Kartik Aaryan કરવા જઇ રહ્યો છે નવો ‘ધમાકો’? નવા લૂકમાં ફોટો શેર કરીને લખ્યું, આવવાનું છે કંઈક અલગ જ
ચાહકો અનુમાન લગાવી રહ્યા છે કે 20 જૂને ધમાકાનું ટ્રેલર આવી શકે છે. રામ માધવાની દિગ્દર્શિત, કાર્તિકની આ ફિલ્મ નેટફ્લિક્સ પર રીલિઝ થવા જઈ રહી છે. એક ચાહકે લખ્યું છે કે બે દિવસ રાહ કેવી રીતે જોઈ શકીએ.
તાજેતરમાં જ કરણ જોહરની ફિલ્મથી બહાર હોવાના કારણે ચર્ચામાં રહેલા કાર્તિક આર્યને હવે સોશિયલ મીડિયા (Social Media) પર પોતાની એક તસવીર પોસ્ટ કરીને સનસનાટી મચાવી દીધી છે. આ ફોટામાં કાર્તિક નવા લુકમાં જોવા મળી રહ્યા છે. આ સાથે કાર્તિકે કેપ્શન જે લખ્યું છે, તેમા તેમણે કંઇક અલગ કરવાનું સંકેત આપ્યો છે. કાર્તિકનો આ ફોટો અને જાહેરાત બાદ તેમના ચાહકો ખૂબ જ ઉત્સુક જોવા મળી રહ્યા છે.
ફોટામાં કાર્તિકનો ચહેરો અંધારામાં છે, પરંતુ તેમના લાંબા વાળ સ્પષ્ટ દેખાઈ રહ્યા છે. કાર્તિકે એક ઓવરકોટ પહેરેલો છે અને હાથમાં કંઇક પકડ્યું છે. બેકગ્રાઉન્ડમાં કેટલાક ગ્રાફિક્સ બન્યા છે. તેના પર લખ્યું છે – 20.06.21 .. તસ્વીર સાથે, કાર્તિકે લખ્યું છે – આવી રહ્યું છે કંઇક અલગ. અનુમાન કરો. આ સાથે, ફાયરની ઇમોજી બનાવી છે. કાર્તિકની આ પોસ્ટ પર ઘણા ચાહકો અને ફોલોઅર્સે કમેન્ટ કરી છે.
View this post on Instagram
ચાહકો અનુમાન લગાવી રહ્યા છે કે 20 જૂને ધમાકાનું ટ્રેલર આવી શકે છે. રામ માધવાની દિગ્દર્શિત, કાર્તિકની આ ફિલ્મ નેટફ્લિક્સ પર રીલિઝ થવા જઈ રહી છે. એક ચાહકે લખ્યું છે કે બે દિવસ રાહ કેવી રીતે જોઈ શકીએ. તે જ સમયે, ઘણા ચાહકોએ કાર્તિકની હેરસ્ટાઇલની પ્રશંસા કરી છે.
કાર્તિક, કરણ જોહરની ફિલ્મ દોસ્તાના 2 કરી રહ્યા હતા, જેમાંથી તેમને થોડા દિવસો પહેલા જ બહાર કરી દેવાયા. કરણે આ માહિતી સોશિયલ મીડિયા દ્વારા આપી હતી. જો કે કાર્તિકે આ વિવાદ અંગે કંઈ કહ્યું નથી.
જો ધમાકા વિશે વાત કરીએ, તો થોડા દિવસો પહેલા એવા અહેવાલો આવ્યા હતા કે આ ફિલ્મ ઓગસ્ટમાં રિલીઝ થઈ શકે છે. કાર્તિકની આ પહેલી ફિલ્મ છે જે સિનેમાઘરોની જગ્યાએ સીધી ઓટીટી પ્લેટફોર્મ પર આવશે. તમને જણાવી દઈએ કે, ‘ધમાકા’નું શૂટિંગ કાર્તિકે માત્ર 10 દિવસમાં પૂર્ણ કર્યું હતું. ફિલ્મના મોટા ભાગોનું શૂટિંગ ઇનડોર કરવામાં આવ્યું છે. ધમાકામાં કાર્તિક એક ન્યૂઝ એન્કરની ભૂમિકા ભજવે છે.
કેટલાક દ્રશ્યો બહાર શૂટ કરવામાં આવ્યા છે. એવા સમાચાર આવ્યા હતા કે કાર્તિકને આ ફિલ્મ માટે 14 દિવસનો સમય આપવામાં આવ્યો હતો, પરંતુ તેમણે પોતાનું કામ 10 દિવસમાં પૂર્ણ કરી લીધું હતું. આ સિવાય કાર્તિક ‘ભુલ ભુલૈયા 2’ માં પણ જોવા મળશે.