાં હવે આલિયાએ પતિ રણબીર સાથેની રોમેન્ટિક પળોની તસવીરો શેર કરી છે. તમને જણાવી દઈએ કે, રણબીર અને આલિયાએ ગયા મહિને 14 એપ્રિલના રોજ લગ્ન કર્યા હતા. હવે આલિયાએ 14 મેના રોજ આ તસવીરો ફેન્સ સાથે શેર કરી છે. ફોટા પોસ્ટ કરીને, અભિનેત્રીએ ચાહકો સાથે તેના લગ્નને એક મહિનો પૂર્ણ થયાની ખુશી વ્યક્ત કરી. આલિયાએ તેના ઈન્સ્ટા એકાઉન્ટ પરથી રણબીર સાથે ત્રણ ફોટા પોસ્ટ કર્યા છે. આ તસવીરોમાં બંને ખૂબ જ ખુશ અને એકબીજામાં ખોવાયેલા જોવા મળે છે.
પહેલા ફોટોમાં આલિયા રેડ કલરના ડ્રેસમાં છે અને રણબીર લાઇટ કલરના કપડામાં જોવા મળી રહ્યો છે. આલિયા ભટ્ટ ગળે મળતી જોવા મળે છે. રણબીરના ચહેરા પર હળવું સ્મિત દેખાય છે. બીજી તસવીરમાં આલિયા રણબીર સાથે શોર્ટ ડ્રેસ પહેરેલી જોવા મળી રહી છે. બ્લેક કલરના સૂટમાં રણબીર પણ જેન્ટલમેન લાગી રહ્યો છે. જેમાં રણબીરે આલિયાને પાછળથી કમરથી પકડ્યો છે. આગળની તસવીરમાં આલિયા અને રણબીર હસતા જોવા મળે છે.
View this post on Instagram
તમને જણાવી દઈએ કે, 14 એપ્રિલે રણબીર કપૂરે કૃષ્ણા રાજ હાઉસથી તેના બીજા ઘર વાસ્તુ સુધી જાન કાઢી હતી, જ્યાં રણબીર અને આલિયાના લગ્નનું ભવ્ય આયોજન કરવામાં આવ્યું હતું. લગ્નમાં માત્ર પરિવાર અને કેટલાક નજીકના મિત્રો જ હાજર રહ્યા હતા. આ દરમિયાન લગ્નના ફંક્શન અને જાનની ઘણી તસવીરો સામે આવી હતી. જ્યારે રણબીર પણ આલિયાને મંગળસૂત્ર પહેરાવતો જોવા મળ્યો હતો, ત્યારે તેનો સિંદૂર લગાવતો વીડિયો પણ સોશિયલ મીડિયા પર વાયરલ થયો હતો.
View this post on Instagram
આ પછી રણબીર આલિયાએ ઘરની બહાર ઉભેલા મીડિયાના લોકો સામે પોતાની પહેલી હાજરી આપી હતી. રણબીર આલિયા એકસાથે વાસ્તુમાંથી બહાર આવ્યા અને ફોટોગ્રાફર્સને તસવીરો આપી. આ પછી આલિયાએ તેના સોશિયલ મીડિયા એકાઉન્ટ પરથી રણબીર સાથેના લગ્નની તસવીરો પણ શેર કરી હતી. હાલમાં જ આલિયાએ તેની સાસુ અને તેની માતા સાથેની એક ખૂબ જ ક્યૂટ તસવીર પણ શેર કરી છે. આ તસવીર લગ્ન પછીની છે.
