Kareena Kapoor એ કહ્યું – હું પહેલા પરફેક્ટ માતા નહોતી, તૈમૂરને ડાયપર પણ પહેરાવતા આવડતુ ન હતું
કરીના કપૂર ખાન બોલિવૂડની પરફેક્ટ એક્ટ્રેસ છે, તેમને હાલમાં જ વર્કિગ મધર્સ માટે એક મહત્વપૂર્ણ સંદેશ આપ્યો છે. આ સાથે, તેમણે કહ્યું કે પહેલા તે પોતે એક પરફેક્ટ માતા નહોતી.
કરીના કપૂર ખાન (Kareena Kapoor Khan) આજકાલ તેમની બુક બાઇબલ (Bible) ને લઈને ઘણી હેડલાઇન્સમાં છે. આ પુસ્તક દ્વારા કરીનાએ પોતાનો ગર્ભાવસ્થાનો અનુભવ શેર કર્યો છે અને આ સિવાય પણ ઘણાં ખુલાસા કર્યા છે. કરીનાએ પુસ્તકની રજૂઆતમાં જણાવ્યું છે કે શરૂઆતમાં તે એક પરફેક્ટ મોમ નહોતી.
બાળક પ્રત્યેની જે પણ જવાબદારી હતી તે નિભાવવામાં કરીનાને ઘણી સમસ્યાઓનો સામનો કરવો પડ્યો હતો. કરીનાએ પુસ્તકમાં લખ્યું છે કે, શરૂઆતમાં હું એક પરફેક્ટ માં નહોતી. મને ખબર નહોતી કે તૈમૂરને ડાયપર કેવી રીતે પહેરાવવું. ઘણી વાર તે સુસુ કરતો હતો, તો લિક થઈ જતું હતું કારણ કે હું ડાયપર યોગ્ય રીતે નહોતી પહેરાવતી.
કરીનાએ વધુમાં બધાને સલાહ આપી અને કહ્યું, ‘ તમે તે કરો જે તમારા માટે સહેલું હોય અને સારી રીતે કરી શકો. જ્યારે માતા કોન્ફિડેન્ટ અને કમ્ફર્ટેબલ હોય છે, ત્યારે બાળક પણ હોય છે. આ જ કારણ છે કે હું ટૂંક સમયમાં કામ પર પાછી ફરી આવી હતી.
કરીનાએ કહ્યું કે તે જાણતી હતી કે ખાલી માં બનવું તે તેમની ઓળખ નથી અને તેથી જ તેમણે ગર્ભાવસ્થા દરમિયાન કામ કર્યું હતું અને બાળકના જન્મ પછી તરત જ કામ પર પાછી ફરી હતી. જોકે બાળકને ઘરે જ રાખવું અને કામ પર જવાનું તેમના માટે સરળ નહોતું.
કરીનાએ પોતાનો અનુભવ જણાવતાં કહ્યું કે, ‘મને યાદ છે કે તૈમૂરને છોડીને નાઇટ શૂટ પર ગઈ હતી. હું ભલે દીકરાને ખૂબ મિસ કરી રહી હતી, પણ મારે ત્યાં પ્રોફેશનલ રહેવું પડ્યું. જેહ ના જન્મ પછી હું તરત જ કામ પર પાછી ફરી હતી. મારી વાત પર વિશ્વાસ કરો, કારણ કે હું કામ પર જલ્દી ફરી હતી તો આ કારણે તૈમૂર મને ઓછો પ્રેમ નથી કરતો અને ન તો જેહ પણ તેવું કરશે. હું એક માતા પણ છું અને કામ પણ કરીશ અને રોક પણ કરીશ.
કરીનાની પ્રોફેશનલ લાઇફ
કરીના છેલ્લે આંગ્રેઝી મીડિયમ ફિલ્મમાં જોવા મળી હતી. આ ફિલ્મમાં કરીનાની સાથે ઇમરાન ખાન (Imran Khan) અને રાધિકા મદાન (Radhika Madan) મુખ્ય ભૂમિકામાં હતા. આ ફિલ્મમાં કરીનાનું પાત્ર ખૂબ પસંદ કરવામાં આવ્યું હતું.
હવે કરીના ફિલ્મ લાલ સિંહ ચઢ્ઢા (Laal Singh Chaddha) માં જોવા મળશે, જેમાં તેમની સાથે આમિર ખાન (Aamir Khan) મુખ્ય ભૂમિકામાં છે. કરીનાએ આ ફિલ્મનું શૂટિંગ ગર્ભાવસ્થા દરમિયાન કર્યુ હતું. તે સમયે કરીનાનું બેબી બમ્પ દેખાવા લાગ્યું હતું. જો કે, નિર્માતાઓએ પછી નિર્ણય લીધો હતો કે તેઓ વીએફએક્સ દ્વારા કરીનાના બેબી બમ્પને હાઈડ કરી દેશે.
Latest News Updates
